மீந்து போன சப்பாத்திய வெச்சு இந்த நாவூறும் ரெசிபிக்களை செய்யலாம் தெரியுமா?

சப்பாத்தி ரோல்

நீங்கள் ரோலை விரும்பி சாப்பிடுபவரானால், அந்த சப்பாத்தியில் விரும்பிய காய்கறிகளை வதக்கி அல்லது வேக வைத்த சிக்கன் அல்லது பன்னீரை சப்பாத்தியில் பரப்பி, மேலே சிறிது பொடியாக நறுக்கிய வெங்காயத்தை தூவி இறுக்கமாக சுருட்டினால், சப்பாத்தி ரோல் தயார்.

சப்பாத்தி நூடுல்ஸ்

உங்கள் குழந்தைகள் நூடுல்ஸை விரும்பி சாப்பிடுவார்களா? உங்கள் வீட்டில் சப்பாத்தி நிறைய எஞ்சியுள்ளதா? அப்படியானால் அவற்றை நீள நீளமாக வெட்டிக் கொண்டு, வெங்காயம், தக்காளி, பிற மசாலா பொடிகளை சேர்த்து வதக்கி, நூடுல்ஸிற்கு பதிலாக சப்பாத்தியை சேர்த்து கிளறினால், சப்பாத்தி நூடுல்ஸ் தயார்.

சில்லி சப்பாத்தி

இரவு உங்கள் வீட்டில் சப்பாத்தி செய்து, அது நிறைய மீந்து போயிருந்தால், மறுநாள் காலையில் அந்த சப்பாத்திகளை சிறு துண்டுகளாக வெட்டி, அவற்றைக் கொண்டு ருசியான சில்லி சப்பாத்தியை செய்து சாப்பிடலாம். இந்த சில்லி சப்பாத்தி ஒரு நல்ல காலை உணவாக இருக்கும்.

சப்பாத்தி லட்டு

உங்கள் வீட்டில் உள்ளோர் இனிப்புகளை விரும்பி சாப்பிடுவார்களா? குறிப்பாக லட்டுவை விரும்பி சாப்பிடுவார்களா? அப்படியானால் உங்கள் வீட்டில் சப்பாத்தி மீந்து போயிருந்தால், அந்த சப்பாத்தியைக் கொண்டு சப்பாத்தி லட்டு செய்யுங்கள். இந்த லட்டு ஒரு வித்தியாசமான சுவையில், விரும்பி சாப்பிடுமாறு இருக்கும்.

ரெசிபிக்கு இங்கே கிளிக் செய்யுங்கள்..

சப்பாத்தி பிட்சா

நீங்கள் பிட்சா பிரியரா? உங்கள் வீட்டில் சப்பாத்தி அதிகமாக எஞ்சியுள்ளதா? அப்படியானால் அந்த சப்பாத்தியைக் கொண்டு பிட்சா செய்து சாப்பிடலாம். இந்த பிட்சாவில் விருப்பமான காய்கறிகளைக் கொண்டு அற்புதமான சுவையில் ஆரோக்கியமான பிட்சாவை தயாரிக்கலாம்.