For Quick Alerts
ALLOW NOTIFICATIONS  
For Daily Alerts

வாழைப்பழ அப்பம்

By Maha
|

குழந்தைகளுக்கு மாலையில் ஸ்நாக்ஸ் ஏதாவது கொடுக்க நினைத்தால், கோதுமை மாவு மற்றும் வாழைப்பழம் கொண்டு செய்யப்படும் வாழைப்பழ அப்பம் செய்து கொடுங்கள். இது குழந்தைகள் விரும்பி சாப்பிடும் வகையில் இருப்பதோடு, அவர்களின் பசியை ஆற்றும். மேலும் இது வீட்டிற்கு விருந்தினர்கள் வந்தால் செய்து கொடுக்கும் அருமையான ஸ்நாக்ஸாகவும் இருக்கும்.

சரி, இப்போது அந்த வாழைப்பழ அப்பத்தை எப்படி செய்வதென்று பார்ப்போமா!!!

Wheat Flour Banana Appam

தேவையான பொருட்கள்:

கோதுமை மாவு - 1 கப்
வெல்லம் - 1/2 கப் (பொடித்தது)
அரிசி மாவு - 1 டேபிள் ஸ்பூன்
கனிந்த வாழைப்பழம் - 1
ஏலக்காய் பொடி - 1 சிட்டிகை
சமையல் சோடா - 1/4 டீஸ்பூன்
உப்பு - 1 சிட்டிகை
தண்ணீர் - தேவையான அளவு
எண்ணெய் - பொரிப்பதற்கு தேவையான அளவு

செய்முறை:

முதலில் ஒரு பாத்திரத்தில் 1/4 கப் தண்ணீர் ஊற்றி, அதில் வெல்லத்தைப் போட்டு அடுப்பில் வைத்து, வெல்லப் பாகு தயார் செய்து கொள்ள வேண்டும். பின் அதனை வடிகட்டிக் கொள்ள வேண்டும்.

பின்பு வாழைப்பழத்தை நன்கு மசித்துக் கொள்ள வேண்டும். பிறகு ஒரு பாத்திரத்தில் கோதுமை மாவு, அரிசி மாவு மற்றும் வாழைப்பழத்தை சேர்த்து, அத்துடன் காய்ச்சி வடிகட்டி வைத்துள்ள வெல்லப் பாகு மற்றும் உப்பு சேர்த்து, கொஞ்சம் கொஞ்சமாக தண்ணீர் ஊற்றி, சமையல் சோடா மற்றும் ஏலக்காய் பொடி சேர்த்து, ஓரளவு கெட்டியாக கலந்து கொள்ள வேண்டும்.

பின்னர் ஒரு வாணலியை அடுப்பில் வைத்து, அதில பொரிப்பதற்கு தேவையான அளவு எண்ணெய் ஊற்றி காய்ந்ததும், ஒரு கரண்டியில் மாவு எடுத்து, எண்ணெயில் ஊற்றி, பொன்னிறமாக பொரித்து எடுக்க வேண்டும்.

இப்படி அனைத்து மாவையும் எண்ணெயில் பொரித்து எடுத்தால், வாழைப்பழ அப்பம் ரெடி!!!

Image Courtesy: sharmispassions

English summary

Wheat Flour Banana Appam

Make a Delicious Wheat Flour Banana Appam using this simple recipe from Awesome Cuisine.
Story first published: Wednesday, December 3, 2014, 16:16 [IST]
Desktop Bottom Promotion