கர்ப்ப காலத்தில் பசியை அதிகரிப்பதற்கான சில டிப்ஸ்...

குறைந்த அளவிலான உணவை உண்ணுங்கள்

கர்ப்ப காலத்தில் உங்கள் பசியை அதிகரிக்க நீங்கள் உங்கள் மனதில் முக்கியமாக நினைவில் வைத்துக் கொள்ள வேண்டிய முக்கியமான டிப்ஸ் இது. வயிற்றை நிரப்பும் அளவிற்கு உண்ணாமல் குறைந்த அளவில், இடைவேளை விட்டு உண்ணுங்கள்.

மிதமான உடற்பயிற்சி

கர்ப்ப காலத்தில் உடற்பயிற்சியில் ஈடுபட்டால் உங்கள் உடலுக்கு நன்மையை தருவதோடு உங்கள் பசியையும் அதிகரிக்கும். கர்ப்ப காலத்தில் உங்களுக்கு உடல் ரீதியான பிரச்சனை ஏற்பட்டு ஓய்வில் இருக்கும் சந்தர்ப்பம் ஏற்படலாம். அதனால் உடற்பயிற்சிக்கு செய்வதற்கு முன்பு உங்கள் மருத்துவரை அணுகி உடல் ரீதியாக உங்களால் அதனை மேற்கொள்ள முடியுமா என்பதை கலந்தாலோசித்துக் கொள்ளுங்கள்.

பிடித்ததை உண்ணுங்கள்

உங்கள் மனப்பான்மையினாலேயே உங்களுக்கு பசி குறைதல் ஏற்படும் வாய்ப்பு அதிகமாக உள்ளது. கர்ப்பமாக இருக்கும் காலத்தில் உணவுகளின் மீது தீராத நாட்டம் இருப்பது பொதுவான ஒன்று தான். விசேஷமாக எதையாவது உண்ண வேண்டும் என்ற ஆசை வந்தால் உண்ணுங்கள். இது உங்களை திருப்தி படுத்தி கர்ப்ப காலத்தில் உங்கள் பசியையும் அதிகரிக்கும்.

குமட்டல்களை சமாளிப்பது

கர்ப்பிணி பெண்கள் பலருக்கும் பசியின்மை ஏற்படுவதற்கு குமட்டல் மற்றும் வாந்தியும் ஒரு முக்கிய காரணமாக விளங்குகிறது. சில பெண்களுக்கு இப்பிரச்சனை கடைசி மூன்று மாதங்கள் வரை நீடிக்கும். அதனால் உங்களுக்கு ஏற்படும் குமட்டல் மற்றும் வாந்தியை சமாளித்து பசியை அதிகரித்திடுங்கள்.

யோகா

கர்ப்பமாக இருக்கும் நேரத்தில் பசியை அதிகரிக்க யோகா பயிற்சியை மேற்கொள்ளுங்கள். பசியை அதிகரிப்பதற்காகவே பல ஆசனங்கள் உள்ளது. இருப்பினும் ஒரு சிறந்த யோகா ஆசிரியிரிடம் முறையாக சென்று இப்பயிற்சியை மேற்கொள்ள மறந்து விடாதீர்கள்.

ஆரோக்கியமான நொறுக்குத் தீனிகள்

கர்ப்பமாக இருக்கும் போது ஆரோக்கியமான உணவை உண்ணுவது ஒரு சிறந்த ஐடியாவாகும். அதனால் உங்கள் உணவில் ஆரோக்கியமான நொறுக்குத் தீனிகளையும் சேர்த்துக் கொள்ளுங்கள். இது கர்ப்ப காலத்தில் உங்கள் பசியை அதிகரிக்க உதவும். அதற்கு காரணம் இது உங்கள் செரிமான அமைப்புக்கு ஊக்குவிக்கியாக இருந்து பசியை தூண்டும்.

ஜங்க் உணவை தவிர்க்கவும்

கர்ப்பமாக இருக்கும் நேரத்தில் ஜங்க் வகை உணவுகளை கண்டிப்பாக தவிர்க்க வேண்டும். உங்களுக்கும் உங்கள் வயிற்றில் இருக்கும் குழந்தைக்கும் ஜங்க் உணவுகள் நல்லதல்ல. மேலும் அது உங்கள் பசியை குறைத்து விடும். கர்ப்ப காலத்தில் ஜங்க் வகை உணவுகள் உண்ணுவதை தவிர்த்தால் உங்கள் பசி அதிகரிக்கும்.

புது உணவுகளை உண்ணுங்கள்

வழக்கமாக உண்ணும் உணவுகள் அலுப்பைத் தட்டினால் புதிதான ஏதாவது ஒன்றை முயற்சி செய்து பாருங்கள். உணவு ருசி மற்றும் வகை ஆகியவற்றில் மாற்றத்தை கொண்டு வந்தால் கண்டிப்பாக உங்கள் பசி அதிகரிக்கும். இருப்பினும் கர்ப்ப காலத்தில் ஆரோக்கியமாக உண்ண வேண்டியதை நினைவில் வைத்துக் கொள்ள வேண்டும்.