முகத்தில் ஆங்காங்கு ப்ரௌன் நிற புள்ளிகள் உள்ளதா? அதை போக்குவது எப்படி?

ஆப்பிள் சீடர் வினிகர்

* முதலில் ஆப்பிள் சீடர் வினிகரை நீரில் சரிசம அளவில் கலந்து கொள்ளுங்கள்.

* பின் ஒரு பஞ்சுருண்டையை ஆப்பிள் சீடர் வினிகரில் நனைத்து ப்ரௌன் புள்ளிகள் உள்ள இடத்தில் தடவுங்கள்.

* 10-15 நிமிடம் கழித்து குளிர்ந்த நீரில் கழுவ வேண்டும். இப்படி வாரத்திற்கு 3-4 முறை செய்து வந்தால், ப்ரௌன் நிற புள்ளிகள் போய்விடும்.

மோர்

* மோரில் பஞ்சுருண்டையை நனைத்து, ப்ரௌன் நிற புள்ளிகள் உள்ள இடத்தின் மேல் வைத்து, 15 நிமிடம் ஊற வையுங்கள்.

* பின் வெதுவெதுப்பான நீரால் அப்பகுதியைக் கழுவுங்கள். இந்த சிகிச்சையை வாரத்திற்கு 2-3 முறை செய்தால், ஒரு நல்ல மாற்றத்தைக் காணலாம்.

விளக்கெண்ணெய்

* விளக்கெண்ணெயை ப்ரௌன் புள்ளிகள் உள்ள இடத்தில் தடவுங்கள்.

* பின் 10-15 நிமிடம் கழித்து, அப்பகுதியை நீரில் கழுவுங்கள்.

* இந்த முறையை வாரத்திற்கு 3 முறை செய்து வந்தால், சருமத்தில் உள்ள ப்ரௌன் நிற புள்ளிகள் மாயமாய் மறைந்துவிடும்.

தக்காளி

* நற்பதமான தக்காளியை அரைத்து கூழ் எடுத்து, அதனை ப்ரௌன் நிற புள்ளிகள் உள்ள இடத்தில் தடவி 20-25 நிமிடம் ஊற வைக்க வேண்டும்.

* பின் வெதுவெதுப்பான நீரால் அப்பகுதியைக் கழுவ வேண்டும். இந்த சிகிச்சையை தினமும் செய்து வந்தால், சருமத்தில் அசிங்கமாக இருந்த ப்ரௌன் நிற புள்ளிகள் போய்விடும்.

எலுமிச்சை

* 2 டீஸ்பூன் எலுமிச்சை சாற்றினை, அசிங்கமாக காணப்படும் ப்ரௌன் நிற புள்ளிகளின் மீது தடவி 10-15 நிமிடம் ஊற வைத்து, பின் சாதாரண நீரில் கழுவ வேண்டும்.

* இந்த முறையை வாரத்திற்கு 4-5 முறை செய்து வந்தால், சருமத்தில் ஒரு நல்ல மாற்றத்தைக் காண முடியும்.

சந்தன பவுடர்

* ஒரு பௌலில் 1 டீஸ்பூன் சந்தன பவுடர் மற்றும் 1 டேபிள் ஸ்பூன் ரோஸ் வாட்டர் சேர்த்து கலந்து பேஸ்ட் செய்து கொள்ள வேண்டும்.

* பின் அந்த பேஸ்ட்டை ப்ரௌன் நிற புள்ளிகளின் மீது தடவி 15 நிமிடம் நன்கு காய வைக்க வேண்டும்.

* பின்பு குளிர்ந்த நீரால் அப்பகுதியைக் கழுவ வேண்டும். இப்படி வாரத்திற்கு 2-3 முறை செய்து வந்தால், அந்த புள்ளிகள் காணாமல் போய்விடும்.

தயிர்

* தயிர் பல்வேறு சரும பிரச்சனைகளைப் போக்க வல்லது. இதற்கு அதில் உள்ள லாக்டிக் அமிலம் தான் முக்கிய காரணம்.

* தயிரை ப்ரௌன் நிற புள்ளிகள் உள்ள இடத்தில் தடவி 10-15 நிமிடம் ஊற வைத்து பின் நீரில் கழுவ வேண்டும்.

* இந்த முறையை தினமும் செய்து வந்தால், சரும பிரச்சனைகள் அகலுவதோடு, ப்ரௌன் நிற புள்ளிகளும் மறைந்துவிடும்.

கற்றாழை ஜெல்

* கற்றாழையின் மருத்துவ குணம் எப்பேற்பட்ட சரும பிரச்சனைகளையும் போக்கும். அதிலும் ப்ரௌன் நிற புள்ளிகளை விரைவில் போக்கும்.

* அதற்கு கற்றாழை ஜெல்லை சருமத்தில் தடவி 10-15 நிமிடம் ஊற வைத்து, பின் வெதுவெதுப்பான நீரால் கழுவ வேண்டும்.

* இப்படி ஒரு நாளைக்கு பலமுறை செய்து வந்தால், சீக்கிரம் அசிங்கமான ப்ரௌன் நிற புள்ளிகள் மறையும்.