கவர்ச்சி ஆடையணிந்து தன் நண்பர்களுடன் பழகக் கூறும் கணவர் - My Story #103

அன்புடையீர் அனைவருக்கும் என் பணிவான வணக்கங்கள்! மாடர்ன் என்ற மாயையில் விழுந்த கணவனின் மோகத்திற்கு தினம், தினம் பலியாகிக் கொண்டிருக்கும் மனிதி நான். பொள்ளாச்சியில் இருந்து சில மைல் தூரத்தில் அமைந்திருக்கிறது எனது ஊர்.

இன்னும் பிளாட்டுகளுக்கு இரையாகிடாத, விவசாயம் நிறைந்திருக்கும் பூமியில் பிறந்து, வளர்ந்தவள் நான். சுற்றிலும் மலை, தென்னந்தோப்பு என என் நாட்களில் திரும்பிய பக்கமெல்லாம் பச்சைப்பசேல் என்ற போர்வை போர்த்தியது போல தான் இயற்கை காட்சிகளை கண்டுள்ளேன்.

தாய் மொழி தமிழிலேயே பள்ளி முழுக்க பாடம் கற்றவள். எனக்கு எப்போதுமே ஆங்கிலத்தில் எழுத தயக்கமும் இல்லை, அச்சமும் இல்லை. ஆனால், பேசுவதென்றால் தான் உடல் மொத்தமும் நடுங்கும். முகத்தில் வியர்த்துக் கொட்டும்.

ஆங்கிலம் எனது கௌரவம் அல்ல, வெறும் மொழி கருவி என ஆசிரியர் கற்பித்த வார்த்தைகளை முழுமையாக வாழ்க்கையில் ஏற்றுக் கொண்டவள் நான். இந்த ஆங்கிலமும், மாடர்னும் எனது கல்லூரி காலங்களில் கூட என்னை பெரிதாய் பாதித்திடவில்லை.

எப்படியோ கல்லூரியை தாண்டி வந்தாயிற்று. இனிமேல் என்ன என்றிருந்த எனக்கு அப்போது தான் பேரதிர்ச்சி காத்திருந்தது....