உங்கள் கூந்தலில் இந்த மாற்றங்கள் இருக்கிறதா? அப்ப நீங்க பெரிய ஆபத்தில் இருக்கீங்கனு அர்த்தமாம்... ஜாக்கிரதை...

உடலின் பல பாகங்களில் முடி இருப்பது இயல்பானது. மனித உடலில் தோராயமாக 5 மில்லியன் மயிர்க்கால்கள் உள்ளன என்பது உங்களுக்குத் தெரியுமா? இது உங்களைக் கவர்ந்தாலும், சுவாரஸ்யமான விஷயம் என்னவென்றால், உங்கள் உடல் முடி உங்கள் ஒட்டுமொத்த ஆரோக்கியம் மற்றும் நல்வாழ்வைப் பற்றிய பல ரகசியங்களை வெளிப்படுத்தக்கூடும்.

உங்கள் உடலை மறைக்கும் மெல்லிய முடியானது, டெர்மினல் ஹேர் என்றும் அழைக்கப்படும் வெல்லஸ் முடிகளால் ஆனது. இது புருவங்கள், கண் இமைகள், கன்னம், உங்கள் கைகளின் கீழ், அந்தரங்க பகுதி மற்றும் உச்சந்தலையிலும் வளர்கிறது. சிலருக்கு உடலில் சிறிய முடி இருக்கும் போது, மற்றவர்களுக்கு கருமையாகவும் கரடுமுரடானதாகவும் இருக்கும்.

உங்கள் முடியின் வகை உங்கள் மரபணுக்களுடன் தொடர்புடையவை என்று ஆய்வுகள் தெரிவிக்கின்றன. ஆனால் உங்கள் உடல் முடிகள் திடீரென மாறினால், அது உங்கள் உடலில் இருக்கும் சில சிக்கல்களின் அறிகுறியாக இருக்கலாம். உங்கள் உடலில் அசாதாரண முடி வளர்ச்சிகள் என்ன சிக்கலைக்க் குறிக்கிறது என்று இந்த பதிவில் தெரிந்து கொள்ளலாம்.

உங்கள் ஹார்மோன்கள் செயலிழந்திருக்கலாம்

ஆண்ட்ரோஜன்கள் எனப்படும் ஹார்மோன்கள் உடலில் முடி வளர்ச்சிக்கு முக்கிய காரணம். அவை ஆண் ஹார்மோன்கள் என்று குறிப்பிடப்பட்டாலும், ஆண்-பெண் இருவருமே அவற்றை உற்பத்தி செய்கிறார்கள்.

ஒரு பெண்ணின் உடலில் இந்த ஹார்மோன்களின் திடீர் அதிகரிப்பு ஆண் வடிவ முடி வளர்ச்சிக்கு வழிவகுக்கும். மேலும், மாதவிடாய் காலத்தில் ஈஸ்ட்ரோஜன் அளவு குறையும் போது, மற்றும் டெஸ்டோஸ்டிரோன் அளவுகள் அதிகரிக்கும் போது, உங்கள் முகத்தில் உள்ள முடி கரடுமுரடானதாக மாறும் போது, முடி மெலிந்து போகலாம்.

இரும்புச்சத்து குறைபாடு இருக்கலாம்

உங்கள் உடலில் திடீர் முடி உதிர்வு ஏற்படுகிறதா? உங்கள் உடல் மற்றும் முடியில் குறிப்பிடத்தக்க முடி உதிர்தல் இரத்த சோகை அல்லது உங்கள் இரத்தத்தில் இரும்புச்சத்து குறைபாடு இருப்பதை உணர்த்தலாம். உங்கள் உடலில் போதுமான இரும்புச்சத்து இல்லாவிட்டால், அது உங்கள் இரத்தத்தில் உள்ள ஹீமோகுளோபினை உற்பத்தி செய்ய முடியாமல் போகும்.

ஹீமோகுளோபின் என்பது உங்கள் உடலில் உள்ள உயிரணுக்களின் வளர்ச்சி மற்றும் செல்களை சரி செய்ய ஆக்ஸிஜனைக் கொண்டு செல்லும் ஒரு புரதமாகும். முடி வளர்ச்சியைத் தூண்டுவதும் இந்த ஹார்மோன்தான்.

PCOS காரணமாக இருக்கலாம்

PCOS என்பது வளர்சிதை மாற்ற மற்றும் ஹார்மோன் சமநிலையின்மை ஆகும், ஆய்வுகளின் படி இந்தியாவில் 5 பெண்களில் ஒருவர் இதனால் பாதிக்கப்படுகின்றனர். இது ஹார்மோன் மாற்றங்கள் மற்றும் உடலில் உள்ள ஏற்றத்தாழ்வுகள் காரணமாக எடை அதிகரிப்புடன் இணைக்கப்பட்டுள்ளது. இது ஒழுங்கற்ற மாதவிடாய், முகப்பரு, முடி உதிர்தல், முகம், கன்னம் அல்லது பிற பகுதிகளில் அதிக முடி போன்ற பல அறிகுறிகளுக்கு வழிவகுக்கும்.

தைராய்டு செயலிழப்பின் அறிகுறியாக இருக்கலாம்

தைராய்டு என்பது உங்கள் கழுத்தின் முன்புறத்தில் அமைந்துள்ள ஒரு பட்டாம்பூச்சி வடிவ சுரப்பி ஆகும். உங்கள் உடல் ஆற்றலைப் பயன்படுத்துவதைக் கட்டுப்படுத்த உதவும் ஹார்மோன்களை சுரக்க இந்த சுரப்பி மிகவும் முக்கியமானதாகும். உங்கள் உடல் இந்த ஹார்மோனை போதுமான அளவு உற்பத்தி செய்யாதபோது, முடி உதிர்தல் போன்ற பிரச்சனைகளுக்கு வழிவகுக்கும். எனவே உங்கள் புருவங்களில் முடி உதிர்ந்தால், உங்கள் தைராய்டு அளவை உடனடியாக சரிபார்க்க வேண்டும்.

நோயெதிர்ப்பு அமைப்பு பாதிக்கப்பட்டிருக்கலாம்

சில சந்தர்ப்பங்களில், உங்கள் உடல் முடியில் ஏற்படும் மாற்றங்கள் பலவீனமான நோயெதிர்ப்பு அமைப்பின் விளைவாக இருக்கலாம். இதுபோன்ற சந்தர்ப்பங்களில், உங்கள் நோயெதிர்ப்பு அமைப்பு உங்கள் உரோமக்கால்களைத் தாக்கத் தொடங்கலாம், இது உங்கள் உச்சந்தலையில், புருவங்கள் மற்றும் கண் இமைகளில் இருந்து முடியை இழக்க வைக்கும்.