நம் முன்னோர்கள் தொப்பை வராமலிருக்க இத தான் குடிச்சாங்களாம்.. தெரியுமா?

வெல்லம் கலந்த எலுமிச்சை ஜூஸ்

பொதுவாக எலுமிச்சை ஜூஸ் என்றதும் நாம் அந்த ஜூஸில் சர்க்கரை அல்லது தேனைக் கலந்து குடிப்போம். ஆனால் எலுமிச்சை ஜூஸில் வெல்லத்தைக் கலந்து குடிக்கலாம் என்பது தெரியுமா? இது ஒரு வித்தியாசமான சுவையில் இருப்பதோடு, உடல் எடையை வேகமாக குறைக்க உதவி புரியும். மேலும் இந்த மாதிரியான வெல்லம் கலந்த எலுமிச்சை ஜூஸ் ஏராளமான ஆரோக்கிய நன்மைகளையும் உடலுக்கு வழங்கக்கூடியவை. இப்போது இந்த ஜூஸை எப்படி தயாரிப்பது என்பதைக் காண்போம்.

பானம் தயாரிப்பதற்கு தேவையான பொருட்கள்:

* எலுமிச்சை சாறு - ஒரு டீஸ்பூன்

* வெல்ல பவுடர் - ஒரு டீஸ்பூன்

* வெதுவெதுப்பான நீர் - ஒரு டம்ளர்

எலுமிச்சையின் நன்மைகள்

வைட்டமின் சி அதிகம் நிறைந்த எலுமிச்சை, உடல் எடையைக் குறைக்க உதவும் பிரபலமான பழம். அதோடு இந்த எலுமிச்சை உடலின் மூலை முடுக்குகளில் உள்ள நச்சுக்களையும் வெளியேற்ற உதவும். எலுமிச்சையில் உள்ள பாலிஃபீனோல் ஆன்டி-ஆக்ஸிடன்ட்டுகள், உடல் எடையைக் குறைத்து பராமரிக்க உதவும். மேலும் இந்த ஆன்டி-ஆக்ஸிடன்ட்டுகள் உடலில் கொழுப்புக்கள் தேங்குவதைத் தடுப்பதுடன், கெட்ட கொழுப்புக்களின் அளவையும் குறைக்கும்.

வெல்லத்தின் நன்மைகள்

வெல்லம் உடலின் மெட்டபாலிசம்/வளர்சிதை மாற்றத்தை மேம்படுத்த உதவி, உடல் எடையை வேகமாக குறைக்க உதவி புரியும். அதோடு இதில் புரோட்டீன் மற்றும் நார்ச்சத்து போன்றவையும் அதிகம் உள்ளது. இந்த இரண்டுமே உடல் எடையைக் குறைக்கும் போது மிகவும் அத்தியாவசியமான ஊட்டச்சத்துக்களாகும். அதோடு வெல்லம் சர்க்கரைக்கான ஒரு சிறந்த மற்றும் ஆரோக்கியமான மாற்றுப் பொருள். இதில் கலோரிகள் குறைவு மற்றும் நோயெதிர்ப்பு சக்தியை மேம்படுத்தும் பண்புகளும் உள்ளன. வெல்லத்தை எலுமிச்சை சாறுடன் சேர்த்து எடுக்கும் போது, செரிமான மண்டலம் ஆரோக்கியமாக இருப்பதுடன், சுவாச மண்டலம் சுத்தமாகவும் இருக்கும்.

பானம் தயாரிக்கும் முறை மற்றும் எப்போது குடிக்கலாம்?

ஒரு பாத்திரத்தில் ஒரு டம்ளர் நீரை ஊற்றி வெதுவெதுப்பாக சூடேற்றி இறக்கிக் கொள்ள வேண்டும். பின் அதில் வெல்லத்தை சேர்த்து நன்கு கலந்து, அதன் பின்னர் எலுமிச்சை சாற்றினை சேர்த்து மீண்டும் கலந்தால், பானம் தயார். இந்த பானத்தை ஒருவர் தினமும் காலையில் எழுந்ததும் காபி, டீ-க்கு பதிலாக வெறும் வயிற்றில் குடித்து வந்தால், உடல் எடையும், தொப்பையும் வேகமாக குறைவதைக் காணலாம்.