ஆழமான நரம்பு இரத்த உறைவு (DVT) இருப்பதற்கான அறிகுறிகள்!!!

வலி

பெரும்பாலான நேரங்களில் இப்பிரச்சனை இருந்தால், வலியுடன் வீக்கமும் இருக்கும். இந்த வலி தீவிரமாகவோ அல்லது லேசாகவோ கூட இருக்கலாம். ஆனால் நடக்கும் போது கடுமையான வலியை சந்திக்க வேண்டியிருக்கும்.

சருமத்தின் நிறம்

இரத்த உறைவு ஏற்பட்டுள்ள இடத்தின் நிறமானது நீல நிறத்திலோ அல்லது வேறு ஏதேனும் அசாதாரண நிறத்திவே இருந்தால், அதற்கும் ஆழமான நரம்பு இரத்த உறைவு பிரச்சனை உள்ளது என்று அர்த்தம்.

காய்ச்சல்

ஒருவருக்கு டிவிடி இருந்தால் அவருக்கு தொடர்ச்சியான காய்ச்சல் இருக்கும். அதிலும் காய்ச்சலானது முற்றிய நிலையில் தான் வரும். எனவே காய்ச்சல் வந்தால் அசாதாரணமாக விட்டுவிடாதீர்கள். உடனே மருத்துவ சிகிச்சையை மேற்கொள்ளுங்கள்.

வீக்கம்

கால்களில் திடீரென்று வீக்கம் கடுமையாக இருந்தால், அதற்கு டிவிடி காரணமாக இருக்கலாம். அதிலும் பாதிக்கப்பட்ட இடம் அளவுக்க அதிகமாக பெரிதாக வீங்கி இருக்கும். எனவே இம்மாதிரியான நிலையில் வீட்டிலேயே சிகிச்சை எடுக்காமல், உடனே மருத்துவரை சந்தித்து பரிசோதியுங்கள்.

மூச்சுவிடுவதில் சிரமம்

கால் வீக்கம், வலி, நிறமாற்றத்துடன் மூச்சு விடுவதில் சிரமத்தையும் சந்தித்தால், உடனே மருத்துவ பரிசோதனை மேற்கொள்ள வேண்டியது அவசியம் என்று அர்த்தம். எனவே கவனமாக இருங்கள்.

சளி

அதிகப்படியான இருமல் மற்றும் சளியில் இரத்தம் கலந்து வெளிவருதல் போன்றவையும் டிவிடி-க்கான தீவிர அறிகுறிகளுள் ஒன்று. இந்த அறிகுறி நுரையீரல் வரை பிரச்சனை தீவிரமாகியுள்ளது என்பதை உணர்த்துவதாக உள்ளது.

பலவீனம்

ஒருவர் மிகுந்த சோர்வு, பலவீனம், கால்களை நகத்தவே வலிமை இல்லாதவாறு உணர்ந்தால், அத்தகையவர்களுக்கும் டிவிடி இருப்பதற்கான வாய்ப்புள்ளது என்று அர்த்தம்.

நெஞ்சு வலி

நுரையீரலில் இரத்தம் உறைந்திருந்தால், அவர்கள் தீவிரமான நெஞ்சு வலியை அனுபவிக்கக்கூடும். மேலும் மூச்சு விடுவதிலும் சிரமமாக இருக்கும்.

வெதுவெதுப்புத்தன்மை

டிவிடி இருந்தால், பாதிக்கப்பட்ட பகுதி உடலின் மற்ற பகுதிகளை விட வெதுவெதுப்புத்தன்மையுடன் இருக்கும். குறிப்பாக நடக்கும் போது வலியுடன், அப்பகுதி ஒருவித வெப்பத்துடன் இருப்பதை உணர முடியும்.