1/2 கிலோ சிக்கன் வாங்குனா.. இந்த மாதிரி கிரேவி செய்யுங்க.. 3 வேளையும் வெச்சு சாப்பிடுவீங்க..

Recipes

oi-Maha Lakshmi S

Posted By: Maha Lakshmi S

Updated: Sunday, September 7, 2025, 8:38 [IST]

Chicken Gravy Recipe In Tamil: ஞாயிற்றுக் கிழமை வந்தாலே, அனைவரது வீட்டிலும் அசைவ உணவுகளை வாய்க்கு ருசியாக சமைத்து, பொறுமையாக ரசித்து ருசித்து சாப்பிட நினைப்போம். அதில் ஒவ்வொருவரும் ஒவ்வொரு விதமான இறைச்சியை வாங்கி வந்து சமைத்து சாப்பிட்டு மகிழ்வோம். அதுவும் உங்கள் வீட்டில் எப்போதும் சிக்கனை தான் வாங்கி சமைத்து சாப்பிடுவீர்களா?

எப்போதும் ஒரே சுவையில் தான் சைடு டிஷ் செய்து சாப்பிடுவீர்களா? அப்படியானால் ஒருமுறை கீழே கொடுக்கப்பட்டுள்ள சுவையில் சிக்கன் கிரேவியை செய்யுங்கள். இப்படி கிரேவியை செய்யும் போது மூன்று வேளையும் வைத்து சாப்பிடுவீர்கள். இந்த கிரேவி வீட்டில, தோசை, பிரியாணி என அனைட்ததுடனும் சாப்பிட அருமையாக இருக்கும்.

கு சிக்கன் கிரேவியை எப்படி செய்வதென்று தெரிந்து கொள்ள வேண்டுமா? கீழே சிக்கன் கிரேவி ரெசிபிடியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள்.

தேவையான பொருட்கள்:

ஊற வைப்பதற்கு...

* சிக்கன் - 1/2 கிலோ
* உப்பு - சுவைக்கேறப்
* மிளகாய் தூள் - 1 டீஸ்பூன்
* இஞ்சி பூண்டு பேஸ்ட் - 1 டேபிள் ஸ்பூன்
* தயிர் - 2 டேபிள் ஸ்பூன்
* மஞ்சள் தூள் - 1/2 டீஸ்பூன்

அரைப்பதற்கு...

* பட்டை - 1 துண்டு
* கிராம்பு - 3
* ஏலக்காய் - 1
* தேங்காய் - 1/4 மூடி
* சின்ன வெங்காயம் - 10
* முந்திரி - 10
* கசகசா - 1/2 டீஸ்பூன்
* மிளகு - 1 டேபிள் ஸ்பூன்
* சோம்பு - 1 டீஸ்பூன்
* சீரகம் - 1/2 டீஸ்பூன்

தாளிப்பதற்கு...

* எண்ணெய் - 3 டேபிள் ஸ்பூன்
* சோம்பு - 1 டீஸ்பூன்
* வெங்காயம் - 2 (பொடியாக நறுக்கியது)
* கறிவேப்பிலை - 1 கொத்து
* காஷ்மீரி மிளகாய் தூள் - 1 டீஸ்பூன்
* தக்காளி - 2 (பொடியாக நறுக்கியது)
* இஞ்சி பூண்டு பேஸ்ட் - 1 டேபிள் ஸ்பூன்
* மல்லித் தூள் - 2 டீஸ்பூன்
* உப்பு - சுவைக்கேற்ப
* தண்ணீர் - தேவையான அளவு
* கொத்தமல்லி - சிறிது

செய்முறை:

* முதலில் சிக்கனை நீரில் நன்கு கழுவிக் கொள்ள வேண்டும்.
* அதன் பின் முந்திரி மற்றும் கசகசாவை ஒரு கிண்ணத்தில் எடுத்து, சிறிது சுடுநீரை ஊற்றி, 10 நிமிடம் ஊற வைத்துக் கொள்ள வேண்டும்.
* பின் கழுவிய சிக்கனுடன் உப்பு, மிளகாய் தூள், இஞ்சி பூண்டு பேஸ்ட், மஞ்சள் தூள், தயிர் சேர்த்து நன்கு பிரட்டி, மூடி வைத்து 1/2 மணிநேரம் ஊற வைத்துக் கொள்ள வேண்டும்.
* பின்பு மிக்சர் ஜாரில் பட்டை, கிராம்பு, ஏலக்காய், தேங்காய், சின்ன வெங்காயம், ஊற வைத்த முந்திரி, கசகசா, மிளகு, சோம்பு, சீரகம் ஆகியவற்றை சேர்த்து நன்கு மென்மையாக அரைத்துக் கொள்ள வேண்டும்.
* பிறகு ஒரு குக்கரை அடுப்பில் வைத்து, அதில் 3 டேபிள் ஸ்பூன் எண்ணெய் ஊற்றி சூடானதும், சோம்பு சேர்த்து தாளிக்க வேண்டும்.
* பின்பு அதில் பொடியாக நறுக்கிய வெங்காயம் மற்றும் கறிவேப்பிலை சேர்த்து, வெங்காயத்தை பொன்னிறமாக வதக்க வேண்டும்.
* அடுத்து அதில் காஷ்மீரி மிளகாய் தூளை சேர்த்து சிறிது நேரம் வதக்க வேண்டும்.
* அதன் பின் அதில் தக்காளியை சேர்த்து 1 நிமிடம் வதக்கி, பின் இஞ்சி பூண்டு விழுதை சேர்த்து பச்சை வாசனை போக வதக்க வேண்டும்.
* தக்காளி நன்கு வதங்கியதும், அதில் மல்லித் தூள் மற்றும் சுவைக்கேற்ப உப்பு சேர்த்து நன்கு 1 நிமிடம் வதக்க வேண்டும்.
* அடுத்து அதில் ஊற வைத்துள்ள சிக்கனை சேர்த்து, நன்கு 3-4 நிமிடம் கிளறி விட வேண்டும்.
* பின்பு அதில் அரைத்த மசாலாவை சேர்த்து கிளறி, சிறிது நீரை ஊற்றி 3 நிமிடம் கிளறி விட்டு வேக வைக்க வேண்டும்.
* இறுதியாக குக்கரை மூடி வைத்து 3 விசில் விட்டு இறக்க வேண்டும்.
* விசில் போனதும் குக்கரைத் திறந்து, அதில் கொத்தமல்லியை தூவி கிளறினால், சுவையான சிக்கன் கிரேவி தயார்.