காலையில் வெறும் வயிற்றில் சாப்பிடக் கூடாத உணவுகள்

தக்காளி:

தக்காளி அதன் சுவையாலும் நிறத்தாலும் அனைவரையும் கவரும் ஒரு பழம் . சிறு குழந்தை முதல் பெரியவர் வரை அனைவரும் அதை சமைக்காமலே சாப்பிட விரும்புவர். அவ்வவ்போது அதன் விலையேற்றத்தால் தக்காளி சில நேரங்களில் சமையலில் இருந்து விருப்ப ஓய்வு பெறுவதும் உண்டு.

தக்காளியில் வைட்டமின் சத்துக்கள் அதிகமாக உள்ளது. மற்றும் அது ஒரு சிறந்த ஆக்ஸிஜனேற்றி. ஆனால் வெறும் வயிற்றில் தக்காளியை உட்கொள்ளும்போது வற்றில் சுரந்திருக்கும் அமிலங்களுடன் இவை கலந்து வயிற்று அடைப்பை ஏற்படுத்தும்.

வயிற்றில் ஒரு தேவையற்ற அழுத்தத்தை கொடுத்து வலியை ஏற்படுத்தும். அல்சர் நோயால் பாதிக்கப்பட்டவர்களுக்கு இதன் தாக்கம் இன்னும் அதிகமாகும்.

சிட்ரஸ் பழங்கள்:

திராட்சை, ஆரஞ்சு, எலுமிச்சை போன்ற பழங்களில் வைட்டமின் சி மற்றும் நார்ச்சத்து அதிகமாக உள்ளது. இவை சிறந்த ஆக்ஸிஜனேற்றியாக பயன்படுகிறது. இவைகளை நாம் வெறும் வயிற்றில் உட்கொள்ளும்போது ஒருவித வயிற்று எரிச்சல் உருவாகலாம். வெறும் வயிற்றில் ஜீரணிக்க எந்த உணவும் இல்லாத போது இந்த பழங்களை உட்கொள்ளும் போது இவை உணவு குழாயை விரிவு படுத்துகின்றன. இதனால் வயிற்றுக்குள் ஒரு உராய்வை ஏற்படுத்துகின்றன.

கார்பனேற்றப்பட்ட பானங்கள்:

இயல்பிலேயே கார்பனேற்றப்பட்ட பானங்கள் உடலுக்கு எதிரானது. அதை காலையில் அருந்தும்போது உடலுக்கு பல்வேறு தீங்குகளை கொடுக்கும்.

புற்று நோய் வருவதற்கும் இவை காரணியாக இருக்கலாம். இதய நோய் மற்றும் பல விதமான உடல் உபாதைகளும் இவற்றால் ஏற்பட வாய்ப்புண்டு. ஆகையால் வெறும் வயிற்றில் இத்தகைய பானங்களை அருந்துவதை தவிர்ப்பது நல்லது.

காஃபீ அல்லது டீ:

காஃபீ அல்லது டீ இவையே என் முதல் உணவு என்று கூறுபவரா நீங்கள் ? ஆம் என்றால் அதுவும் உங்கள் உடலுக்கு கெடுதல் தான். காஃபீ அல்லது டீயை வெறும் வயிற்றில் குடிக்கும் போது உடலின் ஹைட்ராகிளோரிக் அமிலத்தின் அளவு அதிகரிக்கிறது. இதன் மூலம் மலச்சிக்கல் மற்றும் வாந்தி ஏற்பட வாய்ப்புகள் உண்டு. உணவு செரிமானத்தை தாமத படுத்தவும் முனைகிறது.

எழுந்ததும் நீர் :

மேலே குறிப்பிட்டவற்றை தவிர்த்து காலையில் எழுந்தவுடன் வெறும் வயிற்றில் 2 டம்ளர் தண்ணீர் குடிப்பது உடலுக்கு நல்லது. தண்ணீர் குடித்து அரை மணி நேரத்திற்கு பிறகு காஃபீ அல்லது டீ பருகலாம்.