டென்னிஸ் பந்தை வைத்து முதுகு வலியை விரட்டி விடலாமா? எப்படினு பார்க்கலாம் வாங்க...

முதுகு வலி

ஒழுங்கற்ற முறையில் தூங்கினாலோ அல்லது ஒழுங்கற்ற முறையில் நீண்ட உட்கார்ந்தாலோ அல்லது ஹை ஹீல்ஸ் காலணி அணிந்தாலோ நிச்சயமாக முதுகு வலி ஏற்படும். இதனை சரி செய்ய நமக்கு 2 டென்னிஸ் பந்து தேவைபடுகிறது.

கீழே படுத்துக் கொண்டு பந்தை முதுகிற்கு கீழே வலி இருக்கும் இடத்திற்கு தகுந்த இடத்தில் வைக்க வேண்டும். உங்கள் உடலை மேலும் கீழுமாக மெதுவாக அசைக்க வேண்டும். அதாவது வலி இருக்கும் இடத்தில் மசாஜ் செய்வது போன்று அசைக்க வேண்டும். வலிக்குத் தகுந்தவாறு வேகத்தை பார்த்துக் கொள்ள வேண்டும். 5 நிமிடத்திற்குத் தொடர்ந்து செய்தால் போதுமானது.

கழுத்து வலி

இந்த முறையை கழுத்து வலிக்கும் உபயோகிக்கலாம். கீழே படுத்துக் கொண்டு பந்தை உங்கள் கழுத்து பகுதியில் மண்டையை தொடும் படி வைக்க வேண்டும். பின்னர் மெதுவாக மேலும் கீழுமாக அசைத்து மசாஜ் செய்ய வேண்டும். உங்கள் வலிக்குத் தகுந்தவாறு பல திசையில் பக்குவமாக அசைக்க வேண்டும். இதனை 3 நிமிடத்திற்கு செய்யவேண்டும்.

தோள்பட்டை வலி

ஒழுங்கற்ற தூங்கும் முறை மற்றும் அதிக எடை உள்ள பொருட்களை தூக்குவதால் ஏற்படக்கூடிய வலிக்கு இந்த முறை சிறந்ததாகும். கீழே படுத்துக் கொண்டு 2 டென்னிஸ் பந்துகளையும் தோள்பட்டையின் இரு பக்கங்களிலும் வைக்க வேண்டும். பந்துக்கள் மெதுவாக சுழலும் படி மேலும் கீழுமாக அசைந்து 2 நிமிடத்திற்கு மசாஜ் செய்ய வேண்டும்.

இடுப்பு வலி

நிறைய நேரம் உட்கார்ந்து இருப்பதால் அல்லது நாள் முழுவதும் ஷூ அணிந்து இருப்பதால் இடுப்பு வலி ஏற்படக்கூடும். கீழே படுத்து டென்னிஸ் பந்தை இடுப்புக்கு பகுதியில் வைத்துக் கொண்டு அதை வட்டமாக சுற்றி மசாஜ் செய்ய வேண்டும். 3 நிமிடத்திற்கு இதைத் தொடர்ந்து செய்ய வேண்டும்.

நெஞ்சு வலி

சில தினசரி வாழ்க்கை நடவடிக்கைகள் மார்பு விறைப்பு அல்லது இறுக்கத்தை ஏற்படுத்தலாம். ஒரு சுவற்றிக்கு எதிரே நின்றுக் கொள்ளுங்கள். உங்களுக்கும் சுவற்றிக்கும் இடையே பந்தை வைத்துக் கொள்ள வேண்டும். காலர் எலுப்புக்கு கீழே வைக்க வேண்டும். 2 நிமிடத்திற்கு பந்தை மெதுவாக மசாஜ் செய்வது போன்று உருட்டுங்கள்.

கை வலி

நீண்ட நேரம் டைப் செய்வது அல்லது எழுதுவதால் கைகளில் வலி ஏற்படக்கூடும். ஒரு பந்தை மேஜையின் மீது வைத்து கைகளை பந்தின் மீது வைக்க வேண்டும். இன்னொரு பந்தை கைகளின்மீது வைக்க வேண்டும். பின்னர் 2 நிமிடத்திற்கு மெதுவாக மசாஜ் செய்ய வேண்டும்.

குதிங்கால் வலி

குதிங்காலில் வலி இருந்தால் காலுக்குக் கீழே பந்தை வைத்து மெதுவாக உருட்டி 2 நிமிடத்திற்கு மசாஜ் செய்ய வேண்டும். இது கால் வலியை விரைந்து குறைத்துவிடும்