கர்ப்ப காலங்களில் உங்கள் மனைவி பதற்றமாக இருக்கிறாரா? இதைப் படிங்க முதல்ல...

ஆதரவும், பரிவும்

ஆதரவாக இருப்பதற்கும், பரிவுடன் இருப்பதற்கும் எல்லை ஒன்றும் கிடையாது. சில நேரங்களில் அவள் காரணமில்லாமல் கோபப்படலாம். எனினும், நீங்கள் தான் கவனமாக இருக்க வேண்டும் என்பதை உணர்வதும் மற்றும் அந்த 9 மாதங்களுக்கும் ஆதரவுடன் இருக்க வேண்டும் என்பதை உணர்வதும் முக்கியமான விஷயமாகும்.

செல்லமே செல்லமே!

கோபமாக இருக்கும் உங்கள் மனைவியை எதிர்கொள்ள இருக்கும் சிறந்த வழிகளில் ஒன்று உங்கள் மனைவியை கொஞ்சுவது தான். அவ்வப்போது அவளுக்கு சில பரிசுகளை வாங்கி கொடுங்கள். அதன் அளவு அல்லது விலையைப் பற்றி யோசிக்க வேண்டாம், இந்த பரிசுகள் நீங்கள் எப்பொழுதும் அவளைப் பற்றி யோசித்துக் கொண்டிருக்கிறீர்கள் என்று அவளுக்கு உணர்த்தும். வேலைக்கு போய்விட்டு வரும் போது பூ, சாக்லெட், ஸ்வீட் அல்லது காது வளையம் போன்று அவரைக் கவரும் பொருட்களை சஸ்பென்ஸாக வாங்கி கொடுங்கள்.

விரும்பியதை கொடுக்கவும்

ஆம்! அவளுக்கு எது பிடிக்கிறதோ அதனை கொடுங்கள். கர்ப்பமாக இருக்கும் பெண்களுக்கு, நீங்களே எதிர்பார்க்காத வித்தியாசமான ஆசைகள் வரும். இரவு 2 மணிக்கு அவள் சாக்லெட் கேட்டால், வாங்கி கொடுங்கள்! நீங்கள் முக்கியமான மீட்டிங்கில் இருக்கும் போது, மனைவி சைனீஸ் நூடுல்ஸ் கேட்டால், 'நோ' சொல்லாதீர்கள். வேண்டுமானால் சிறிது நேரம் கழித்து கண்டிப்பாக வாங்கி கொடுக்கவும்.

வசதியான கவனிப்பு

அவள் 9 மாதங்களுக்கு குழந்தையை சுமக்கிறாள் மற்றும் அதனால் தனியாக குழந்தையை சுமக்கிறோம் என்ற உணர்வு ஏற்படும். எனவே கர்ப்ப காலத்தில் அவளை சுமை தெரியாத வண்ணம், வசதியாக மற்றும் ஓய்வாக வைத்திருக்க வேண்டியது அவசியம். அவளை டின்னருக்கோ, பூங்காவில் நடப்பதற்கோ, வெளியில் உள்ள உணவகங்களுக்கோ அழைத்துச் சென்று அவள் விரும்பும் தின்பண்டத்தை வாங்கி கொடுங்கள். அவளுக்கு ஏற்ற வசதிகளை செய்து கொடுத்திருப்பதை உறுதி செய்யுங்கள்.

தேவை உறுதி

குழந்தை பிறக்கும் போது ஏற்படும் வலி பற்றி யோசித்துக் கொண்டு உங்கள் மனைவி பதட்டமாகவே இருப்பார். நீங்கள் ஒவ்வொரு முறையும், இவையெல்லாம் சரியாகி விடும், குணமடைந்து விடும் என்று இறுதி வரையிலும் அவளிடம் சொல்ல வேண்டும். நீங்கள் மனவுறுதி படைத்தவராக இருந்தால், உங்கள் மனைவியின் பிரசவ அறைக்குள் நீங்கள் இருப்பீர்கள் என்றும், பிரசவத்தின் போது அவளுடைய கைகளை ஆதரவாக பிடித்திருப்பீர்கள் என்றும் உறுதியாக சொல்லுங்கள்.