உங்க வளர்சிதை மாற்றத்தை அதிகரித்து உடல் எடையை வேகமா குறைக்க இந்த பானங்களை குடிச்சா போதுமாம்!

சியா-எலுமிச்சை நீர்

சியா விதைகளை ஒரு கப் தண்ணீரில் 1-2 மணி நேரம் ஊற வைக்கவும். ஊறவைத்த சியா விதைகளை ஒரு கிளாஸில் ஊற்றி, பானத்தில் எலுமிச்சையை பிழிந்து, அதில் 1/2 தேக்கரண்டி தேன் சேர்க்கவும். நன்றாக கலந்தால், சியா எலுமிச்சைப்பழ பானம் தயார். இது உங்கள் வளர்சிதை மாற்றத்தை அதிகரித்து, எடையை குறைக்க உதவுகிறது. சியா விதைகள் உடல் எடையை குறைப்பதில் மிகவும் பிரபலமாக அறியப்படும் பொருள்.

எலுமிச்சை-இஞ்சி தண்ணீர்

இஞ்சியை தோல் நீக்கி சிறுசிறு துண்டுகளாக நறுக்கவும். ஒரு பிளெண்டரில் போட்டு தண்ணீர் சேர்த்து அரைக்கவும். அதை ஒரு கிளாஸில் ஊற்றி, எலுமிச்சை சாறு மற்றும் வறுத்த சீரக தூள் சேர்க்கவும். நன்றாக கலந்த பின்னர், குடிக்கவும். பொதுவாக எலுமிச்சை மற்றும் இஞ்சியின் பலன்களை அறிந்து, அவற்றை நம் அன்றாட உணவில் சேர்க்கிறோம். இது எடையை குறைப்பதோடு, உங்கள் உடலுக்கும் பல்வேறு ஆரோக்கிய நன்மைகளை வழங்குகிறது.

சீரகம்-இலவங்கப்பட்டை நீர்

4 டீஸ்பூன் சீரக விதைகள் மற்றும் 2 இலவங்கப்பட்டை துண்டுகளுடன் தண்ணீர் சேர்த்து கொதிக்க வைக்க வேண்டும். தண்ணீர் ஒரு கொதி நிலைக்கு வந்ததும், அந்த தண்ணீரை ஒரு கிளாஸில் வடிகட்டவும். பின்னர், எலுமிச்சை சாறு சேர்த்து கலவையை அப்படியே குடிக்கவும். இலவங்கப்பட்டை மற்றும் சீரக விதைகள் உங்கள் எடை இழப்பு பயணத்திற்கு ஒரு அற்புதமான கூடுதலாக இருக்கும். இந்த இரண்டு மசாலாப் பொருட்களின் கலவையானது செரிமானம் மற்றும் வளர்சிதை மாற்றத்தை மேம்படுத்த உதவுகிறது. இது உடலில் கொழுப்பை வேகமாக எரிக்க உதவுகிறது. இந்த கலவையானது உங்கள் இரத்த சர்க்கரை அளவு மற்றும் கொழுப்பைக் கட்டுப்படுத்தவும் உதவும்.

புதினா கிரீன் டீ

ஒரு கிளாஸில் வெந்நீரை ஊற்றி அதில் ஒரு கிரீன் டீ பேக் சேர்க்கவும். 1 நிமிடம் அப்படியே விடவும். பின்னர் கிரீன் டீ பேக்கை அகற்றி, அதில் புதினா இலைகள், எலுமிச்சை சாறு மற்றும் தேன் சேர்த்து நன்கு கலக்கவும். இப்போது, சுவையான ஆரோக்கியமான புதினா கிரீன் டீயை நீங்கள் சுவைக்கலாம். கிரீன் டீ-யில் உள்ள காஃபின் மற்றும் கேட்டசின்கள் கொழுப்பை எரிப்பதை அதிகரிப்பதாக நிரூபிக்கப்பட்டுள்ளது. கிரீன் டீயை உட்கொள்வது ஒரு நாளைக்கு கூடுதலாக 80-100 கலோரிகளை எரிக்க உதவும் என்று ஆய்வுகள் தெரிவிக்கின்றன. புதினா செரிமானத்தை மேம்படுத்துவதாக அறியப்படுகிறது.

அஜ்வைன் டிடாக்ஸ் பானம்

1 டீஸ்பூன் கேரம் விதைகள் அல்லது அஜ்வைனை இரவு முழுவதும் ஊற வைக்கவும். மறுநாள் காலை, பானத்தை வடிகட்டி கொதிக்க வைக்கவும். இலவங்கப்பட்டையுடன் சில எலுமிச்சை துண்டுகளை சேர்க்கவும். இப்போது, இந்த அஜ்வைன் டிடாக்ஸ் பானத்தை நீங்கள் அருந்தலாம். இது உங்கள் எடை இழப்புக்கு சிறந்த பானம்.