தீபாவளி ஸ்பெஷல் கர்நாடகா ஸ்டைல் நாட்டுக்கோழி குழம்பு ரெசிபி - இந்த மாதிரி செஞ்சு பாருங்க - செமயா இருக்கும்

Diwali Special Karnataka Nattukozhi Kuzhambu Recipe in Tamil: தீபாவளி வந்தாலே இட்லியுடன் ஏதாவது கறிக்குழம்பு சாப்பிட வேண்டுமென்பது எழுதப்படாத விதியாக மாறிவிட்டது. இந்த வருட தீபாவளிக்கு சிக்கன் அல்லது மட்டன் குழம்பு செய்யப்போறீங்களா? அப்படினா வழக்கமான குழம்பு செய்யாம கர்நாடகா ஸ்டைலில் ஒரு நாட்டுக்கோழி குழம்பை செஞ்சு பாருங்க. இந்த கர்நாடகா ஸ்டைல் நாட்டுக்கோழி குழம்பு இட்லி, தோசை, சாதம் என அனைத்துடனும் சேர்த்து சாப்பிட பிரமாதமாக இருக்கும்.

இந்த கர்நாடகா ஸ்டைல் நாட்டுக்கோழி குழம்பு செய்வதற்கு மிகவும் எளிதானது அதேசமயம் மிகவும் சுவையானது. ஒரே மாதிரியான சிக்க சாப்பிட்டு போரடித்தவர்களுக்கு தீபாவளியன்று இந்த வித்தியாசமான நாட்டுக்கோழி குழம்பை செய்து கொடுப்பது இந்த தீபாவளியை கூடுதல் ஸ்பெஷலானதாக மாற்றும்.

உங்களுக்கு இந்த கர்நாடகா ஸ்டைல் நாட்டுக்கோழி குழம்பை எப்படி செய்வதன்று தெரிந்து கொள்ளவேண்டுமா? கீழே கர்நாடகா ஸ்டைல் நாட்டுக்கோழி குழம்பு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

மேரினேட் செய்ய:

- நாட்டுக்கோழி - 500 கிராம்
- மிளகாய்த் தூள் - 1 ஸ்பூன்
- மஞ்சள் தூள் - 1/2 ஸ்பூன்
- மிளகுத் தூள் - 1/2 ஸ்பூன்
- தேவையான அளவு உப்பு

மசாலா அரைக்க:

- துருவிய தேங்காய் - 1/3 கப்
- இஞ்சி - 1 அங்குலத் துண்டு
- பூண்டு - 10 பற்கள்
- வெங்காயம் - 1/2 (நறுக்கியது)
- பச்சை மிளகாய் - 8
- மல்லி விதைகள் (தனியா) - 1 டீஸ்பூன்
- கிராம்பு - 5
- பட்டை - 1 இன்ச்
- வெந்தயம் - 1/8 டீஸ்பூன்
- சீரகம் - 1 டீஸ்பூன்
- சோம்பு - 1 டீஸ்பூன்
- கொத்தமல்லி இலைகள் - 2 டேபிள் ஸ்பூன்
- எண்ணெய் - 2 டீஸ்பூன்

தாளிக்க:

- பெரிய வெங்காயம் - 1 (நறுக்கியது)
- தக்காளி - 2 (நறுக்கியது)
- மஞ்சள் தூள் - 1/2 ஸ்பூன்
- உப்பு - தேவையான அளவு
- கறிவேப்பிலை - 2 கொத்து
- எண்ணெய் - 2 ஸ்பூன்

செய்முறை:

- நாட்டுக்கோழியை நன்றாகக் கழுவி, அதிலிருந்து வெளியேறும் நீர் முழுவதும் வரும் வரை சுத்தம் செய்யவும்.

- தண்ணீரை முழுமையாக வடித்துவிட்டு, மேரினேட் செய்ய வேண்டிய பொருட்களைச் சேர்த்துப் பிசைந்து ஊறவைக்கவும். இதை குறைந்தது ஒரு மணி நேரமாவது ஊறவைத்து ஃப்ரிட்ஜ்ஜில் வைக்க வேண்டும்.

- சிக்கனை ஊறவைத்து குளிர்சாதனப் பெட்டியில் வைத்திருந்தால், குழம்பு செய்யத் தொடங்குவதற்கு முன் அதை வெளியே எடுத்துச் சாதாரண வெப்பநிலைக்குக் கொண்டு வரவும்.

- ஒரு வாணலியைச் சூடாக்கி, அதில் எண்ணெயை ஊற்றி சூடாக்கவும். அதில் இஞ்சி, பூண்டு மற்றும் மசாலாப் பொருட்களைச் சேர்த்து, குறைந்த தீயில் ஒரு நிமிடம் வதக்கவும்.

- பின்னர் நறுக்கி வைத்துள்ள வெங்காயத்தைச் சேர்த்து, அது கண்ணாடிப் பதம் வரும் வரை வதக்கவும். அடுப்பை அணைத்துவிட்டு, துருவிய தேங்காய் மற்றும் கொத்தமல்லியைச் சேர்க்கவும்.

- அனைத்தையும் நன்றாகக் கலந்து, ஆறவிடவும். இந்த கலவையுடன் சிறிது தண்ணீர் சேர்த்து, மென்மையான விழுதாக அரைத்துக்கொள்ளவும்.

- ஒரு குக்கரை அடுப்பில் வைத்து எண்ணெயை ஊற்றி சூடாக்கி நறுக்கிய வெங்காயத்தைச் சேர்த்து, சிறிதளவு உப்பு தூவி, அது கண்ணாடி பதத்திற்கு மாறும் வரை வதக்கவும்.

- பின்னர் நறுக்கிய தக்காளி மற்றும் கறிவேப்பிலையைச் சேர்க்கவும். தக்காளி நன்றாக மசியும் வரை சமைக்கவும்.

- அதன்பின் ஊறவைத்த சிக்கனைச் சேர்த்து கிளறவும். வெங்காயம் தக்காளி விழுதுடன் நன்றாகக் கலந்து, கோழியிலிருந்து நீர் பிரியத் தொடங்கும் வரை 3-4 நிமிடங்கள் வதக்கவும்.

- பின்னர் மஞ்சள் தூள் மற்றும் உப்பு சேர்க்கவும். பின்னர் அரைத்த விழுதைச் சேர்த்து, ஒரு கப் தண்ணீர் சேர்த்துக் கிளறவும்.

- குக்கரை மூடி 5 விசில் வரும் வரை கொதிக்க விடவும். விசில் அடங்கியதும் குழம்பு கெட்டியாகி, எண்ணெய் மேலே மிதந்து வரும்.

- தேவைப்பட்டால் மேலும் சிறிது நேரம் கொதிக்க வைத்து அடுப்பை அணைத்துவிட்டு, நறுக்கிய கொத்தமல்லி இலைகள் தூவி இறக்கவும்.

- அவ்வளவுதான் தீபாவளி ஸ்பெஷல் கர்நாடகா ஸ்டைல் நாட்டுக்கோழி குழம்பு ரெடி!