உங்களால் தட்டையான வயிறை பெற முடியாமல் போவதற்கு காரணம் இவைதான்... டயட்டோ அல்லது உடற்பயிற்சியோ அல்ல...

உங்கள் மரபணுக்கள் வயிற்றில் கொழுப்பை சேர்த்து வைக்கிறது

உங்களின் மரபணுக்கள் உங்கள் வயிறை பெரிதாக காட்டுவதில்லை, கொழுப்புகளை பரப்புவதிலும், சேமித்து வைப்பதிலும் இது முக்கியப்பங்கு வகிக்கிறது. உள்ளுறுப்பு சார் கொழுப்புகள் என்பவை உங்களின் அடிவயிறு மற்றும் குடலை சுற்றி இருக்கிறது. உங்களை தட்டையான வயிறு பெறுவதில் இருந்து பெரும்பாலும் தடுப்பது இதுதான். இதில் மரபணுக்களுக்கும் பங்கு உள்ளது.

உணவு ஒவ்வாமை

உங்களுக்கு சில உணவுகள் மீது அலர்ஜி ஏற்படுவதற்கும், பிடிக்காமல் போவதற்கும் உங்கள் மரபணுக்களுக்கும் தொடர்பு உள்ளது. இந்த உணவு ஒவ்வாமையும் உங்கள் வயிற்றில் அதிக தசை மற்றும் வீக்கத்திற்கு காரணமாக அமைகிறது. வீக்கம் மற்றும் அடிவயிறு விரிவாக்கம் போன்ற தூண்டுதல்கள் வயிற்றின் அளவு பெரிதாவதற்கு காரணமாக இருக்கிறது.

குடல் நுண்ணுயிர்களின் சமநிலையின்மை

உங்கள் வயிற்றில் இருக்கும் நுண்ணயிரிகள் சமநிலையில் இல்லாதபோது அவை வீக்கம் மற்றும் வாயுக்கோளாறு போன்ற பிரச்சினைகளை ஏற்படுத்தும். உங்கள் வயிற்றில் இருக்கும் பாக்டீரியாவை பொறுத்துதான் உங்கள் வயிற்றில் உணவு மற்றும் ஊட்டச்சத்துக்கள் செரிமானம் அடைகிறது. சில பாக்டீரியாக்கள் நார்சத்தை விரைவில் செரிமானம் அடையவைக்கும், இது எடை அதிகரிப்பிற்கு வலி வகுக்கும்.

ஹார்மோன் பிரச்சினைகள்

உடலில் ஏற்படும் ஹார்மோன் கோளாறுகள் உடல் எடை அதிகரிப்பின் முக்கிய இடம் வகிப்பதாக மருத்துவர்கள் கூறுகிறார்கள். குறிப்பாக மாதவிடாய் காலத்தில் ஏற்படும் ஹார்மோன் சமநிலையின்மை பெண்களின் எடை அதிகரிப்பில் முக்கிய இடம் வகிக்கிறது. ஹார்மோன் பிரச்சினைகளை உண்டாக்கும் முக்கிய காரணங்களில் ஒன்று மனஅழுத்தம் ஆகும். குறிப்பாக பெண்களிடையே மனஅழுத்தம் அவர்களின் அண்ட விடுப்பை நிறுத்துகிறது. இதனால் புரோஜெஸ்டெரோர்ன் உற்பத்தி பாதிக்கப்படுகிறது. கலோரிகளை எரிக்க இந்த ஹார்மோன் மிகவும் முக்கியமானதாகும்.

ஹைப்போதைராய்டு

தைராய்டு பிரச்சினை உங்களின் வளர்சிதை மாற்றத்தில் குழப்பத்தை ஏற்படுத்துகிறது. உங்கள் உடலில் இருக்கும் அனைத்து உறுப்புகளின் செயல்பாட்டையும் நிர்ணயிப்பது தைராய்டாகத்தான் இருக்கும். இது சரியாக செயல்படாத போது உடலின் அனைத்து செயல்பாடுகளிலும் முடக்கம் ஏற்படும். இதனால் ஏற்படும் முக்கிய பிரச்சினைகளில் ஒன்று எடை அதிகரிப்பு ஆகும். உடலுக்கு தேவையான எரிபொருள் குறைவாக கிடைப்பதால் நீங்கள் விரைவில் சோர்வடைய வாய்ப்பிருக்கிறது. மிக்செடிமா என்பது அபூர்வமான அதேசமயம் தைராய்டு சுரப்பியில் ஏற்படும் ஆபத்தான நோயாகும். இதனால் தைராய்டு சுரப்பியில் அதிக நீர் சேர்க்கப்படும் மேலும் உடலில் அதிக கொழுப்பையும் சேர்க்கும்.

இன்சுலின்

இன்சுலின் ஒரு அனபாலிக் மருந்து ஆகும். இதனால் தசைகளின் பலவீனம் மற்றும் அதிக கொழுப்பு உற்பத்தி போன்ற பிரச்சினை ஏற்படும். இன்சுலின் மருந்தை எடுத்து கொள்வது உங்கள் உடலில் பல இரசாயன மாற்றங்கள் ஏற்பட காரணமாக அமைகிறது. இது சர்க்கரை மற்றும் குளுக்கோஸை உங்கள் உடல் உறிஞ்சிக்கொள்ள உதவுகிறது. நமது உடல் உபயோகப்படுத்தப்படாத குளுக்கோஸை கொழுப்பாக மாற்றிவிடுகிறது. இதனால் எடை குறைப்பு என்பது உங்களுக்கு மிகவும் கடினமான ஒன்றாக மாறிவிடுகிறது.