பூண்டு சட்னி ரெசிபி

இந்திய ரெசிபிக்களில் ஒன்று தான் சட்னி. இத்தகைய சட்னியில் எத்தனையோ வெரைட்டிகள் உள்ளன. அதில் இப்போது நாம் பார்க்க போவது ராஜஸ்தானின் பாரம்பரிய ரெசிபிக்களில் ஒன்றான பூண்டு சட்னியைத் தான்.

இந்த சட்னி செய்வது மிகவும் ஈஸி. அதேப் போல் பேச்சுலர்கள் செய்வதற்கு ஏற்றது. சரி, இப்போது அந்த பூண்டு சட்னி ரெசிபியை எப்படி செய்வதென்று பார்ப்போமா!!!

தேவையான பொருட்கள்:

பூண்டு பற்கள் - 1 கப்
இஞ்சி - 2 டீஸ்பூன்
மாங்காய் தூள் - 1 டீஸ்பூன்
உப்பு - 2 டீஸ்பூன்
மிளகாய் தூள் - 3 டீஸ்பூன்

செய்முறை:

மிக்ஸியில் பூண்டு பற்கள், இஞ்சி, மாங்காய் தூள், உப்பு மற்றும் மிளகாய் தூள் ஆகியவற்றை போட்டு, நன்கு மென்மையாக அரைத்தால், பூண்டு சட்னி ரெடி..!

இந்த சட்னியானது சாதம் மற்றும் சப்பாத்திக்கு மிகவும் அருமையாக இருக்கும்.