Just In
- 1 hr ago கோடையில் இரவு தூங்கும் முன் இதை முகத்தில் தடவுங்கள்.. உங்கள் சருமம் அழகாகவும் பளப்பளப்பாகவும் இருக்கும்..!
- 2 hrs ago கேரளாவின் அடையாளங்களில் ஒன்றான இந்த குட்டி மாட்டின் பால்தான் உலகிலேயே சத்தான பாலாம் தெரியுமா?
- 3 hrs ago கத்திரிக்காயை இந்த மாதிரி ஒருமுறை பொரியல் செய்யுங்க.. பிடிக்காதவங்களும் கேட்டு விரும்பி சாப்பிடுவாங்க...
- 4 hrs ago ஹிட்லரின் நாஜி முகாமில் நடத்தப்பட்ட திகிலூட்டும் சோதனைகள் என்னென்ன தெரியுமா? முக்கியமா இரட்டை குழந்தைகள் மீது!
Don't Miss
- News மேடையிலேயே நிலைக்குலைந்த நிதின் கட்கரி.. மயங்கி விழுந்ததால் பரபரப்பு.. ஷாக் வீடியோ
- Education 10-ம் வகுப்பு விடைத்தாள் திருத்தும் பணி தீவிரம்.. மே 10-ம் தேதி ரிசல்டுக்கு மாணவர்கள்
- Technology ஆளுக்கு 1 ஆர்டர்.. ரூ.10,999 போதும்.. 50எம்பி கேமரா.. புதிய Realme 5ஜி போன்கள் அறிமுகம்.. எந்த மாடல்?
- Automobiles நம்ம இந்திய நிறுவனத்தின் தயாரிப்பா இதுனு எல்லாரும் வாயடைச்சு போயிட்டாங்க! எஃப்77 மேக்2 இ-பைக் அறிமுகம்!
- Finance சிங்கப்பூர் அடுத்து ஐரோப்பா கொடுத்த ஷாக்.. அச்சுறுத்தும் எத்திலீன் ஆக்சைடு கெமிக்கல்..!!
- Movies அஜித் பிறந்தநாளுக்கு அல்லு அர்ஜுனின் தாறுமாறான ட்ரீட்.. புஷ்பா 2 ஃபர்ஸ்ட் சிங்கிள் அப்டேட் இதோ!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
- Sports இன்னும் 6 போட்டி.. 3ல் அடிவாங்கினால் சோலி முடிஞ்ச்.. பிளே ஆஃப் செல்ல சிஎஸ்கே என்ன செய்ய வேண்டும்?
பற்களின் பின் இருக்கும் அசிங்கமான மஞ்சள் கறைகளைப் போக்கும் எளிய வழிகள்!
பற்களின் பின் இருக்கும் மஞ்சள் கறைகளைப் போக்குவதற்கு தினமும் பற்களை தேய்க்கும் போது, பின்புறமும் தேய்ப்பதோடு, ஒருசில ட்ரிக்ஸ்களை முயற்சித்தால், பற்களின் பின் இருக்கும் மஞ்சள் கறைகளை எளிதில் போக்கலாம்.
பலரும் பற்களின் முன் இருக்கும் மஞ்சள் கறைப் போக்க மட்டும் தான் முயற்சித்திருப்பார்கள். ஆனால் பற்களின் பின்னாலும் கறைகள் இருக்கும் என்பது தெரியுமா? இந்த கறைகளை அப்படியே விட்டுவிட்டால், அது அப்படியே பச்சையாக மாறி, பின் அதுவே வாயின் ஆரோக்கியத்தை கெடுத்துவிடும்.
பற்களின் பின் இருக்கும் மஞ்சள் கறைகளைப் போக்குவதற்கு தினமும் பற்களை தேய்க்கும் போது, பின்புறமும் தேய்ப்பதோடு, ஒருசில ட்ரிக்ஸ்களை முயற்சித்தால், பற்களின் பின் இருக்கும் மஞ்சள் கறைகளை எளிதில் போக்கலாம். இங்கு அந்த வழிகள் கொடுக்கப்பட்டுள்ளது. அதைப் படித்து முயற்சித்துப் பாருங்கள்.
எள்ளு
சிறிது எள் விதைகளை வாயில் போட்டு விழுங்காமல் நன்கு மெல்ல வேண்டும். பின் வெறும் டூத் பிரஷ் கொண்டு பற்களைத் தேய்க்க வேண்டும். இதனால் எள் ஒரு ஸ்கரப்பர் போன்று செயல்பட்டு, பற்களில் இருக்கும் மஞ்சள் கறைகளை அகற்றும்.
கல் உப்பு
பற்களைத் துலக்கும் போது, சிறிது கல் உப்பை டூத் பிரஷ்ஷில் வைத்து, பற்களைத் துலக்க வேண்டும். பின் குளிர்ச்சியான நீரால் வாயைக் கொப்பளிக்க வேண்டும். இந்த முறையை வாரத்திற்கு 2-3 முறை செய்து வர, நல்ல பலன் கிடைக்கும்.
பேக்கிங் சோடா
1 டீஸ்பூன் பேக்கிங் சோடாவுடன், 1 சிட்டிகை உப்பு சேர்த்து, டூத் பிரஷை நீரில் நனைத்துப் பின் பேக்கிங் சோடா கலவையைத் தொட்டு பற்களைத் துலக்க வேண்டும். பிறகு நீரால் வாயைக் கொப்பளிக்க வேண்டும். இப்படி வாரத்திற்கு 1 முறை செய்தால், பற்களில் உள்ள மஞ்சள் கறைகள் அகலும்.
ஆரஞ்சு தோல்
ஆரஞ்சு தோலை நேரடியாக பற்களில் தேய்ப்பதன் மூலமும் பற்களில் உள்ள காறைகள் நீங்கும். இல்லாவிட்டால் ஆரஞ்சு தோலை அரைத்து, அதனை பற்களில் தடவி சிறிது நேரம் ஊற வைத்து, பின் தேய்த்து கழுவ, பற்கள் வெண்மையாகி இருப்பதைக் காணலாம்.
காய்கறிகள் மற்றும் பழங்கள்
பற்களில் கறைகள் படாமல் இருக்க வேண்டுமானால், தினமும் காய்கறிகள் மற்றும் பழங்களை அதிகம் சாப்பிட வேண்டும். அதிலும் ஆப்பிள், கேரட், பேரிக்காய், வெள்ளரிக்காய் போன்றவற்றை தினமும் சாப்பிட்டு வந்தால், பற்களின் ஆரோக்கியத்தையும், அழகையும் அதிகரிக்கலாம்.
அத்திப்பழம்
அத்திப்பழம் உங்கள் கண்களில் பட்டால், அதைத் தவறாமல் வாங்கி சாப்பிடுங்கள். அத்திப்பழம் பாக்டீரியாக்களை எதிர்த்துப் போராடி, பற்களில் இருக்கும் அசிங்கமான கறைகளைப் போக்கும். அதிலும் அத்திப்பழத்தை 3-4 சாப்பிட்டால், அது வாயில் உள்ள உமிழ்நீர் சுரப்பியைத் தூண்டும். இதனால் வாயில் எச்சில் அதிகம் சுரக்கப்பட்டு, பாக்டீரியாக்களால் பற்களின் ஆரோக்கியம் பாதிக்கப்படுவது தடுக்கப்படும்.