Mango-Lime Granita Recipe : மேங்கோ கிரனிட்டா

கோடையில் மாம்பழ சீசன் என்பதால் மாம்பழங்கள் விலைக்குறைவில் கிடைக்கும். அதோடு மாம்பழம் பலருக்கும் விருப்பமான ஓர் பழம். மாம்பழ பிரியர்கள் மாம்பழங்களை எந்த வடிவில் கொடுத்தாலும் விரும்பி சாப்பிடுவார்கள். நீங்கள் மாம்பழத்தைக் கொண்டு ஒரு வித்தியாசமான டெசர்ட்டை சாப்பிட விரும்பினால், அதைக் கொண்டு மேங்கோ கிரனிட்டா செய்து சாப்பிடுங்கள்.

உங்களுக்கு மேங்கோ கிரனிட்டா எப்படி செய்வதென்று தெரிந்து கொள்ள வேண்டுமா? கீழே மேங்கோ கிரனிட்டா ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுஙகள்.

தேவையான பொருட்கள்:

* கனிந்த மாம்பழங்கள் - 2 (தோலுரித்து துண்டுகளாக்கப்பட்டது)

* சர்க்கரை - 1/2 கப்

* தண்ணீர் - 1/2 கப்

* எலுமிச்சை சாறு - 2 டேபிள் ஸ்பூன்

செய்முறை:

* முதலில் மாம்பழங்களை பிளெண்டரில் போட்டு நன்கு மென்மையாக அரைத்துக் கொள்ள வேண்டும்.

* பின் ஒரு சாஸ் பேனில் சர்க்கரை, எலுமிச்சை சாறு மற்றும் நீரை எடுத்து, அடுப்பில் வைத்து கொதிக்க வைக்க வேண்டும்.

* சர்க்கரை கரைந்ததும், அடுப்பை அணைத்துவிட வேண்டும்.

* பின்பு அதில் அரைத்த மாம்பழ கூழை சேர்த்து நன்கு கிளறி விட வேண்டும்.

* பிறகு அதை ஒரு பாத்திரத்தில் ஊற்றி ஃப்ரீசரில் 3-4 மணிநேரம் வைக்க வேண்டும்.

* பின் அதை வெளியே எடுத்து, முள்கரண்டியைக் கொண்டு கீறி விட்டு, பின் அதைப் பரிமாறினால், மேங்கோ கிரனிட்டா தயார்.

Image Courtesy: yummytummyaarthi