பருக்களை சரி செய்ய, கிவி பழத்தை இந்த பழத்தோடு சேர்த்து இப்படி தேய்ச்சாலே போதும்ங்க..!

மகிமை மிக்க கிவி..!

மற்ற பழத்தை காட்டிலும் இந்த கிவி பழத்தில் பல வித நன்மைகள் உள்ளன. இது தனித்துவமான பழமாகவே பார்க்கப்படுகிறது. பல்வேறு மருத்துவ குறிப்புகளையும், அழகியல் ரகசியங்களையும் இந்த கிவி தனக்குள்ளே ஒளித்து வைத்துள்ளது. இவை முக பருக்கள் முதல் முக கருமை வரை அனைத்திற்கும் தீர்வை தருகிறது.

ஊட்டச்சத்துக்கள் நிறைந்த கிவி..!

கிவி பழத்தில் ஏராளமான ஊட்டசத்துக்கள் உள்ளன. இவற்றை சாப்பிடுவதால் பல நன்மைகள் நமக்கு கிடைக்கிறதாம். இதில் உள்ள சத்துக்கள் இதோ...

வைட்டமின் சி

வைட்டமின் எ

கால்சியம்

மெக்னீசியம்

பாஸ்பரஸ்

பொட்டாசியம்

ஒமேகா 3 கொழுப்பு அமிலங்கள்

வைட்டமின் கே

நீர்சத்து

இளமையான முகத்திற்கு

முகம் பார்ப்பதற்கு மிக இளமையாக இருக்க வேண்டுமென்றால் அதற்கு கிவி பழம் உதவும். வைட்டமின் சி அதிகம் நிறைந்துள்ள இந்த கிவி பழம் முகத்தில் தேய்த்தாலோ, சாப்பிட்டாலோ அதிக நலன்கள் கிடைக்கும். மேலும், சருமத்தின் பொலிவையும் பாதுகாத்து முக தோலை இளமையாக வைத்து கொள்ளும்.

பருக்களை ஒழிக்க

முகத்தின் அழகை பராமரிக்க இந்த குறிப்பு நன்கு உதவும். குறிப்பாக பருக்களை அழிக்கவும், இவை வராமல் தடுக்கவும் இந்த முகப்பூச்சு உதவும்.

தேவையானவை :-

கிவி பழம் 1

எலுமிச்சை சாறு 1 ஸ்பூன்

செய்முறை :-

முகத்தின் பருக்களை ஒழிக்க, முதலில் கிவி பழத்தை நன்கு மசித்து கொள்ளவும். பிறகு இவற்றுடன் எலுமிச்சை சாற்றை கலந்து முகத்தில் தடவவும். 20 நிமிடம் கழித்து முகத்தை குளிர்ந்த நீரில் கழுவலாம். இந்த குறிப்பு பருக்களை சரி செய்யவும், இனி பருக்கள் வராமல் தடுக்கவும் உதவும்.

கருவளையங்களை போக்க

உங்களின் கண்களுக்கு கீழ் உள்ள கருவளையங்களை போக்குவதற்கு இந்த குறிப்பு நன்கு உதவும். மிக சிறந்த குறிப்பாக இது வேலை செய்யும். அதற்கு கிவி பழத்தை ஒரு துண்டு அரிந்து கண்களின் மேல் 15 நிமிடம் வைத்து கொள்ளலாம். இவ்வாறு செய்வதன் மூலம் கருவளையங்களை எளிதில் போக்கி விடலாம்.

சுருக்கங்களை குறைக்க

முகத்தின் சுருக்கங்களை குறைக்க இந்த குறிப்பு நன்கு உதவும். சுருக்கங்கள் நமது முகத்தின் இளமையை முழுமையாக மாறுதல் செய்து விடும். இதனை தடுக்க இவ்வாறு செய்யுங்கள்.

தேவையானவை :-

பாதாம் 8

கடலை மாவு 1 ஸ்பூன்

கிவி பழம் 1

செய்முறை :-

இரவு முழுவதும் ஊற வாய்த்த பாதாமை, கிவி பழத்தோடு நன்கு அரைத்து கொள்ள வேண்டும். பிறகு இதனுடன் கடலை மாவை சேர்த்து கொண்டு முகத்தில் தடவவும். 20 நிமிடம் கழித்து முகத்தை கழுவவும். இவ்வாறு தொடர்ந்து செய்து வந்தால் முகத்தில் உள்ள சுருக்கங்கள் எளிதில் போய் விடும்.