ஆம்லெட் ரைஸ்

சைவ உணவு வகைகளை இதுவரை பார்த்தோம். அப்படியே அசைவ உணவு வகைகளையும் ஒரு கை பார்ப்போம். முதலில் ஆம்லெட் ரைஸ்.

தேவையான பொருட்கள்:

250 கிராம் பிரியாணி அரிசி, 6 முட்டை, 1 மேசைக் கரண்டி நெய், 50 கிராம் வெங்காயம், 50 கிராம் கேரட், 2 குடை மிளகாய், 50 கிராம் கோஸ், கொஞ்சம் கொத்தமல்லி, கறிவேப்பிலை மற்றும் தேவையான அளவு உப்பு

செய்முறை:

முட்டையை அடுத்து அதனுடன் மிளகுத் தூள், உப்பு சேர்த்து கலக்கி வைத்துக் கொள்ளவும். தோசைக்கல்லை அடுப்பில் வைத்து, நெய் போட்டு காய்ந்ததும் முட்டை கலவையை தோசை போல் ஊற்றவும்.

இருபுறமும் பொன்னிறமாக வேக வைத்து எடுத்துக் கொள்ளவும். அதை விரல் நீள அகலத்திற்கு சிறு துண்டுகளாக வெட்டி எடுத்துக் கொள்ளவும். கேரட், கோஸ், குடமிளகாய் ஆகியவற்றை சிறுதுண்டுகளாக நறுக்கிக் கொள்ளவும். வெங்காயம், கொத்துமல்லியை பொடியாக நறுக்கவும்.

அடுப்பில் பாத்திரத்தை வைத்து அதில் நெய்யை ஊற்றி கேரட், கோஸ், குடமிளகாய் போட்டு புரட்டவும். நறுக்கிய வெங்காயம், கொத்துமல்லி, கறிவேப்பிலை சேர்த்து வதக்கவும். வேகவைத்த அரிசி சாதத்துடன் வதக்கி எடுத்ததையும், ஆம்லேட் துண்டுகளையும் சேர்த்து மெதுவாக கிளறி மூடி வைக்கவும்.

சில நிமிடங்கள் கழித்து சூடான ஆம்லேட் அரிசியை பறிமாறவும்.