தக்காளி கொத்தமல்லி சட்னி

Veg

oi-Maha

By Maha

Updated: Tuesday, November 12, 2013, 19:52 [IST]

சட்னியில் பல வெரைட்டிகள் உள்ளன. அத்தகைய வெரைட்டிகள் அனைத்தும் விருப்பத்திற்கு ஏற்றவாறு வந்தவையே. அதில் ஒன்று தான் தக்காளி கொத்தமல்லி சட்னி. இந்த சட்னி மிகவும் அருமையான சுவையில் இருக்கும். அதிலும் இட்லி, தோசை போன்றவற்றிற்கு சூப்பராக இருக்கும். பேச்சுலர்கள் கூட ட்ரை செய்யலாம்.

இங்கு அந்த தக்காளி கொத்தமல்லி சட்னியின் செய்முறை கொடுக்கப்பட்டுள்ளது. அதைப் பார்ப்போமா!!!

தேவையான பொருட்கள்:

தக்காளி - 2 (நறுக்கியது)
கொத்தமல்லி - 1/2 கப்
பச்சை மிளகாய் - 3
புளி - 1 சிறிய நெல்லிக்காய் அளவு
உளுத்தம் பருப்பு - 2 டேபிள் ஸ்பூன்
பெருங்காயத் தூள் - 1/4 டீஸ்பூன்
கடுகு - 1/2 டீஸ்பூன்
எண்ணெய் - 2 டீஸ்பூன்
உப்பு - தேவையான அளவு

செய்முறை:

முதலில் ஒரு வாணலியை அடுப்பில் வைத்து, 1 டீஸ்பூன் எண்ணெய் ஊற்றி காய்ந்ததும், உளுத்தம் பருப்பு போட்டு பொன்னிறமாக வறுத்து, பச்சை மிளகாய் சேர்த்து வதக்கி, புளியை சேர்த்து 2 நிமிடம் வதக்க வேண்டும்.

பின்னர் தக்காளி மற்றும் பெருங்காயத் தூள் சேர்த்து, தீயை குறைவில் வைத்து 2-3 நிமிடம் வதக்கி விட வேண்டும்.

பிறகு கொத்தமல்லியை போட்டு பிரட்டி, கொத்தமல்லி வதங்கியப் பின் இறக்கி குளிர வைக்க வேண்டும்.

கலவையானது குளிர்ந்ததும், அதனை மிக்ஸியில் போட்டு, தேவையான அளவு உப்பு சேர்த்து அரைத்து, ஒரு பௌலில் போட்டுக் கொள்ள வேண்டும்.

இறுதியில், கடுகை தாளித்து, அத்துடன் சேர்த்தால், சுவையான தக்காளி கொத்தமல்லி சட்னி ரெடி!!!