அதிக நேரம் உடற்பயிற்சியில் ஈடுபட்டால், உடலில் ஏற்படும் பிரச்சனைகள்!!!

சோர்வடையச் செய்யும்

உடற்பயிற்சியின் விளைவாக நீங்கள் புத்துணர்வு அடைவதற்கு பதிலாக சோர்வடைந்தால் அது உங்களது உடலானது நீங்கள் உடற்பயிற்சி அதிகமாக செய்வதை வெளிக்காட்டும் அறிகுறியாக இருக்கும். களைப்பின் காரணமாக நீங்கள் உங்கள் உடற்பயிற்சியை தொடர முடியாவிட்டால், அது நீங்கள் அதிகமாக மேற்கொண்ட உடற்பயிற்சியின் விளைவாக ஏற்பட்ட உடல் சோர்வை எடுத்து காட்டுகின்றது.

களைப்பு

அதிக உடற்பயிற்சியின் விளைவாக தொடக்க நிலைகளில் அதிக களைப்பும் அயர்ச்சியும் ஏற்படக்கூடும். இறுதி நிலைகளில் இதன் விளைவாக உடற்பயிற்சி மேற்கொள்ளும் செயல்திறன் குறைந்து உங்கள் உடல் இதனை தொடருவதற்கு ஒத்துழைக்க மறுத்துவிடும்.இவை அனைத்தும் அதிக உடற்பயிற்சி மேற்கொள்ளுவதால் ஏற்படும் பொதுவான அறிகுறிகளாகும்.

ஹார்மோன் சமநிலையின்மை

அதிகமான உடற்பயிற்சி ஆண்கள் மற்றும் பெண்கள் இருவரது உடலிலும் ஹார்மோனல் சமநிலையின்மையை ஏற்படுத்தக்கூடும். பெண்களின் ஒழுங்கான மாதவிடாய் சுழற்சியில் பிரச்சனையை ஏற்படுத்தக்கூடும். அதிக உடற்பயிற்சியின் விளைவாக நமது உடலில் மனஅழுத்த ஹார்மோனான கார்டிசாலின் அளவை அதிகரிக்கச்செய்து ஹார்மோன் சமநிலையின்மையை ஏற்படுத்தும்.

தசை வலி

நீங்கள் முதன் முதலில் உடற்பயிற்சி மேற்கொள்ளும்போது தசை வலி ஏற்படுவது பொதுவான ஒன்றாகும். ஆனால், இந்த வலி எந்த மாற்றமும் அடையாது தொடர்ந்துவந்தால், உங்கள் உடற்பயிற்சியில் சிறிது கவனம் கொள்ள வேண்டும். இது நீங்கள் அதிகமான உடற்பயிற்சி செய்வதை எடுத்து காட்டுகின்றது.

உணர்ச்சிபூர்வமான மனஅழுத்தம்

அதிகமான உடற்பயிற்சி உங்கள் உடலை பாதிப்பதோடு மட்டுமல்லாமல் மனதையும் பாதிக்ககூடும். நீங்கள் அந்த உடற்பயிற்சியை மேற்கொள்ள முடியாமல் போகும்போது மன ரீதியான இறுக்கமும் மனஅழுத்தம் ஏற்படக்கூடும். இது நீங்கள் அதிகமாக உடற்பயிற்சி மேற்கொள்ளுவதன் விளைவாக ஏற்படும் மனரீதியான அறிகுறிகளில் ஒன்றாகும்.

குணமடைதலில் தாமதம்

பொதுவாக உடற்பயிற்சி மேற்கொண்டிருந்தால் குணமடைவதற்கு சிறிது காலம் மட்டுமே போதுமானதாக இருக்கும். ஆனால், உங்கள் உடலில் ஏற்படும் தளர்ச்சியும் அயர்ச்சியும் குணமடைவதற்கு நீண்ட காலம் எடுத்தால், அது நீங்கள் அதிகமான உடற்பயிற்சி மேற்கொள்ளுவதை தெரிவிக்கின்றது.

தூக்கமின்மை

அதிக உடற்பயிற்சி உங்களது சீரான தூக்கத்தை பாதிக்ககூடும். அதிகமான உடற்பயிற்சியால் உங்கள் உடல்வளம் மற்றும் மனவளம் இரண்டுமே பாதிப்படையும். நன்றாக உறங்குவதற்கு பதிலாக சோர்வும் தூக்கமின்மையும் ஏற்படக்கூடும்.

ஆர்வமின்மை

அளவுக்கு அதிகமான உடற்பயிற்சியை தொடர்ந்தால், ஆர்மின்மை ஏற்படும். அதிலும் இது உடலளவிலும் சரி, மனதளவிலும் சரி உடற்பயிற்சியை செய்ய வேண்டாம் என்ற எண்ணத்தை ஏற்படுத்திவிடும்.

நீர் நீக்கம்

உடற்பயிற்சியின் போது தேவையான தண்ணீர் குடிப்பது என்பது மிகவும் முக்கியமான ஒன்றாகும். அதிகமான உடற்பயிற்சி செய்தால் அது நமது உடலில் நீர் நீக்கத்தை ஏற்படுத்திவிடும்.

நோயெதிர்ப்பு செயல்பாடு குறைதல்

அதிக உடற்பயிற்சியின் விளைவுகள் நமது நோய் எதிர்ப்பு மண்டலத்தையும் பாதிக்கக்கூடும். இதனால் நமது தொற்றுநோய்களும் வீக்கங்களும் ஏற்படக்கூடும். மேலும், இவை குணமடைய நீண்ட காலம் ஆகும். அதனால் நமது உடலில் நோய் எதிர்ப்பு செயல்பாட்டை கவனமாக கண்காணித்து வரவேண்டும்.