Latest Updates
-
வழக்கமான சாம்பார் வைக்காம இந்த மங்களூர் ஸ்டைல் சாம்பாரை வைச்சு பாருங்க - வித்தியாசமா சூப்பரா இருக்கும் -
விமானத்தில் பயணிக்கும் போது போனை ஏன் அவசியம் 'Airplane Mode'-ல் வைக்க சொல்றாங்க தெரியுமா? -
வெங்காயம் சேர்க்காத பூண்டு தக்காளி சட்னி - எப்படி செய்றதுன்னு பாத்து ட்ரை பண்ணுங்க.. -
நவம்பர் 18, 2026: இன்று இந்த 3 ராசிக்காரங்களுக்கு தொட்டதெல்லாம் வெற்றி கிடைக்கப்போகுதாம் -
சிம்ம ராசியில் கேது-செவ்வாய் கூட்டணி.. டிசம்பர் 05 வரை இந்த 3 ராசிக்காரங்க கவனமா இருக்கணும்.. -
செவ்வாய்-கேது இணைப்பால் ஜனவரி மாதம் வரை தோல்விகளையும், அவமானங்களையும் சந்திக்கப்போகும் 3 ராசிகள் இவங்கதான் -
சுரைக்காய் இருந்தா.. இப்படி ஒருவாட்டி மசாலா செய்யுங்க.. சப்பாத்திக்கு அல்டிமேட்டா இருக்கும்... -
சப்பாத்தி, பூரிக்கு கேரட்டை வைச்சு இந்த பக்குவத்தில் குருமா செஞ்சு பாருங்க - டேஸ்ட் வேற லெவலில் இருக்கும் -
பனியால் உதடு வெடிப்பை சந்திக்குறீங்களா? அப்ப இந்த இயற்கை வழிகளை ட்ரை பண்ணுங்க.. -
வீட்டில் டீ போடும்போது இந்த தவறுகளை தெரியமா கூட செஞ்சுராதீங்க - இல்லனா உங்க டீ வாயிலேயே வைக்கமுடியாது
கர்நாடகா ஸ்பெஷல் அக்கி ரொட்டியும், தக்காளி சட்னியும் - எப்படி செய்றதுன்னு பாத்து ட்ரை பண்ணுங்க..
Karnataka Special Akki Rotti With Tomato Chutney Recipe In Tamil: காலையில் ஒரே மாதிரியான டிபனை செய்து போரடித்துவிட்டதா? சற்று புதுமையான காலை டிபனை செய்ய நினைக்கிறீர்களா? அப்படியானால் கர்நாடகா ஸ்பெஷல் அக்கி ரொட்டியை செய்து, அதற்கு சைடு டிஷ்ஷாக தக்காளி சட்னியை செய்யுங்கள். இந்த டிபன் காம்போ செய்வதற்கு சுலபமாக இருப்பதோடு, சுவையாகவும் இருக்கும். முக்கியமாக ஒருமுறை இந்த டிபனை செய்தால், நிச்சயம் வாரம் ஒருமுறை இந்த டிபனை செய்வீர்கள்.

உங்களுக்கு இந்த கர்நாடகா ஸ்பெஷல் அக்கி ரொட்டியும், தக்காளி சட்னியும் எப்படி செய்வதென்று தெரிந்து கொள்ள வேண்டுமா? கீழே கர்நாடகா ஸ்பெஷல் அக்கி ரொட்டி, தக்காளி சட்னி ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
தக்காளி சட்னிக்கு...
* வரமிளகாய் - 4
* காஷ்மீரி வரமிளகாய் - 4
* உப்பு - சுவைக்கேற்ப
* பூண்டு - 10 பல்
* சின்ன வெங்காயம் - 1 கைப்பிடி
* தக்காளி - 3 (நறுக்கியது)
தாளிப்பதற்கு...
* நல்லெண்ணெய் - 4 டேபிள் ஸ்பூன்
* கடுகு - 1 டீஸ்பூன்
* உளுத்தம் பருப்பு - 1 டீஸ்பூன்
* கறிவேப்பிலை - 1 கொத்து
* பெருங்காயத் தூள் - சிறிது
* அரைத்த சட்னி
அக்கி ரொட்டிக்கு...
* பச்சரிசி மாவு - 1 1/4 கப்
* உப்பு - சுவைக்கேற்ப
* சீரகம் - 1 டீஸ்பூன்
* பச்சை மிளகாய் - 2
* கறிவேப்பிலை - 1 கொத்து
* வெங்காயம் - 1
* கேரட் - 1
* கொத்தமல்லி - 1 கைப்பிடி
* துருவிய தேங்காய் - 4 டேபிள் ஸ்பூன்
* தயிர் - 2 டேபிள் ஸ்பூன்
* தண்ணீர் - சிறிது
* எண்ணெய் - சிறிது
செய்முறை:
* முதலில் மிக்சர் ஜாரில் வரமிளகாய் மற்றும் காஷ்மீரி வரமிளகாயை
எடுத்துக் கொண்டு, சுவைக்கேற்ப உப்பு சேர்த்து நன்கு மென்மையாக
அரைத்துக் கொள்ள வேண்டும்.
* பின் அதில் பூண்டு, சின்ன வெங்காயம், தக்காளி சேர்த்து நன்கு
அரைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் சட்னி தாளிப்பதற்கு 4
டேபிள் ஸ்பூன் நல்லெண்ணெய் ஊற்றி சூடானதும், கடகு, உளுத்தம் பருப்பு,
கறிவேப்பிலை, பெருங்காயத் தூள் சேர்த்து தாளிக்க வேண்டும்.
* அதன் பின் அதில் அரைத்த சட்னியை சேர்த்து கிளறி, 5 நிமிடம் பச்சை
வாசனை போக கொதிக்க வைத்து இறக்கினால், தக்காளி சட்னி தயார்.
* பின்னர் ஒரு பாத்திரத்தில் அரிசி மாவு, சுவைக்கேற்ப உப்பு, சீரகம்
ஆகியவற்றை எடுத்துக் கொள்ள வேண்டும்.
* பிறகு அதில் பொடியாக நறுக்கிய பச்சை மிளகாய், வெங்காயம் சேர்த்து,
துருவிய 1 கேரட்டை சேர்க்க வேண்டும்.
* அடுத்து அதில் கொத்தமல்லி, துருவிய தேங்காய், புளிப்பில்லாத தயிர்
சேர்த்து முதலில் கைகளால் பிசைந்து விட வேண்டும்.
* பின் கொஞ்சம் கொஞ்சமாக நீரை தெளித்து, சப்பாத்தி மாவு பதத்திற்கு
பிசைந்து கொள்ள வேண்டும்.
* பின்பு ஒரு பட்டர் ஷீட் அல்லது வாழை இலையை எடுத்துக் கொள்ள
வேண்டும்.
* அதில் சிறிது எண்ணெய் தடவி, பிசைந்து வைத்துள்ள மாவை சிறிது எடுத்து
உருட்டி அதன் மேல் வைத்து, தட்டையாக தட்டிக் கொள்ள வேண்டும். பின்
ஆங்காங்கு விரலால் துளையிட வேண்டும். இதனால் நடுப்பகுதி நன்கு
வேகும்.
* இறுதியாக தோசைக்கல்லை அடுப்பில் வைத்து, கல் சூடானதும், தட்டி
வைத்துள்ளதை சேர்த்து எண்ணெய் ஊற்றி, முன்னும், பின்னும் பொன்னிறமாக
வேக வைத்து எடுத்தால், சுவையான அக்கி ரொட்டி தயார்.



Click it and Unblock the Notifications
