நைட் அவுட் போக எப்படி மேக்கப் போடறதுனு தெரியலயா? இந்த டிப்ஸ்ல ஃபாலோ பண்ணுங்க...

முற்றிலும் வேறுபட்டது

பெரும்பாலான பெண்கள் இன்றளவும் உணராத விஷயம் என்னவென்றால் இரவு நேர மேக்கப் பகல் நேர மேக்கப்பை காட்டிலும் முற்றிலும் வித்தியாசமானது. இந்த வரம்புகளை புரிந்து கொண்டு மேக்கப் பட்டால் நீங்களும் அழகு தேவதை தான். பொதுவாக பகல் நேரத்தில் மேக்கப் போடும் போது சற்று மென்மையாக லேசாக போட வேண்டும். இரவு நேரங்களில் கொஞ்சம் அடர்த்தியான ஆழமான மேக்கப் யுக்திகள் தேவைப்படுகிறது.

எனவே உங்கள் மேக்கப் கலையை சரி செய்ய நாங்கள் சொல்லும் டிப்ஸ்களை ஃப்லோ செய்து பாருங்கள்.

ப்ரைமர் அவசியம்

கண்டிப்பாக மேக்கப் போடும் போது முதலில் ப்ரைமர் தான் பயன்படுத்த வேண்டும். இது உங்கள் மேக்கப் கலையாமல் இருக்க உதவுவதோடு முகத்தில் உள்ள சரும துளைகளை மறைத்து ஸ்மூத் ஆன லேயரை கொடுக்கும். பவுண்டேஷன் அப்ளே செய்வதற்கு முன் முகத்தில் T வடிவில் ப்ரைமரை அப்ளே செய்யுங்கள். கண்டிப்பாக நல்ல வித்தியாசம் தெரியும்.

டீவி பவுண்டேஷன்

நைட் டைம் மேக்கப் என்றால் அதில் டீவி பவுண்டேஷன் முக்கியம். இது உங்கள் முகத்திற்கு அந்த இரவு நேரத்தில் ஒரு ஜொலிப்பை கொடுக்கும்.

பவுடர் மேக்கப் வேண்டாம்

பகல் நேரத்தில் வேண்டும் என்றால் பவுடர் பொருட்கள் நல்ல தோற்றமளிக்கலாம். ஆனால் இரவு நேரங்களில் இது பார்ப்பதற்கு திட்டு திட்டாக பிசின் போன்று இருக்கும். எனவே இரவு நேர மேக்கப்பிற்கு பவுடருக்கு பதிலாக க்ரீம்களை பயன்படுத்தி வரலாம்.

ஸ்மோக்கி ஐ மேக்கப் மற்றும் ஸ்ம்மர்

இரவு நேரங்களில் வெளியே செல்பவர்கள் பெரும்பாலும் ஸ்மோக்கி ஐ மேக்கப்பை தான் தேர்ந்தெடுக்கிறார்கள். இது பார்ப்பதற்கு அழகாக நேர்த்தியாக கச்சிதமாக இருக்கும். இதனுடன் நீங்கள் ஸ்ம்மர் மற்றும் கொஞ்சம் க்ளிட்டர் கூட பயன்படுத்தி கொள்ளலாம். இது உங்கள் கண்களுக்கு கூடுதல் அழகு சேர்க்கும். இரவு நேரங்களில் கூட உங்கள் கண்கள் மின்னும்.

கீழ் இமைக்கு ஐஷேடோ

ஸ்மோக்கி ஐ மேக்கப்பிற்கு பிறகு கீழ் இமைக்கு ஐ ஷேடோ பயன்படுத்தி கொள்ளுங்கள். அப்பொழுது தான் உங்கள் ஐ மேக்கப் முழுமை பெறும். இதைச் செய்யாமல் பார்ட்டிக்கு செல்லாதீர்கள். மறக்காமல் செய்யுங்கள் உங்கள் கண்கள் பேசும்.

கேட் ஜ மேக்கப்

பூனைக் கண்களால் உங்கள் பார்ட்னரை மயக்குவது எளிது. எனவே அவருடன் செல்வதற்கு முன் ஐ லைனர் கொண்டு கேட் ஐ மேக்கப் செய்து கொள்ளுங்கள். இது உங்கள் கண்களுக்கு மேலும் வசீகரம் செய்யும்.

கலர்டு ஐ லைனர்

கலர்டு ஐ லைனர் தான் இப்பொழுது புகழ் பெற்றது. காரணம் உங்கள் நிறத்திற்கு, உங்கள் முகத்திற்கு தகுந்த மாதிரி ஐ லைனரை தீட்டிக் கொள்ளலாம். இது உங்களுக்கு ஒரு வித்தியாசமான லுக்கை கொடுக்கும்.

மஸ்காரா

இறுதியில் மஸ்காரா போட்டு மயக்க மறந்து விடாதீர்கள். இந்த மஸ்காரா உங்கள் இமை முடிகளை அழகாக்குவதோடு அதை உயர்த்தவும் பயன்படுகிறது. எனவே இமை முடிகளை தூக்கி மஸ்காரா போட்டு செல்லும் போது உங்கள் கண்கள் அந்த இரவிலும் மின்னலடிக்கும்.

இந்த டிப்ஸ்கள் கண்டிப்பா உங்களுக்கு பலனுள்ளதாக இருக்கும். இனி தயக்கம் இல்லாமல் இரவு விருந்திற்கு செல்லுங்கள்.