ஆண்களின் அழகை மேம்படுத்த உதவும் சில கற்றாழை ஃபேஸ் பேக்குகள்!

கற்றாழை மற்றும் எலுமிச்சை ஃபேஸ் பேக்

பெண்களைப் போலவே ஆண்களின் சரும நிறமும் வெயிலால் கருமையடையும். இப்படி வெயிலால் கருமையான சருமத்தை வெள்ளையாக்க கற்றாழை ஜெல்லுடன், சிறிது எலுமிச்சை சாற்றினை சேர்த்து கலந்து, கழுத்து மற்றும் முகத்தில் தடவி 10-15 நிமிடம் ஊற வைத்து பின் கழுவ வேண்டும்.

கற்றாழை மற்றும் மாம்பழ ஃபேஸ் பேக்

சருமத்தில் இறந்த செல்கள் அதிகம் இருந்தால் தான் முகம் பொலிவிழந்து இருக்கும். சருமத்தில் உள்ள இறந்த செல்களை நீக்க கற்றாழை ஜெல்லுடன், சிறிது எலுமிச்சை சாற்றினை சேர்த்து கலந்து, முகத்தில் தடவி 20 நிமிடம் ஊற வைத்து, பின் குளிர்ந்த நீரால் கழுவ வேண்டும். இந்த ஃபேஸ் பேக் சருமத்திற்கு புத்துணர்ச்சி அளிப்பதோடு, பொலிவையும் கொடுக்கும்.

கற்றாழை ஜெல் மற்றும் ரோஸ் வாட்டர் ஃபேஸ் பேக்

கற்றாழை ஜெல்லுடன், சிறிது ரோஸ் வாட்டர் சேர்த்து கலந்து, முகத்தில் தடவி 15 நிமிடம் ஊற வைத்து, பின் குளிர்ந்த நீரால் கழுவினால், சருமத்தின் நிறம் மேம்படுவதோடு, சருமமும் இறுக்கமடையும்.

கற்றாழை மற்றும் தேன் ஃபேஸ் பேக்

கற்றாழை சரும செல்களைப் புதுப்பிக்க உதவுகிறது மற்றும் இதில் உள்ள பண்புகள் சருமத்தை சுத்தம் செய்து பொலிவாக்குகிறது. இந்த ஃபேஸ் பேக் தயாரிப்பதற்கு, கற்றாழை ஜெல்லுடன், சிறிது தேன் சேர்த்து கலந்து, அதை முகம் மற்றும் கழுத்துப் பகுதியில் தடவி, 20 நிமிடம் ஊற வைத்து பின் கழுவ வேண்டும். இந்த ஃபேஸ் பேக் சருமத்தில் உள்ள அதிகப்படியான எண்ணெயை நீக்கும்.

கற்றாழை மற்றும் வெள்ளரிக்காய் ஃபேஸ் பேக்

இந்த ஃபேஸ் பேக் சருமத்தில் உள்ள அழுக்கு மற்றும் இறந்த செல்களை நீக்குவதில் சிறந்தது. இந்த ஃபேஸ் பேக் தயாரிப்பதற்கு வெள்ளரிக்காய் சாற்றுடன் தயிர் மற்றும் கற்றாழை ஜெல்லை சேர்த்து கலந்து, முகத்தில் தடவி நன்கு காய்ந்ததும், குளிர்ந்த நீரால் முகத்தைக் கழுவ வேண்டும். இந்த ஃபேஸ் பேக் சருமத்திற்கு புத்துணர்ச்சி அளிக்கும்.

மேலே கொடுக்கப்பட்டுள்ள ஃபேஸ் பேக்குகள் ஆண்கள் மட்டுமின்றி பெண்களும் பயன்படுத்தலாம். இந்த ஃபேஸ் பேக்குகளை வாரத்திற்கு 2-3 முறை பயன்படுத்தினால், சருமம் நன்கு ஆரோக்கியமாகவும் அழகாகவும் இருக்கும்.