பெண்களுக்கும் காண்டம் இருக்கா? அதை அணிந்து உறவு கொண்டால் சுகம் கூடுமா குறையுமா?

விலை

ஆண்களுக்கான காண்டம் உடன் ஒப்பிடும் போது, பெண்களுக்கான காண்டத்தின் விலை அதிகம் ஆகும். பெண்களுக்கான காண்டம் தயாரிப்பில் அதிக பொருட்கள் பயன்படுத்தப்படுவதே இதற்கான முக்கிய காரணம் ஆகும்.

தோல்வி விகிதம் அதிகம்

ஆண்களுக்கான காண்டம் உடன் ஒப்பிடும் போது, பெண்களுக்கான காண்டத்தின் தோல்வி விகிதம் அதிகம் ஆகும். உடலுறவின் போது, தொடர்ந்து அதை சீர்ப்படுத்தி கொண்டே இருக்க வேண்டியுள்ளது. பெண்களுக்கான காண்டத்தின் திறனை மேம்படுத்த, இரண்டாவது வகை கருத்தடுப்பு முறையை பயன்படுத்த வேண்டியுள்ளது. இதில் ஸ்பேர்மிசிடல் நுரை, டையஃபிரம் அல்லது விந்து வெளியேறும் முன் வெளியே எடுப்பது உள்ளிட்ட கருத்தடுப்பு முறைகளை கூறலாம்.

செக்ஸ் உணர்வில் குறுக்கீடு

ஆண்களுக்கான காண்டம்களில் ஏற்படுவது போல, பெண்களுக்கான காண்டத்தை பயன்படுத்தும் போதும், கலவி இன்பத்திற்கு குறுக்கீடாக அமைகிறது. குழந்தை கட்டுப்பாடு அல்லது பாதுகாப்பான உடலுறவிற்கு உதவுவதாக இந்த முறையை பழக்கப்படுத்தி கொள்வது, பெரிய கஷ்டமான ஒன்றாக ஆண்களுக்கு தெரிய வாய்ப்புள்ளது. இவையெல்லாம் சேர்ந்து செக்ஸ் உணர்வுகளுக்கு குறுக்கீடாக அமைந்து விடுகிறது.

கிடைக்கும் தன்மை

ஆண்களுக்கான காண்டம் கிடைப்பது போல, பெண்களுக்கான காண்டத்தை அவ்வளவு எளிதாக பெற முடிவதில்லை. எல்லா மருந்து கடைகளிலும் இவற்றை விற்பனை வைப்பது இல்லை. ஆன்லைன் ஸ்டோர்களில் இருந்து ஒன்றை வாங்க வேண்டிய நிலை கூட ஏற்படலாம்.

பழக்கம் இல்லாத ஒன்று

ஆண்களுக்கான காண்டத்தை பயன்படுத்தி பழகியது போல, பெரும்பாலான பெண்களுக்கு இதை பயன்படுத்தி பழக்கம் இல்லை. இதை பயன்படுத்தும் போது ஏற்படும் அதிக வெப்பத்தை பழக்க வேண்டியுள்ளது. உண்மைான உடலுறவில் பயன்படுத்தும் முன், இதை எப்படி பயன்படுத்துவது என்பதை அறிந்து கொள்ள வேண்டியது மிகவும் முக்கியமாகும்.

தோற்றம்

பெண்களுக்கான காண்டத்தின் தோற்றம் சிலருக்கு பெரியதாக இருப்பது போல தெரிகிறது. உடலுறவு கொள்ள தயாராகும் ஆண்கள் மற்றும் பெண்களுக்கு, பெண்ணுறுப்பு அல்லது மலத்துவாரத்தின் வெளியே பெரிய அளவிலான பிளாஸ்டிக் வட்டம் தொங்கி கொண்டிருப்பதை அவர்கள் விரும்புவது இல்லை. பெண்களுக்கான காண்டத்தின் அளவு மற்றொரு பிரச்சனையாக உள்ளது. இதனால் இதை பொதுவாக எடுத்து செல்லவோ, அப்புறப்படுத்துவதோ சிரமமாக உள்ளது.

பயன்படுத்தும் முறை

இதை பயன்படுத்துவதில் உள்ள மிகப்பெரிய சிக்கல் என்னவென்றால், இதை பெண்ணுறுப்பிற்கு சொருக வேண்டியுள்ளது. இதை சரியாக செய்யும் வகையில், உடலுறுப்புகளைக் குறித்த தெளிவு பெண்களுக்கு இருப்பதில்லை. இதனால் பெண்ணுறுப்பிற்குள் சொருகுவதும், அதை பராமரிப்பதும் மிகப்பெரிய சவாலான காரியமாக உள்ளது. இது தவிர, இந்த காண்டம் பெண்ணுறுப்பிற்குள் சென்று விடவும் வாய்ப்புகள் அதிகம். இது மிகவும் அசவுகரியமான ஒன்றாக தெரிகிறது.

பெண்களுக்கான காண்டம் பயன்படுத்துவதில் மேற்கண்ட பாதகங்கள் மிகவும் சிக்கலானவை என்பதோடு, அதை பயன்படுத்தும் போது, மிகவும் கவனமாக செயல்பட வேண்டியுள்ளது. இதை வாங்கி பயன்படுத்தும் முன், அதை குறித்து நன்கு அறிந்து வைத்திருப்பது நல்லது என்று பரிந்துரைக்கப்படுகிறது.