5 நாட்களில் 3 கிலோ எடையைக் குறைக்கும் பசலைக்கீரை டயட்!

பசலைக்கீரை டயட்

பசலைக்கீரையில் உள்ள உட்பொருட்கள், உடலில் குறிப்பிட்ட செயல்பாடுகளில் சுமைகளை அதிகரிக்கும் என்பதால், பசலைக்கீரையை ஒருவர் அளவுக்கு அதிகமாக சாப்பிடக்கூடாது. அதிலும் பசலைக்கீரை டயட்டை 5 நாட்களுக்கு மேல் ஒருவர் மேற்கொள்ளக்கூடாது. அதோடு, பசலைக்கீரை டயட்டை வருடத்திற்கு 2 முறை மட்டும் மேற்கொள்ளலாம். அதுவும் ஒரு முறைக்கு 5 நாட்கள் இந்த டயட்டை மேற்கொண்டால், 3 கிலோ கொழுப்புக்களை உடலில் இருந்து இழக்கலாம்.

ஊட்டச்சத்துக்கள்

100 கிராம் பசலைக்கீரையில் 26 கலோரிகள் உள்ளது. மேலும் இதில் உள்ள பி வைட்டமின்கள் மற்றும் மக்னீசியம் மெட்டபாலிச செயல்பாட்டிற்கு உதவி, உடலில் தேங்கியுள்ள கொழுப்புக்களை உருகச் செய்யும். அதோடு பசலைக்கீரையில் உள்ள பொட்டாசியம், உடலில் நீரின் அளவைப் பராமரிக்க உதவும். இந்த கனிமச்சத்து எடை குறைந்தாலும், சருமத்தின் நெகிழ்வுத்தன்மை குறையாமல் அழகாக சருமம் இருக்க உதவி புரியும். முக்கியமாக பசலைக்கீரையில் உள்ள நார்ச்சத்து, உடல் எடையைக் குறைக்க உதவி புரியும். அதோடு, இதில் அத்தியாவசிய ஒமேகா-3 கொழுப்பு அமிலங்கள் உள்ளன.

இப்போது ஐந்து நாள் பசலைக்கீரை டயட்டில், ஒவ்வொரு நாளும் என்னவெல்லாம் சாப்பிட வேண்டும் என்பது குறித்துக் காண்போம்.

நாள் 1

காலை உணவு : 1 வேக வைத்த முட்டை, 2 தக்காளி மற்றும் பசலைக்கீரையுடன் எலுமிச்சை சாறு மற்றும் ஆலிவ் ஆயில் சேர்க்கப்பட்ட சாலட், 2 துண்டு முழு தானிய பிரட்.

மதிய உணவு : க்ரில் சிக்கன், பசலைக்கீரை சூப்.

இரவு உணவு : பசலைக்கீரையுடன் மற்ற காய்கறிகள் சேர்த்து தயாரிக்கப்பட்ட சாலட்.

நாள் 2

காலை உணவு : ஓட்ஸ் உடன் யோகர்ட், இனிப்பில்லாத டீ.

மதிய உணவு : பசலைக்கீரை சூப்.

இரவு உணவு : பசலைக்கீரை மற்றும் ஆரஞ்சு சூப்.

நாள் 3

காலை உணவு : பசலைக்கீரை ஆம்லெட், 1 துண்டு முழு தானிய பிரட்.

மதிய உணவு : மீன், பசலைக்கீரை மற்றும் சாதம்.

இரவு உணவு : வேக வைத்த பசலைக்கீரை மற்றும் 2 ஆரஞ்சு பழங்கள்.

நாள் 4

காலை உணவு : பசலைக்கீரை, ஆப்பிள் மற்றும் கேரட் ஜூஸ்.

மதிய உணவு : சிக்கன் அல்லது மீன், பசலைக்கீரை சாலட்.

இரவு உணவு : பசலைக்கீரை மசாலா சாதம்.

நாள் 5

காலை உணவு : 2 வேக வைத்த முட்டை, ஒரு பௌல் யோகர்ட்.

மதிய உணவு : சிக்கன் அல்லது மீன் மற்றும் பசலைக்கீரை.

இரவு உணவு : விருப்பமான பழச்சாறு.

குறிப்பு

பசலைக்கீரை டயட்டால் இன்னும் சிறப்பான பலனைப் பெற நினைத்தால், தினமும் சிறிது உடற்பயிற்சியையும் தவறாமல் மேற்கொள்ளுங்கள். இதனால் பசலைக்கீரை டயட்டில் முடிவில் எடையில் ஒரு நல்ல மாற்றத்தைக் காண்பீர்கள். முக்கியமாக எந்த ஒரு டயட்டை மேற்கொள்ளும் போதும், ஜங்க் உணவுகள், சர்க்கரை உணவுகள், எண்ணெயில் பொரித்த உணவுகளை முற்றிலும் தவிர்க்க வேண்டும் என்பதை மறக்க வேண்டாம்.