Just In
- 4 hrs ago 18 ஆண்டுகளுக்கு பின் உருவாகியுள்ள அங்காரக யோகம்: ஜூன் வரை இந்த 3 ராசிக்காரங்க கவனமா இருக்கணும்...
- 5 hrs ago Garlic Peels: பூண்டின் தோலில் இவ்வளவு நன்மைகளா? என்னென்ன-ன்னு தெரிஞ்சா ஆச்சரியப்படுவீங்க..
- 6 hrs ago Hair Care: பளபளப்பான மற்றும் வலிமையான முடி வேணுமா? கற்பூரத்தை இப்படி யூஸ் பண்ணுங்க... சர சரனு வளரும்...!
- 7 hrs ago 3 முள்ளங்கியும், 1 தக்காளியும் இருந்தா.. இப்படி சட்னி செய்யுங்க.. இட்லி, தோசைக்கு செமயா இருக்கும்..
Don't Miss
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Automobiles பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
சர்க்கரை நோயால் மரணமடையும் ஆபத்து அதிகமுள்ளது ஆண்களுக்கா? பெண்களுக்கா? ஷாக் ஆகாம படிங்க!
ஹார்வர்ட் ஸ்கூல் ஆஃப் பப்ளிக் ஹெல்த் படி, டைப் 2 நீரிழிவு நோய்க்கு அதிக எடை மிக முக்கியமான காரணம். அதிக எடையுடன் இருப்பது டைப் 2 நீரிழிவு நோய் வருவதற்கான வாய்ப்புகளை ஏழு மடங்கு அதிகரிக்கும் என்று அவர்கள் கூறுகிறார்கள்.
இன்றைய நாளில் சர்க்கரை நோய் இல்லாத குடும்பமே இல்லை என்று சொல்லலாம். அந்தளவிற்கு சர்க்கரை நோய் எல்லாரையும் பாதிக்கிறது. இன்சுலின் இரத்த சர்க்கரையை உயிரணுக்களுக்குள் அனுமதிக்கும் ஒரு திறவுகோலாக செயல்படுகிறது. உங்களுக்கு டைப் 2 நீரிழிவு நோய் இருந்தால், உங்கள் செல்கள் இன்சுலின் எதிர்ப்பு என்று அழைக்கப்படும் இன்சுலினுக்குப் பயன்படுத்துவதைப் போல பதிலளிக்காது. இது நிகழும்போது, செல்கள் பதிலளிக்க உங்கள் கணையம் அதிக இன்சுலின் உற்பத்தி செய்கிறது. இறுதியில் கணையம் வேலையை தொடர முடியாமல் இருப்பதால், உங்கள் இரத்த சர்க்கரை உயர்கிறது.
நீரிழிவு நோயைத் தடுப்பது அவசியம். ஏனெனில் இது பல உடல்நல சிக்கல்களுக்கு வழிவகுக்கும். இதனால் உங்கள் ஆயுட்காலம் ஆழமாக பாதிக்கப்படலாம். புதிய கண்டுபிடிப்புகளின்படி, நீரிழிவு நோய் ஆரம்பகால மரணத்தின் அபாயத்தை எவ்வளவு அதிகரிக்கிறது என்றும் ஆய்வு என்ன கூறுகிறது என்றும் இக்கட்டுரையில் தெரிந்துகொள்வோம்.
ஆய்வு கூறுவது
சால்ஃபோர்டில் இருந்து நீரிழிவு நோயால் பாதிக்கப்பட்ட 11,000 க்கும் மேற்பட்ட பங்கேற்பாளர்களின் சுகாதார பதிவுகளை ஆராய்ச்சியாளர் குழு ஆய்வு செய்தது. ஆய்வின் போது பங்கேற்பாளர்களில் சுமார் 2135 பேர் இறக்கக்கூடும் என்று ஆராய்ச்சியாளர்கள் எதிர்பார்த்தனர். இருப்பினும், ஆய்வின் போது பங்கேற்பாளர்களில் 3921 பேர் மரணமடைந்ததாக அவர்கள் கண்டறிந்தனர். பொது மக்களுடன் ஒப்பிடும்போது, நீரிழிவு நோயால் பாதிக்கப்பட்டவர்களுக்கு ஆரம்பகால மரணத்தின் ஆபத்து 84 சதவீதம் அதிகமாக உள்ளதாக தெரிவிக்கிறார்கள்.
அதிக ஆபத்தில் உள்ளது யார்?
டைப் 2 நீரிழிவு நோயால் பாதிக்கப்பட்டவர்களில், பெண்கள், இளைஞர்கள் மற்றும் புகைப்பிடிப்பவர்களுக்கு ஆரம்பகால மரணத்தின் ஆபத்து அதிகமாக இருப்பதாக ஆராய்ச்சியாளர்கள் கண்டறிந்துள்ளனர். அதில் ஆண்கள் 74 சதவிகித ஆரம்பகால மரண அபாயத்தில் இருந்தபோது, பெண்கள் அதிர்ச்சியூட்டும் வகையில் 96 சதவிகித ஆபத்தில் உள்ளனர்.
பெண்களின் நிலை
டைப் 2 நீரிழிவு நோயால் பாதிக்கப்பட்ட ஒரு பெண், பொது மக்களில் சராசரி பெண்ணை விட ஐந்து ஆண்டுகள் குறைவாக வாழலாம். அதே நேரத்தில் இளைய வயதில் நீரிழிவு நோயால் பாதிக்கப்பட்ட ஒருவர் எட்டு வருட ஆயுட்காலம் இழக்க நேரிடும் என்று ஆராய்ச்சியாளர்கள் தெரிவிக்கிறார்கள்.
நீரிழிவு நோயின் பிற உடல்நலச் சிக்கல்கள்
அதிக இறப்பு அபாயத்தைத் தவிர, நீரிழிவு உங்கள் உடலுக்கும் ஆரோக்கியத்திற்கும் தீங்கு விளைவிக்கும், ஏனெனில் இது பல்வேறு உடல்நல சிக்கல்களுக்கு வழிவகுக்கும். இரத்த அழுத்தம் மற்றும் இதய நோய் போன்ற உயிருக்கு ஆபத்தான பிரச்சனைகளும் ஏற்படக்கூடும். குறைந்த கட்டுப்பாட்டு இரத்த சர்க்கரையுடன் நீங்கள் நீண்ட காலமாக நீரிழிவு நோயால் பாதிக்கப்பட்டிருந்தால், சிக்கல்களின் ஆபத்து அதிகமாகும்.
என்னென்ன பாதிப்புகள் ஏற்படும்?
அதில் ஒன்று இருதய நோய். நீரிழிவு ஒருவருக்கு ஆஞ்சினா (மார்பு வலி), மாரடைப்பு, பக்கவாதம் மற்றும் தமனிகள் சுருங்குதல் ஆகியவற்றின் அபாயத்தை அதிகரிக்கலாம். அதிகப்படியான சர்க்கரை நரம்புகளுக்கு ஊட்டமளிக்கும் இரத்த நாளங்களின் சுவர்களையும் காயப்படுத்தும். இது நரம்பு சேதத்திற்கு வழிவகுக்கும், கூச்ச உணர்வு, உணர்வின்மை, எரிதல் அல்லது கால் வலி போன்ற அறிகுறிகள் ஏற்படும். நீரிழிவு நோயால் பாதிக்கப்பட்டவர்களுக்கு செரிமான பிரச்சனைகள், சிறுநீரக பாதிப்பு, கண் பாதிப்பு மற்றும் தோல் மற்றும் வாய் நிலைகளும் ஏற்படலாம்.
இந்த கண்டுபிடிப்புகள் ஏன் அவசியம்?
இந்த புள்ளிவிவரங்கள் மிக அதிகமாக இருந்தாலும், நீரிழிவு நோயின் தாக்கத்தை உங்கள் வாழ்நாளில் தெரிந்துகொள்வது அவசியம். நீரிழிவு வராமல் இருக்க தேவையான அனைத்து தடுப்பு நடவடிக்கைகளையும் நீங்கள் எடுக்க வேண்டியது அவசியம். மேலும் உங்களுக்கு ஏற்கனவே சர்க்கரை இருந்தால் உடனடியாக சிகிச்சை பெறவும். ஆரோக்கியமான வாழ்க்கை முறையை மாற்றுவதன் மூலம் ஒருவரின் வாழ்க்கைத் தரத்தை மேம்படுத்துவது அவர்களின் ஆரோக்கியத்தில் எதிர்மறையான தாக்கத்தை குறைக்கலாம்.
வகை 2 நீரிழிவு நோயை எவ்வாறு தடுப்பது?
ஹார்வர்ட் ஸ்கூல் ஆஃப் பப்ளிக் ஹெல்த் படி, டைப் 2 நீரிழிவு நோய்க்கு அதிக எடை மிக முக்கியமான காரணம். அதிக எடையுடன் இருப்பது டைப் 2 நீரிழிவு நோய் வருவதற்கான வாய்ப்புகளை ஏழு மடங்கு அதிகரிக்கும் என்று அவர்கள் கூறுகிறார்கள். உடல் பருமன் நீரிழிவு நோயை உருவாக்கும் வாய்ப்பு 20 முதல் 40 மடங்கு அதிகமாகும். நீரிழிவு அல்லது பிற உடல்நலப் பிரச்சினைகளைத் தடுக்க, உங்கள் உடல், வயது, பாலினம் போன்றவற்றின் அடிப்படையில் உங்கள் எடையை ஆரோக்கியமான எடை வரம்பில் வைத்திருப்பது சிறந்தது. மேலும், உங்கள் தற்போதைய எடையில் ஏழு முதல் 10 சதவிகிதத்தை குறைப்பது டைப் 2 நீரிழிவு நோயை உருவாக்கும் வாய்ப்புகளை பாதியாக குறைக்கலாம் என்று கூறுகிறது.
இறுதி குறிப்பு
தொடர்ந்து உடற்பயிற்சி செய்வது மற்றும் ஆரோக்கியமான உணவுகளை உண்பது ஆரோக்கியமான எடை இழப்பை ஊக்குவிப்பதில் நீண்ட காலம் ஆரோக்கியத்தோடு வாழலாம். தினமும் அரை மணி நேரம் மட்டும் வேகமாக நடப்பது கூட சர்க்கரை நோயின் அபாயத்தை 30 சதவீதம் குறைக்கும். ஆரோக்கியமான வாழ்க்கை முறையை பின்பற்றி ஆரோக்கியமாக வாழுங்கள்.