அடிக்கடி தலைவலியால் துடிக்கிறீங்களா? அப்ப இந்த உணவுகள சாப்பிடுங்க.... உடனே சரியாகிடுமாம் தெரியுமா?

இஞ்சி

இயற்கையான அழற்சி எதிர்ப்பு பண்பு நிறைந்த ஒரு மசாலா இஞ்சி. இது தலைவலியுடன் தொடர்புடைய வலியைக் குறைக்க உதவுகிறது. இஞ்சியில் உள்ள ஜிஞ்சரால் என்ற கலவையில், வலி நிவாரணி விளைவுகள் நிறைந்துள்ளன. பல்வேறு வழிகளில் பயன்படுத்தப்படும் இஞ்சியை, தேநீர் செய்து குடிப்பது உங்கள் தலைவலிக்கு சிறந்த மருந்தாக இருக்கும். இஞ்சியை அரைத்து சிறிது தண்ணீர் சேர்த்து இஞ்சி தண்ணீராகவும் குடிக்கலாம். இஞ்சி டீ தயாரிக்கும்போது அதனுடன் எலுமிச்சை மற்றும் தேன் கலந்து சாப்பிடுங்கள்.

தர்பூசணி

பகலில் ஏற்படும் பெரும்பாலான தலைவலிகள் நீங்கள் போதுமான அளவு தண்ணீர் குடிக்காததால் ஏற்படலாம். நீரிழப்பு என்பது தலைவலிக்கு ஒரு பொதுவான காரணம். உடலிலுள்ள நீரின் அளவை சமன் செய்ய, உடலுக்கு நீரேற்றம் தரும் உணவை உட்கொள்வது சிறந்தது. அந்த வகையில், தலைவலியைக் குறைக்க தர்பூசணி ஒரு சிறந்த வழி. தர்பூசணியில் 92% நீர் உள்ளது. பொட்டாசியம் போன்ற எலக்ட்ரோலைட்டுகளை கொண்டுள்ள தர்பூசணி, உடலில் திரவ சமநிலையை சீராக்க உதவுகிறது. மேலும், இது கோடைகாலத்தில் உடலுக்கு சிறந்த உணவாகவும் இருக்கும்.

காபி

ஒரு கப் காபி தலைவலியைக் குறைப்பது மட்டுமல்லாமல், உங்களுக்கு ஆறுதலையும் தரும். 2017 இல் ஜர்னல் ஆஃப் பெயின் இல் வெளியிடப்பட்ட ஒரு ஆய்வில், காஃபின் தலைவலிக்கு ஒரு சிறந்த சிகிச்சையாக இருக்கும் என்று கூறியுள்ளது. பொதுவாக தலைவலிக்கு மூல காரணமாக இருப்பது பதற்றம் மற்றும் மன அழுத்தம். இதை குறைக்க காபி உங்களுக்கு உதவும். 2015 ஆம் ஆண்டில் காக்ரேன் டேட்டாபேஸ் ஆஃப் சிஸ்டமேடிக் ரிவியூஸில் வெளியிடப்பட்ட மற்றொரு ஆய்வில், ஒற்றைத் தலைவலிக்கு காஃபின் ஒரு சிறந்த மருந்தாக இருக்கும் என்று கண்டறியப்பட்டது.

சால்மன் மீன்

சால்மன் என்பது ஒமேகா-3 கொழுப்பு அமிலங்கள் நிறைந்த ஒரு வகை கொழுப்பு மீன் ஆகும். இந்த ஆரோக்கியமான கொழுப்புகள் உடலில் அழற்சி எதிர்ப்பு விளைவுகளை ஏற்படுத்துகின்றன மற்றும் தலைவலிக்கு நிவாரணம் அளிக்கும். 2014 இல் நியூட்ரிஷனல் நியூரோ சயின்ஸ் இதழில் வெளியிடப்பட்ட ஒரு ஆய்வில், சல்மான் மீன் உங்கள் தலைவலியை குறைக்கும் என்று தெரிவிக்கப்பட்டிருந்தது. பங்கேற்பாளர்களில் ஒரு நாளைக்கு 2 கிராம் மீன் எண்ணெயை உட்கொள்பவர்கள், அடிக்கடி மற்றும் தீவிரமான தலைவலி இரண்டிலும் குறிப்பிடத்தக்க குறைப்பைக் கொண்டுள்ளதாகத் தெரிவித்தது.

புதினா தேநீர்

புதினா தேநீர் உடலுக்கு புத்துணர்ச்சி தருவது மட்டுமின்றி, உங்களின் தலைவலியையும் தணிக்கிறது. புதினாவில் இருக்கும் மெந்தோல் என்ற கலவை, வலி நிவாரணி மற்றும் அழற்சி எதிர்ப்பு விளைவுகளைக் கொண்டிருப்பதாகக் கூறப்படுகிறது. இந்த தேநீர் பொதுவாக கவலை மற்றும் மன அழுத்தம் தொடர்பான பிரச்சினைகளால் பாதிக்கப்படுபவர்களுக்கு நன்மை பயக்கும். ஏனெனில் இது ஒட்டுமொத்த அமைதியான விளைவைக் கொண்டுள்ளது.