தேனிக்கடி (அ) வண்டுக்கடியால் உண்டாகும் தாங்க முடியாத வலியை போக்க பாட்டி வைத்தியங்கள்.

வாழை இலை :

வாழை இலையின் சாறு எடுத்து, வலி இருக்கும் பகுதியில் த்டவினால் வலி கட்டுப்படும். வீக்கம் குறையும்.

சமையல் சோடா :

சமையல் சோடா அல்லது வினிகரை நீரில் பேஸ்ட் போலச் செய்து கடித்த இடத்தில் தடவுங்கள். வலி குறையும்.

உருளைக் கிழங்கு அல்லது வெங்காயம் :

உருளைக் கிழங்கை தேய்க்கலாம். அல்லது வெங்காயத்தையும் கடித்த இடத்தில் தடவலாம். இரண்டுமே பலன் தரக் கூடியது.

பூண்டு சாறு :

பூண்டுச் சாறெடுத்து கடித்த வலி உள்ள பகுதியில் தடவுங்கள். 20 நிமிடம் கழித்து கழுவலாம். வலி மற்றும் வீக்கம் குறையும்.

பப்பாளி :

பப்பாளி வீக்கத்தை குறைக்கவல்லது. வலியை போக்க பப்பாளியின் சதைப்பகுதியை பாதிக்கப்பட்ட இடத்தில் தடவுங்கள். கடுகடுப்பு குறையும்.

தேன் :

முள்ளை முள்ளால் தான் எடுக்க வேண்டும் என்பது போல, தேனிக்கடிக்கு தேன் த்டவினால் அதன் பண்புகளே அதன் வீரியத்தை குறைக்கும் ஆற்றல் கொண்டது. ஆகவே தேனை பாதித்த இடத்தில் தடவுங்கள்.