Just In
- 1 hr ago தோசை மாவு இல்லையா? வேர்க்கடலையை வெச்சு இப்படி தோசை சுடுங்க.. வேற லெவல் டேஸ்ட்ல இருக்கும்..
- 4 hrs ago Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- 9 hrs ago 18 ஆண்டுகளுக்கு பின் உருவாகியுள்ள அங்காரக யோகம்: ஜூன் வரை இந்த 3 ராசிக்காரங்க கவனமா இருக்கணும்...
- 10 hrs ago Garlic Peels: பூண்டின் தோலில் இவ்வளவு நன்மைகளா? என்னென்ன-ன்னு தெரிஞ்சா ஆச்சரியப்படுவீங்க..
Don't Miss
- News ஸ்டாலின் கேட்ட கேள்வி! மேஜையில் இருந்த உளவுத்துறை ரிப்போர்ட! 40ல் வெற்றி உறுதி.. ஆனா.. ஒரு சிக்கலாமே
- Technology TDS முழுசா வேணுமா? அப்போ உங்க PAN கார்டுல இது முக்கியம்.. உடனே செஞ்சிடுங்க.. Income Tax-ன் திடீர் உத்தரவு!
- Movies டெய்லர் ஸ்விஃப்டுடன் கச்சேரி நடத்தப் போகிறாரா ஏ.ஆர். ரஹ்மான்?.. அந்த விருது வேற கிடைச்சிருக்கே!
- Sports தோனி கிடையாது! இந்த 28 வயது வீரர் தான் மிகவும் அபாயகரமான வீரர்.. மேத்தீவ் ஹைடன் கருத்து
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
நாவூற செய்யும்... செட்டிநாடு மட்டன் சுக்கா வறுவல்
உங்கள் வீட்டிலேயே செட்டிநாடு ரெசிபிக்களை செய்ய விரும்புகிறீர்களா? அதிலும் செட்டிநாடு என்றாலே மட்டன் சுக்கா தான் நினைவிற்கு வரும். அந்த செட்டிநாடு மட்டன் சுக்கா வறுவல் ரெசிபியை வீட்டில் செய்ய வேண்டுமா?
உங்களுக்கு செட்டிநாடு ஸ்டைல் ரெசிபிக்கள் பிடிக்குமா? உங்கள் வீட்டிலேயே செட்டிநாடு ரெசிபிக்களை செய்ய விரும்புகிறீர்களா? அதிலும் செட்டிநாடு என்றாலே மட்டன் சுக்கா தான் நினைவிற்கு வரும். அந்த செட்டிநாடு மட்டன் சுக்கா வறுவல் ரெசிபியை வீட்டில் செய்ய வேண்டுமா? அப்படியானால் இக்கட்டுரை உங்களுக்கானது.
ஏனென்றால், கீழே செட்டிநாடு மட்டன் சுக்கா வறுவல் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள்.
தேவையான பொருட்கள்:
* எண்ணெய் - 1 டேபிள் ஸ்பூன்
* வெங்காயம் - 1 (பெரியது மற்றும் நறுக்கியது)
* தக்காளி - 4 (நறுக்கியது)
* பச்சை மிளகாய் - 1
* கறிவேப்பிலை - சிறிது
* தண்ணீர் - 1 கப்
ஊற வைப்பதற்கு...
* மட்டன் - 1/2 கிலோ
* இஞ்சி பூண்டு பேஸ்ட் - 1 டேபிள் ஸ்பூன்
* மஞ்சள் தூள் - 1 டீஸ்பூன்
* மல்லித் தூள் - 1 டீஸ்பூன்
* மிளகாய் தூள் - 1 டீஸ்பூன்
* கரம் மசாலா - 1 டீஸ்பூன்
* மிளகுத் தூள் - 1 டீஸ்பூன்
* உப்பு - தேவையான அளவு
அரைப்பதற்கு...
* தேங்காய் - 1/2 கப்
* கசகசா - 2 டேபிள் ஸ்பூன்
* சோம்பு - 1 டேபிள் ஸ்பூன்
தாளிப்பதற்கு...
* தேங்காய் எண்ணெய் - 3 டேபிள் ஸ்பூன்
* சோம்பு - 1 டீஸ்பூன்
* பட்டை - 1 துண்டு
* வெங்காயம் - 1 (நறுக்கியது)
* தக்காளி - 1 (நறுக்கியது)
* இஞ்சி பூண்டு பேஸ்ட் - 1 டேபிள் ஸ்பூன்
* கறிவேப்பிலை - சிறிது
* பச்சை மிளகாய் - 2 (நீளமாக கீறியது)
* மிளகாய் தூள் - 1 டீஸ்பூன்
* மிளகுத் தூள் - 1 டீஸ்பூன்
* மல்லித் தூள் - 1 டீஸ்பூன்
* கரம் மசாலா - 1 டீஸ்பூன்
* கொத்தமல்லி - சிறிது
செய்முறை:
* முதலில் மட்டனை நீரில் நன்கு கழுவிக் கொள்ள வேண்டும். பின் ஒரு பாத்திரத்தில் கழுவிய மட்டனைப் போட்டு, அதில் ஊற வைப்பதற்கு கொடுத்துள்ள பொருட்களை எல்லாம் சேர்த்து பிரட்டி, குறைந்தது 30 நிமிடம் ஊற வைக்க வேண்டும்.
* பின் மிக்ஸியில் அரைப்பதற்கு கொடுத்துள்ள பொருட்களைப் போட்டு சிறிது நீர் சேர்த்து நன்கு மென்மையாக அரைத்துக் கொள்ள வேண்டும்.
* அடுத்து ஒரு குக்கரை எடுத்து அடுப்பில் வைத்து சூடானதும், 1 டேபிள் ஸ்பூன் எண்ணெய் ஊற்றி காய்ந்ததும், வெங்காயம், பச்சை மிளகாய், கறிவேப்பிலை சேர்த்து வதக்கி, பின் ஊற வைத்துள்ள மட்டனையும் சேர்த்து கிளறி விட வேண்டும்.
* பின் ஒரு கப் நீரை ஊற்றி கிளறி விட்டு, குக்கரை மூடி 6-7 விசில் விட்டு இறக்க வேண்டும்.
* பிறகு ஒரு கடாயை அடுப்பில் வைத்து சூடானதும், தேங்காய் எண்ணெய் ஊற்றி சூடேற்ற வேண்டும்.
* பின்பு அதில் சோம்பு, பட்டை சேர்த்து தாளித்து, வெங்காயம், கறிவேப்பிலை, பச்சை மிளகாய், இஞ்சி பூண்டு பேஸ்ட் சேர்த்து 1 நிமிடம் வதக்க வேண்டும்.
* அதன் பின் தக்காளியை சேர்த்து நன்கு மென்மையாகும் வரை வதக்கவும். இப்போது குக்கரில் உள்ள மட்டனை அப்படியே கடாயில் சேர்த்து நன்கு கிளறி விட வேண்டும்.
* அடுத்து மிளகாய் தூள், மிளகுத் தூள், மல்லித் தூள், கரம் மசாலா சேர்த்து நன்கு கிளறி விட்டு, அரைத்து வைத்துள்ள தேங்காயையும் சேர்த்து கிளறி விட வேண்டும்.
* கிரேவியில் உள்ள நீர் வற்றி நன்கு கெட்டியாக ஆரம்பிக்கும் போது, அடுப்பை அணைத்துவிட்டு மேலே கொத்தமல்லியைத் தூவினால், செட்டிநாடு மட்டன் சுக்கா வறுவல் ரெடி!