வயிற்றிலுள்ள கொழுப்பை குறைக்க நீங்கள் செய்ய வேண்டிய முதன்மையான விஷயங்கள்!!

வெந்நீர் பருகுங்கள்:

காலையில் எழுந்தவுடன் வெறும் வயிற்றில் 2 டம்ளர் வெந்நீர் பருகுங்கள். அந்த நாள் முழுதும் அதனை தொடருங்கள். ஒரு பிளாஸ்கில் வெந்நீரை ஊற்றி வைத்து கொண்டு, அடிக்கடி ஒரு டம்ளர் குடியுங்கள்.

வெந்நீர், வயிற்றில் உள்ள குழாய்களை சுத்தம் செய்கின்றன. குடலில் சேரும் கொழுப்புகளை கரைக்க இவை உதவுகின்றன. வயிற்று கொழுப்பை குறைக்க உதவும் முதல் படியாக வெண்ணீர் பருகுதல் இருக்கிறது.

நடைப்பயிற்சி மற்றும் உடற்பயிற்சி:

காலையில் ½ மணி நேரம் நடை பயிற்சி மேற்கொள்வதால் உங்கள் வயிற்று கொழுப்பு குறைகிறது. தூங்கி எழுந்தவுடன் சிறிது வெந்நீர் பருகிவிட்டு, நடை பயிற்சியை தொடங்கலாம். இது சிறந்த பலனை கொடுக்கும். அதன் பிறகு உடற்பயிற்சியை தொடங்குங்கள்.

உடற்பயிற்சி என்பது மணி கணக்கில் செய்ய வேண்டிய ஒரு பயிற்சி இல்லை. வெறும் 5 பயிற்சிகள் உங்களை புத்துணர்ச்சி அடைய செய்யும் வகையில் செய்யலாம். தினமும் அதே 5 பயிற்சிகளை செய்யாமல் , வாரத்திற்கு ஒரு முறை உங்கள் பயிற்சிகளை மாற்றுங்கள். யோகாவில் வயிற்று கொழுப்பை குறைக்க உதவும் வகைகளை தேர்ந்தெடுத்து செய்யலாம்.

உணவுகளை தேர்ந்திடுங்கள்:

டயட் என்ற பேரில், திடீரென்று உங்கள் உணவு அட்டவணையில் இருந்து சர்க்கரை, கார்போ ஹைட்ரெட் மற்றும் கொழுப்புகளை விலக்கி வைக்காதீர்கள்.

இதனால் உடலில் இன்சுலின் - க்ளுகோஸ் அளவு அதிகரித்து பசியை தூண்டும். மற்றும் இவை உடலில் உள்ள ஹார்மோன்களை பாதிக்கும். உணவுகளை குறைப்பதற்கு பதில், உடலில் உள்ள கலோரிகளை எரிக்கும் தன்மை உள்ள உணவுகளை எடுத்துக் கொள்ள தொடங்குங்கள்.

இனிப்பு அதிகம் சாப்பிடும் பழக்கம் உள்ளவர்கள் வெள்ளை சர்க்கரையை பயன்படுத்தாமல், தேன், மற்றும் வெல்லத்தை அதிகம் எடுத்துக் கொள்ளுங்கள். இவை வயிற்று கொழுப்பை கரைய வைக்கும் அற்புத உணவுகள் ஆகும்.

அரிசி :

பாலிஷ் செய்யாத அரிசியை உட்கொள்ள முயற்சி செய்யுங்கள். கை குத்தல் அரிசி அல்லது பழுப்பு அரிசியை பயன்படுத்தலாம். இவற்றில் புரதம், கார்போ ஹைட்ரெட் மற்றும் ஊட்டச்சத்துகள் அதிகம் உள்ளது. இதனை உங்கள் உணவில் அதிகம் சேர்த்துக் கொள்ளலாம். மதிய உணவை நண்பகல் 12 மணிமுதல் 2 மணிக்குள் உண்ண வேண்டும். இதுவே செரிமானத்திற்கு சிறந்த நேரம்.

டிரான்ஸ் கொழுப்பு எனப்படும் கொழுப்பு உணவை தவிர்க்க வேண்டும். திரவ நிலையில் இருக்கும் சமையல் எண்ணெய் போன்றவற்றின் மதிப்பை உயற்றுவதற்கு அதில் ஹைட்ரஜனேற்றம் செய்யப்படுகிறது. இந்த முறையில் தயாரிக்கப்படும் கொழுப்பை ட்ரான்ஸ் கொழுப்பு என்று கூறுவர். இது உடல் நலத்தை வெகுவாக பாதிக்கும், கலோரிகளும் இந்த பொருள் கொண்டு தயாரிக்கும் உணவுகளில் அதிகம். வயிற்றில் கொழுப்பு சேர வாய்ப்பு அதிகம்.

புரதம் :

புரத சத்து அதிகமாக இருக்கும் உணவை சேர்த்துக் கொள்ள வேண்டும். 50% புரதம், 20% கார்போ ஹைட்ரட், 10% கொழுப்பு என்ற வகையில் உணவு அட்டவணையை பின்பற்ற வேண்டும். மேலே குறிப்பிட்டுள்ள முறைகளை பின்பற்றி ஒரே மாதத்தில் உங்கள் வயிற்று பகுதியில் சில இன்ச் குறைக்கலாம்.