கர்ப்பிணிகள் பப்பாளி, அன்னாசி, திராட்சை சாப்பிடக்கூடாது.. ஏன் தெரியுமா?

கர்ப்ப காலம் என்பது பெண்களுக்கு ஒரு தவம் போன்றது. கர்ப்பமாக இருக்கும் பெண்கள் என்னவெல்லாம் செய்யலாம், செய்யக்கூடாது என அறிவுறுத்துவதைப் போலவே, கர்ப்பமாக இருக்கும் பெண்கள் எதை எல்லாம் சாப்பிட வேண்டும், எவற்றையெல்லாம் கட்டாயம் சாப்பிடக்கூடாது என்ற பட்டியலும் உள்ளது. கர்ப்ப காலத்தில் பெண்களுக்கு என்றுமே பிடிக்காத உணவை கூட சாப்பிட வேண்டும் என்ற ஆசை வரும், ஆனால் அதில் சில உணவுகளை தவிர்க்க வேண்டியது கட்டாயமாகிறது.

கர்ப்ப காலத்தில் நீங்கள் எடுக்கும் ஒவ்வொரு உணவும், வாழ்க்கை முறையும் குழந்தையின் வளர்ச்சியை பாதிக்கிறது. கர்ப்பிணிப் பெண்கள் கர்ப்ப காலத்தில் சில உணவுகளை உட்கொள்ள முடியாது. அவற்றில் பழங்கள் விலக்கப்படவில்லை. சில பழங்கள் கருவில் எதிர்மறையான விளைவை ஏற்படுத்தும். அதுமட்டுமின்றி கருச்சிதைவு ஏற்படுவதற்கான வாய்ப்புகளும் அதிகம். இந்த காரணத்திற்காக, சில பழங்களை சாப்பிட பரிந்துரைக்கப்படவில்லை.

ஆரோக்கியமான குழந்தையைப் பெற சில பழங்களை விட்டுவிட வேண்டும். அப்படி கர்ப்ப காலத்தில் பெண்கள் கட்டாயம் சாப்பிடக்கூடாத 3 பழங்கள் உள்ளது. அது பப்பாளி பழம், அன்னாசி பழம் மற்றும் கருப்பு திராட்சை. இந்த 3 பழங்களையும் கட்டாயமாக சாப்பிடக்கூடாது? என்று நிபுணர்கள் கூறுகின்றனர். அதற்கு காரணம் என்ன என்பதை பற்றி இந்த பதிவில் தெரிந்துக் கொள்ளலாம் வாங்க...

அன்னாசிப்பழம்

கர்ப்பிணிகள் அன்னாசிப்பழம் சாப்பிட வேண்டாம் என்று பெரியவர்கள் அறிவுறுத்துகிறார்கள். இது கருச்சிதைவுக்கு வழிவகுக்கும் என்று நம்பப்படுகிறது. ஆம், அன்னாசிப்பழத்தில் ப்ரோமைலைன் அதிகம் உள்ளது. மேலும், அன்னாசிப்பழம் சாப்பிடுவதால் கருப்பையில் கூர்மையான சுருக்கம் ஏற்படுகிறது. இது கருச்சிதைவுக்கு வழிவகுக்கும். Bromelain என்பது புரதத்தை உடைத்து, கருப்பையை மென்மையாக்கும் ஒரு நொதியாகும். கருச்சிதைவுக்கு வழிவகுக்கும். இந்த காரணத்திற்காக, கர்ப்ப காலத்தில் அன்னாசி பழத்தை உட்கொள்ளக்கூடாது.

பப்பாளி

அன்னாசிப்பழத்தைப் போலவே, பப்பாளியும் கருவில் இருக்கும் குழந்தைக்கு தீங்கு விளைவிக்கும். பப்பாளி நிறைய சத்துக்கள் கொண்ட ஒரு சுவையான பழம். ஆனால், இது கர்ப்பிணிகளுக்கு ஏற்ற பழம் அல்ல.
பப்பாளி உடல் வெப்பநிலையை அதிகரிக்கிறது. கர்ப்பிணிகள் கர்ப்ப காலத்தில் உடலுக்கு குளிர்ச்சி தரும் பழங்கள் மற்றும் உணவுகளை சாப்பிட வேண்டும். பப்பாளியில் உள்ள லேடெக்ஸ் கருப்பைச் சுருக்கம், ரத்தக்கசிவு மற்றும் கருச்சிதைவை ஏற்படுத்தும். அதுமட்டுமின்றி கருவின் வளர்ச்சியையும் பாதிக்கிறது.

கருப்பு திராட்சை

கர்ப்பிணிகள் கருப்பு திராட்சையை சாப்பிடலாமா என்ற ஆராய்ச்சி நடந்து கொண்டிருந்தாலும், கர்ப்ப காலத்தில் கருப்பு திராட்சையை தவிர்ப்பது நல்லது. பூச்சிக்கொல்லிகள் பெரும்பாலும் திராட்சையின் வளர்ச்சியில் பயன்படுத்தப்படுகின்றன. இது பிறக்காத குழந்தைக்கு தீங்கு விளைவிக்கும் என்று நம்பப்படுகிறது.

அப்படியானால், கர்ப்பிணிப் பெண்கள் என்னென்ன பழங்களை சாப்பிட வேண்டும்?

கர்ப்பிணி பெண்கள் ஆப்பிள்,ஆரஞ்சு, வாழைப்பழம், சிட்ரஸ் பழங்கள் தவிர புதிய பழச்சாறுகளை குடிக்கலாம். இது பிறக்கும் குழந்தைக்கு ஆரோக்கியமானது. பேஸ்டுரைஸ் செய்யப்பட்ட பழச்சாறுகளை குடிப்பது நல்லதல்ல. ஏனெனில் இது செரிமான நோய்களுக்கு வழிவகுக்கும், ஃபோலிக் அமிலம் கொண்ட வைட்டமின் சி ஜூஸை குடிக்கலாம். சர்க்கரை நோய் இருக்கும் கர்ப்பிணி பெண்கள் சர்க்கரை கலந்த பழச்சாறுகளுக்குப் பதிலாக புதிய பழங்களை உட்கொள்வது நல்லது.

மேலும் தாய்க்கும், குழந்தைக்கும் தேவையான வைட்டமின்கள், தாதுக்கள் மற்றும் நார்ச்சத்துகள் கிடைப்பதற்கு பருவகால பழங்கள் மற்றும் காய்கறிகளை உணவில் சேர்த்துக்கொள்ளலாம்...