இடையூறாக இருக்கும் பெற்றோர்களை சமாளிப்பதற்கான டிப்ஸ்....

ஒரு காதில் வாங்கி, மறு காதில் விடலாம்

கடவுள் இரண்டு காதுகள் கொடுத்தது எதற்காக தெரியுமா? நல்ல விஷயங்களை கேட்டு கொண்டு, கெட்ட விஷயங்களை மறு காதின் வழியாக விட தான். ஆகவே பெற்றோர்கள் ஏதேனும் அறிவுறை கூறும் போது, அப்போது பொறுமையாக கேட்டுக் கொண்டு, அவர்கள் சொன்ன நல்லதை கேட்டு, கெட்டதை மறந்துவிட வேண்டும்.

பணிவாக நடந்து, பின் சொல்ல வேண்டும்

பெற்றோர்கள் கோபமூட்டும் வகையில் அறிவுறுத்தும் போது, கோபப்பட்டு குரலை உணர்த்தி பேசாமல், அவர்களிடம் பணிவுடன் "நீங்கள் பேசுவது எரிச்சலூட்டுவதாக உள்ளது" என்று வெளிப்படையாகவும் பணிவுடனும் சொன்னால், பெற்றோர்கள் புரிந்து கொள்வார்கள்.

தனிப்பட்ட விருப்பத்தை கூற வேண்டும்

எப்போது பெற்றோர்கள், உங்களது விருப்பத்திற்கு எதிராக நடந்து, அவர்கள் விரும்பிய படி உங்கள் வாழ்க்கையை நடத்துகின்றனரோ, அப்போது அத்தகைய செயல்களுக்கு உடனே முற்றுப்புள்ளி வைக்க வேண்டும். அதற்கு பெற்றோர்களிடம் தங்களது விருப்பத்தை சொல்லி, "என் வாழ்க்கை எனக்கு பிடித்தவாறு இருக்க வேண்டும்" என்று ஆசைப்படுவதாகவும் வெளிப்படையாக சொல்ல வேண்டும்.

எதையும் குறுட்டுத்தனமாக நம்பக்கூடாது

பெற்றோர்களுக்கு எப்போதும் ஒருவித சுயநலம் இருக்கும். அது தன் மகன்/மகளை யாருக்கும் எளிதில் விட்டு தரமாட்டார்கள். அதுவும் வீட்டிற்கு வரும் மருமகன்/மருமகளை பிடிக்காவிட்டால், அவர்களைப் பற்றி விஷமாக கக்கி, மனதை மாற்ற நினைப்பார்கள். ஆனால் அப்போது மனம் மாறாமல், தெளிவாக உண்மையை தெரிந்து கொண்டு எதையும் நம்ப வேண்டும்.

உணர்ச்சிவசமாக பேசுவார்கள்

சில பெற்றோர்கள் உணர்ச்சசிவசமாக பேசி காரியத்தை சாதிப்பார்கள். அப்போது மன அழுத்தம் கொண்டு பெற்றோர்களுக்காக எதையும் செய்யாமல், வெளிப்படையாக அவர்களிடம் "இவ்வாறெல்லாம் செய்து காரியத்தை சாதிக்கலாம்" என்று நினைக்க வேண்டாம் என்று வெளிப்படையாக சொல்லி, அவர்களது புத்தியை மாற்றுங்கள். இல்லாவிட்டால், அவர்கள் உணர்ச்சிவசமாக பேசியே அனைத்திலும் வெற்றி பெறுவார்கள்.

வாழ்வில் முன்னேற்றம்

வாழ்வில் முன்னேற்றம் அடைந்தாலே, பெற்றோர்கள் நமது பேச்சுக்கும் மதிப்பு அளித்து, எதையும் ஒப்புக் கொள்வார்கள். எனவே அதற்கு வாழ்வில் முன்னேறுவதற்கான முயற்சியில் கவனம் செலுத்த வேண்டும்.

தனியாக இருப்பதே சிறந்தது

பெற்றோர்களுடன் எப்போதும் சந்தோஷமாகவும், ஆரோக்கியமான உறவுமுறையை பின்பற்ற வேண்டும் என்று நினைத்தால், வளர்ந்து பெரியவர்கள் ஆகும் போது, தனியாக சென்று விட வேண்டும். அது திருமணம் ஆனாலும் சரி, ஆகாவிட்டாலும் சரி. இதனால் எதையும் சுதந்திராமாக செய்யலாம்.

பெற்றோரை கவனிக்க வேண்டும்

என்ன தான் பெற்றோர்கள் கோபத்தை ஏற்படுத்தினாலும், அவர்கள் மீது இருக்கும் அக்கறையும் பாசமும் குறையக் கூடாது. எப்போதும் அவர்களை அனைத்து வகையிலும் சந்தோஷமாக வைத்துக் கொள்ள வேண்டும்.

மனம் விட்டு பேச வேண்டும்

பெற்றோரிடம் மனம் விட்டு பேசினால், எதற்கும் ஒரு நல்ல முடிவு கிடைக்கும். எனவே அவர்கள் உங்கள் சொந்த உணர்ச்சிகளில் குறுக்கிடும் போது, எரிச்சலாகவோ அல்லது கோபமூட்டுவதாகவோ இருந்தால், வெளிப்படையாக சொல்லிடவிட் வேண்டும். இதனால் இனிமேல் பெற்றோர்கள் சரியாக நடந்து கொள்வார்கள்.