தினமும் மாலை 4 மணிக்கு நமது உடலில் வெளிப்படும் ஒளிக்கதிர் பற்றி உங்களுக்கு தெரியுமா?

உலக உயிரினங்கள்

உலகிலுள்ள அனைத்து உயிரினங்களில் இருந்தும் மிகக் குறைந்த அளவில் ஒளி வெளிப்படுகிறது. மனித உடலிலும் இதுப் போன்ற ஒளிக் கதிர்கள் வெளி வருகின்றன என ஜப்பானிய ஆராய்ச்சியாளர்கள் கண்டறிந்துள்ளனர்.

கண் திறன் குறைவு

நமது கண்களால் பார்க்கும் திறனை விட ஆயிரம் மடங்கு குறைந்த அளவில் ஒளிக் கதிர்கள் நமது உடலில் இருந்து வெளி வருகின்றன என ஆய்வாளர்கள் கூறியுள்ளனர்.

மாலை 4 மணி

தினமும் காலை 10 மணி அளவில் மிக குறைந்த அளவில் இந்த ஒளிக் கதிர்கள் நமது உடலில் இருந்து வெளி வருகின்றன. ஆனால், மாலை 4 மணியளவில் அதிகளவில் ஒளிக் கதிர் வெளிப்படுவதாக ஜப்பானிய ஆராய்ச்சியாளர்கள் கண்டறிந்துள்ளனர். பிறகு மெல்ல மெல்ல இதன் அளவு குறைந்துவிடுகிறது.

முகம்

நம் உடலிலே முகத்தில் தான் அதிகளவில் ஒளிக் கதிர் வெளிப்படுகிறது. அதிகமாக சூரியனின் ஒளியால் முகத்தின் தோல் பதப்பட்டு இருப்பதால் தான் முகத்தில் இருந்து அதிகளவு பிரகாசம் வெளிப்படுகிறது என ஆய்வாளர்கள் கூறியுள்ளனர்.

ஐந்து இளைஞர்கள்

ஆரோக்கியமான ஐந்து இளைஞர்களை ஓர் இருட்டு அறையில் அடைத்து வைத்து ஆராய்ச்சி செய்தனர். ஆய்வின் போது சிறப்பு கேமராக்கள் வைத்து அவர்களது உடலில் இருந்து வெளிப்பட்ட ஒளிக்கதிர்கள் கண்டறியப்பட்டது.

இரசாயன மாற்றம்

நம் உடல் இயக்கத்தில் ஏற்படும் இரசாயன மாற்றத்தினால் தான் இந்த ஒளிக் கசிவு ஏற்படுகிறது என இந்த ஆய்வை நடத்திய ஜப்பானிய ஆய்வாளர் ஹிட்டாஷி கூறியுள்ளார்.

உடல் இயக்கங்கள்

நமது எண்ணங்கள் மற்றும் கை வேலைகள் / உடல் உழைப்பு இன்றி, உடலுக்குள் நடக்கும் மற்ற இயக்கங்களான, மூச்சு விடுதல், இரத்த ஓட்டம், செரிமானம், வியர்வை சுரத்தல் போன்றவை நாம் உறங்கும் போதும் கூட இயங்கிக்கொண்டு தான் இருக்கின்றன. இந்த செயல்பாடுகளினால் தான் உடல் பிரகாசம் ஆகிறதாம்.