தேங்காய் பவுடரை உணவில் பயன்படுத்தலாமா? பயன்படுத்தினால் என்ன ஆகும்?

தேங்காய் துருவல்

மற்ற மாவுப் பொருட்களை ஒப்பிடும் போது இந்த தேங்காய் மாவு க்ளூட்டன் இல்லாத ஒன்றாகும். இந்த மாவு தேங்காய் பாலை பிரித்தெடுத்து விட்டு அதன் தேங்காய் துருவலை நன்றாக உலர வைத்து தயாரிக்கப்படுகிறது.

தேங்காய் மாவில் நார்ச்சத்துகள், ஆரோக்கியமான கொழுப்புகள், புரோட்டீன் போன்றவைகள் உள்ளன. சர்க்கரை சத்தும் குறைவாகவும், கார்போ ஹைட்ரேட், கலோரிகள் மற்றும் குறைந்த கிளைசெமிக் குறியீட்டு எண் கொண்டும் காணப்படுகிறது.

இரத்த சர்க்கரை

அமெரிக்க நீரிழிவு சங்க கருத்துப்படி இதிலுள்ள நார்ச்சத்துகள் மற்றும் ஆரோக்கியமான கொழுப்புகள் குறைந்த கிளைசெமிக் குறியீட்டை கொடுக்கிறது. இதனால் உங்கள் இரத்த சர்க்கரை அளவு உடனடியாக அதிகரிப்பது தடுக்கப்படுகிறது. எனவே இந்த தேங்காய் மாவு சர்க்கரை நோயாளிகளுக்கு சிறந்த உணவாகும். மேலும் டயாபெட்டீஸ் நோயாளிகள் தங்களுடைய எடையை கட்டுப்பாட்டில் வைக்கவும் இது உதவுகிறது.

மெட்டா பாலிசத்தை அதிகரித்தல்

தேங்காய் மாவில் அதிகளவு ஆரோக்கியமான சேச்சுரேட்டேடு கொழுப்பு உள்ளது. இது ஒரு மீடியம் சங்கிலி கொழுப்பு அமிலங்கள் வடிவில் உள்ளது. எனவே இந்த கொழுப்பு அமிலங்கள் உடலுக்கு தேவையான ஆற்றலை கொடுத்து மெட்டா பாலிசத்தை அதிகரிக்க செய்கிறது. இந்த மீடிய சங்கிலி கொழுப்பு தொடர் உடம்பில் தேங்கியுள்ள கொழுப்பை கரைக்கவும் உதவுகிறது.

சீரண சக்தி

உங்களுக்கு மலச்சிக்கல் தொல்லை இருந்தால் தேங்காய் மாவு சிறந்தது. இதில் உள்ள கரையாத நார்ச்சத்துகள் மலத்தை எளிதாக வெளியேற்ற உதவுகிறது. மேலும் குடலில் நல்ல பாக்டீரியாக்களை உற்பத்தி சீரண ஆரோக்கியத்திற்கு துணை புரிகிறது.

கொலஸ்ட்ரால்

தேங்காய் மாவில் உள்ள அதிகப்படியான சத்துகள் இதய ஆரோக்கியத்திற்கு துணை புரிகிறது. இது நமது உடலில் உள்ள கெட்ட கொழுப்புகளை (LDL) குறைத்து நல்ல கொலஸ்ட்ரால் ஆன HDL அளவை கூட்டுகிறது. இதனால் உங்களுக்கு இதய நோய்கள் வராமல் தடுக்கப்படுகிறது.

தசைகள் கட்டுமானம்

இந்த தேங்காய் மாவில் உள்ள அதிகப்படியான புரோட்டீன் நமது ஒரு நாள் தேவைக்கான புரோட்டீன் அளவை பூர்த்தி செய்கிறது. இதனால் செல்கள், தசைகளை சரி செய்து அது மீண்டும் புத்துயிர் பெற உதவுகிறது. நமது உடலில் உள்ள எலும்புகள், தசைகள், குருத்தெலும்புகள் மற்றும் சருமம் கட்டுமானத்திற்கு புரோட்டீன் சத்து மிகவும் அவசியம்.

சரும தொற்றுகள்

தேங்காய் மாவில் ஆன்டி வைரல், பூஞ்சை எதிர்ப்பு பொருள், ஆன்டி மைக்ரோ பியல் பொருட்கள் உள்ளன. ஆன்டி மைக்ரோ பியல் பொருளான தேங்காயில் உள்ள லாரிக் அமிலம் வாய் புண்ணிற்கு உதவுகிறது.

அழற்சியை தடுத்தல்

தேங்காய் மாவு க்ளூட்டன் இல்லாதது. அதாவது கோதுமை மாவில் உள்ள எலாஸ்டிக் தன்மை இதில் கிடையாது. அதிகமான க்ளுட்டனை எடுத்துக் கொள்ளும் போது அழற்சி நோய்களான முடக்குவாதம் போன்றவை ஏற்படுகிறது. மேலும் இந்த க்ளூட்டனால் மெட்டா பாலிக் சின்ட்ரோம், உடல் பருமன், நரம்பியல் பிரச்சினைகள், இதய நோய்கள் போன்றவற்றை ஏற்படுத்துகிறது.

பயன்படுத்தும் முறை

இந்த தேங்காய் மாவு இயற்கையாகவே நமக்கு கிடைக்கும் ஒரு அற்புத பொருள். இது ஸ்வீட் செய்யும்போதும் மற்ற இனிப்பு பலகாரங்களில் சேர்த்துப் பயன்படுத்தலாம். இது மற்ற பொருட்களுடன் எளிதாக கலந்து கொள்வதால் பிசைவதற்கும் எளிதாகவும் அதே நேரத்தில் நல்ல சுவையையும் லேசான நறுமணத்தையும் கொண்டு இருக்கிறது.

எனவே இந்த தேங்காய் மாவை வேற எந்த மாவுடன் வேண்டுமென்றாலும் சேர்த்து நிறைய டிஷ்கள் செய்து நன்மைகளைப் பெறலாம். சமையலில் இந்த தேங்காய் மாவு, சூப் போன்றவற்றை அடர்த்தியாக்க திக்காக மாற்ற சேர்க்கப்படுகிறது.