ஆண்கள் திருமணம் செய்து கொள்ள விரும்பாத பெண்கள்!!!

பொறாமை

பெண்களுக்கு பொறுமை இருக்கலாம். ஆனால் பொறாமை இருந்தால், அது ஆண்களுக்கு சுத்தமாக பிடிக்காது. மேலும் பொறாமை இருந்தால், அது திருமண வாழ்க்கையின் அழிவுக்கு தான் வழிவகுக்கும்.

ஆளுமை

பெண்களுக்கு ஆளுமைத் திறன் இருப்பது நல்லது தான். ஆனால் கணவனை அல்லது காதலனை எப்போதும் தன் கட்டுப்பாட்டிற்குள் வைக்க நினைத்தால், அது கெடுதலைத் தான் விளைவிக்கும். மேலும் ஆண்களுக்கும் இந்த மாதிரியான பெண்களை சுத்தமாக பிடிக்காது. அதுமட்டுமின்றி இத்தகைய பெண்களுடன் நட்பைக் கூட வைத்துக் கொள்ளமாட்டார்கள்.

எப்போதுமே உடன் இருக்க வேண்டும்

எப்போதுதே தன்னுடன் இருக்க வேண்டும், எங்கு சென்றாலும் என்னுடன் தான் செல்ல வேண்டும் என்று நினைக்கும் பெண்ணாக இருந்தால், அத்தகைய குணம் கொண்ட பெண்ணை ஆண்கள் திருமணம் செய்து கொள்ள விரும்பமாட்டார்கள்.

பெற்றோர் செல்லமாக இருப்பது

பெற்றோர்களின் செல்லமாக இருப்பதில் எந்த ஒரு தவறும் இல்லை. ஆனால் திருமணத்திற்கு பின்னரும், பெற்றோர்களுக்கு அதிக முக்கியத்துவம் கொண்டு, கணவனை டீலில் விட்டால், அத்தகைய பெண்களையும் திருமணம் செய்து கொள்ள விரும்பமாட்டார்கள். அதற்காக பெற்றோர்களுக்கு முக்கியத்துவம் கொடுக்க வேண்டாம் என்று சொல்லவில்லை. கணவனுக்கு பெற்றோர்களுக்கு சமமான அளவில் முக்கியத்துவம் கொடுக்க வேண்டுமல்லவா!

அதிகமான டயட்

அழகிற்கு முக்கியத்துவம் கொடுப்பது நல்லது தான். அதற்காக உடல் எடை அதிகரிக்கக்கூடாது, அழகு பாழாகக்கூடாது என்று அளவுக்கு அதிகமாக டயட்டில் இருக்கும் பெண்களையும் ஆண்களுக்குப் பிடிக்காது. ஏனெனில் இத்தகைய பெண்கள் கணவருடன் வெளியே சென்றாலும், கணவன் ஆசையாக வாங்கிக் கொடுத்தால், வேண்டாம் என்று சொல்வார்கள்.

மாற்றம்

ஆண்களுக்கு தன் மனைவிக்கு பிடித்தவாறு மாற வேண்டும் என்ற ஆசை இருக்கும். ஆனால் அதை கட்டாயப்படுத்தி, இப்படி தான் இருக்க வேண்டுமென்று கட்டளையிட்டால், அத்தகைய பெண்களை அவர்களுக்கு பிடிக்காது. அத்தகைய பெண்களை திருமணம் செய்து கொள்ளவும் விரும்பமாட்டார்கள்.

சுயநலம்

சுயநலவாதியாக இருந்தால் யாருக்குமே பிடிக்காது. அதிலும் கணவனிடமும் அத்தகைய சுயநலத்தை வெளிப்படுத்தினால், பின் அது வாழ்விற்கே முற்றுப்புள்ளி வைத்துவிடும். எனவே கணவனிடம் மட்டுமின்றி, எப்போது பொதுநலத்துடன் பழக கற்றுக் கொள்ளுங்கள்.

சார்ந்து வாழ்தல்

தற்போதைய காலத்தில் ஆண்களுக்கு தன்னைச் சார்ந்து வாழும் பெண்களை விட, தன்னால் முடியும் என்று தைரியமாக வாழும் பெண்களைத் தான் பிடிக்கும். அதற்காக அளவுக்கு அதிகமான தைரியமும் இருக்கக்கூடாது. ஏனெனில் அதுவே ஆபத்தில் முடியும்.