'மாஸ்டர்' படத்தைப் பார்க்க தியேட்டருக்கு போறீங்களா? இத முதல்ல படிங்க...

இடைவெளியை பின்பற்றவும்

50% இருக்கைகளுடன் மாஸ்டர் திரைப்படத்தை திரையரங்குகளில் வெளியிடலாம் என்று அரசு உத்தரவிட்டுள்ள நிலையில், படத்தைக் காணச் செல்வோரும், ஒருவருக்கொருவர் இடைவெளியைப் பின்பற்ற வேண்டும். முக்கியமாக தியேட்டருக்குள் நுழையும் போது, கூட்டமாக செல்லாமல், இடைவெளி விட்டு செல்ல வேண்டும்.

சானிடைசர் பயன்படுத்தவும்

திரைப்படத்தைக் காண தியேட்டர் அல்லது மாலுக்கு செல்லும் போது, உங்களுடன் ஒரு சானிடைசரையும் எடுத்து செல்லுங்கள். தியேட்டரில் எந்த ஒரு இடத்தை தொட்டாலும், உடனேயை சானிடைசரால் கைகளை சுத்தம் செய்து கொள்ளுங்கள்.

மூக்கு, கண்ணை தொடாதீர்

தியேட்டரில் பலரும் தொட்டு பயன்படுத்தும் பகுதியைத் தொட்டுவிட்டு, மூக்கு, முகம் அல்லது கண்களை சானிடைசர் பயன்படுத்தாமல் தொடாதீர்கள். முடிந்தவரை முகத்தைத் தொடுவதைத் தவிர்த்திடுங்கள்.

மாஸ்க் அணியவும்

முக்கியமாக தியேட்டருக்கு செல்லும் போது, மாஸ்க் அணியாமல் இருக்காதீர்கள். மாஸ்க் தான் வைரஸ் உங்களை எளிதில் நெருங்கவிடாமல் தடுக்கும் ஓர் முக்கியமான பொருள். ஆகவே தவறாமல் மாஸ்க்கை அணிந்திருக்க வேண்டும்.

ஆரோக்கிய சேது ஆப் வைத்திருங்கள்

உங்கள் மொபைல் போனில் ஆரோக்கிய சேது ஆப்பை டவுன்லோடு செய்து லாக்கின் செய்து வைத்திருங்கள். இதனால் உங்கள் அருகில் யாருக்கேனும் கொரோனா இருந்தால், அது உங்களுக்கு தெரிய வரும்.

பாதுகாப்பான உணவு

தியேட்டர்களில் இடைவேளையின் போது வெளியே செல்வதைத் தவிர்க்கவும். ஒருவேளை அதிகம் பசி எடுத்தால், உணவு அல்லது தண்ணீர் வாங்க வேண்டியிருந்தால், நன்கு பாதுகாப்பான முறையில் அடைக்கப்பட்டு விற்கப்படும் உணவு மற்றும் பாட்டில் தண்ணீரை வாங்குங்கள்.

அறிகுறி இருந்தால் தவிர்க்கவும்

ஒருவேளை உங்களுக்கு லேசான அறிகுறிகள் தென்பட்டாலும், படம் பார்க்க தியேட்டருக்கு செல்லாதீர்கள். சொல்லப்போனால், லேசான அறிகுறிகள் இருந்தால், உடனே கடுமையான இடைவெளியை பின்பற்றுங்கள். இதனால் மற்றவர்களுக்கு தொற்று பரவுவதைத் தடுக்க, நம்மால் முடிந்த சிறு உதவியாக இருக்கும்.