தென்னிந்திய பெண்களின் அழகைப் பாதுகாக்கும் மஞ்சளின் அழகு நன்மைகள்!!!

பருக்களை போக்க...

மஞ்சள் தூளுடன், சந்தன பொடி சேர்த்து, தண்ணீர் ஊற்றி பேஸ்ட் செய்து, முகத்தில் தடவி 10 நிமிடம் ஊற வைத்து கழுவினால், பருக்களால் ஏற்படும் பிரச்சனைகளைத் தடுக்கலாம்.

ஸ்கரப்

மஞ்சள் தூளுடன் 2 துளிகள் கடுகு எண்ணெய் மற்றும் சிறிது எலுமிச்சை சாறு சேர்த்து கலந்து பேஸ்ட் செய்து, முகத்தில் தடவி 15 நிமிடம் மென்மையாக ஸ்கரப் செய்து, பின் குளிர்ந்த நீரில் கழுவி வந்தால், முகம் பொலிவோடு இருக்கும்.

கரும்புள்ளிகளை நீக்க...

மஞ்சள் பொடியுடன், எலுமிச்சை சாறு மற்றும் வெள்ளரிக்காய் சாறு சேர்த்து கலந்து, முகம் மற்றும் கழுத்தில் தடவி, சிறிது நேரம் ஊற வைத்து ஸ்கரப் செய்து கழுவினால், முகத்தில் உள்ள கரும்புள்ளிகள் நீங்கும்.

சரும சுருக்கம்

மஞ்சள் பொடியை மோர் சேர்த்து கலந்து, முகத்தில் தடவி நன்கு உலர வைத்து, பின் குளிர்ந்த நீரில் கழுவினால், சரும சருக்கம் மறையும்.

பொலிவான சருமம்

தினமும் குளிக்கும் முன், மஞ்சள் தூளில் வெண்ணெய் சேர்த்து கலந்து, முகத்தில் தடவி மசாஜ் செய்து, பின் தேய்த்து குளித்தால், சருமத்தில் உள்ள இறந்த செல்கள் நீங்கி, சருமம் பொலிவோடு அழகாக இருக்கும்.

குதிகால் வெடிப்பு

மஞ்சள் தூளை தேங்காய் எணணெய் சேர்த்து பேஸ்ட் செய்து, குதிகாலில் குளிக்கும் முன் தடவி 15 நிமிடம் ஊற வைத்து பின் குளிக்க வேண்டும். இப்படி தினமும் செய்து வந்தால், குதிகால் வெடிப்பு நீங்கும்.

அழகாக சருமம்

அழகாக ஜொலிக்க நினைத்தால், மஞ்சள் தூளை பால் சேர்த்து பேஸ்ட் செய்து, குளிக்கும் முன், முகத்தில் தடவி சிறிது நேரம் ஊற வைத்து பின் குளிக்க வேண்டும்.

நல்ல கிருமிநாசினி

வேப்பிலையுடன் மஞ்சள் தூள் சேர்த்து அரைத்து பேஸ்ட் செய்து, அதனை உடல் முழுவதும் தடவி 10 நிமிடம் ஊற வைத்து, பின் குளிர்ந்த நீரில் குளித்தால், உடலில் உள்ள கிருமிகள் அனைத்தும் அழிந்து, உடல் ஆரோக்கியமாகவும், சுத்தமாகவும் இருக்கும்.