உங்க தொப்பையை சும்மா அசால்ட்டா குறைக்கணுமா? அப்போ இந்த 5 உடற்பயிற்சிகளை தினமும் செய்யுங்க...

படிக்கட்டுகளில் ஏறுங்கள்

* இந்த உடற்பயிற்சியின் போது நீங்கள் மாடிப் படிக்கட்டுக்களில் ஏற வேண்டும். படிக்கட்டுகள் மிகப் பெரிய அளவில் இருக்கக் கூடாது. இல்லையென்றால் நீங்கள் விழ நேரிடலாம். மேலும் படிக்கட்டுக்களில் ஏறும் போதும், இறங்கும் போது நன்கு சுவாசிக்க வேண்டும்.

* இந்த உடற்பயிற்சி உங்கள் வயிற்று தொப்பையை விரைவில் குறைக்க உதவியாக இருக்கும். இதை தினசரி செய்து வாருங்கள் நல்ல பலன் கிடைக்கும்.

குதித்தல்

* இந்த உடற்பயிற்சியின் போது மாடி படிக்கட்டுகளில் நின்று கொள்ளுங்கள். உங்கள் இடுப்பில் இரண்டு கைகளையும் வைத்துக் கொள்ளுங்கள். இப்போது குதியுங்கள்.

* இந்த உடற்பயிற்சி செய்யும் போது ஆழ்ந்த சுவாசத்தை எடுத்துக் கொள்ளுங்கள். இது ஒரு எளிமையான பயிற்சியாகும். எனவே நீங்கள் ஒரு நேரத்தில் 40-50 முறை எளிதாக செய்யலாம்.

* இது வயிற்று கொழுப்பைக் குறைப்பதோடு, அடி வயிற்றுப்பகுதிக்கு நல்லதும் கூட.

ட்ரைசெப்ஸ் டிப்ஸ்

* இந்த பயிற்சிக்கு படிகட்டிகளில் பின்னோக்கி நின்று கொள்ளுங்கள். இப்பொழுது படிக்கட்டுகளில் பின்னோக்கி செல்லும் வகையில் கைகளை முதல் படியில் வைக்க வேண்டும்.

* இப்பொழுது கால்களை முன்னோக்கி நீட்டிக் கொண்டு உடலை ஒட்டுமொத்தமாக தூக்கி தூக்கி இறக்குங்கள்.

* கைகளை பலமாக படிகட்டிகளில் பிடித்துக் கொண்டு உடலை தூக்குங்கள்.

* இந்த உடற்பயிற்சி அடிவயிற்றுப் பகுதியில் இருக்கும் கொழுப்புகளை கரைக்க உதவுகிறது. கைகள், முதுகு மற்றும் இடுப்பை வலிமையாக்குகிறது.

புஷ் அப்

* தரையில் இருந்து முதல் அல்லது இரண்டாவது (உயரம் வாரியான) படிக்கட்டில் உங்கள் கைகளை வைத்து, கால்விரல்களை தரையில் வைக்கவும். பிளாங்கின் நிலைக்கு வரவும்.

* இப்போது உங்கள் கைகளுக்கு முக்கியத்துவம் கொடுங்கள். இப்பொழுது கைகளை அழுத்தி ஒட்டுமொத்த உடல் எடையையும் மேல்நோக்கி உயர்த்துங்கள்.

* பிறகு மீண்டும் பழைய நிலைக்கு கொண்டு வந்து புஷ் அப் எடுங்கள்.

* இப்படி செய்யும் போது ஒவ்வொரு நேரத்திலும் மார்பு படிகட்டை தொடட்டும்.

* நீங்கள் ஒரு நேரத்தில் 5 முதல் 20 புஷ் அப்களை செய்யலாம்.

* இதற்குப் பிறகு, 30 விநாடிகள் இடைவெளி எடுத்து மீண்டும் தொடங்கலாம்.

பேலன்ஸ் பிளான்க்

* இந்த உடற்பயிற்சி செய்ய முதலில் பிளாங் நிலைக்கு வாருங்கள்.

* உங்கள் உள்ளங்கைகளை தரையில் இருந்து படிகட்டிகளில் வைக்கவும். கால்களை நேராக வைத்து பாத விரல்கள் தரையை தொடும்படி வைக்கவும்.

* இதற்குப் பிறகு, உங்கள் இடது கை மற்றும் வலது காலை மேலே உயர்த்தவும்.

* இந்த நிலையில் 15 விநாடிகள் நின்ற பின் கைகளையும் கால்களையும் மீண்டும் தங்கள் இடத்திற்கு கொண்டு வந்து, பின்னர் வலது கை மற்றும் இடது காலை உயர்த்தவும்.

* இதை 10 தடவை செய்து வாருங்கள். இடுப்புப் பகுதியை சுற்றி தொங்குகின்ற சதைகள் நன்றாக குறையும்.