இந்தியாவில் வாழும் முஸ்லீம்கள் பற்றிய இந்த சுவாரஸ்ய தகவல்கள் உங்களுக்குத் தெரியுமா?

இரண்டாவது பெரிய மதம்

இந்தியாவில் பல்வேறு மதங்கள் பின்பற்றப்பட்டாலும் இந்து மதத்திற்கு அடுத்த இடத்தில் இஸ்லாம்தான் உள்ளது. இந்தியாவின் மொத்த மக்கள் தொகையில் 15 சதவீதம் இஸ்லாமிய மக்கள் உள்ளனர், 2018 ஆம் கணக்கீட்டின் படி 20 கோடியே 10 இலட்சம் முஸ்லீம் மக்கள் இந்தியாவில் உள்ளனர். உலகில் இருக்கும் மொத்தம் முஸ்லீம் மக்களில் 11 சதவீத்தினர் இந்தியாவில்தான் உள்ளனர். மத்திய கிழக்கு நாடுகளில் இருக்கும் மொத்த முஸ்லீம் மக்களை விட இது அதிகமாகும்.

காஷ்மீர்

இந்த ஆண்டு நிலவரப்படி, ஜம்மு-காஷ்மீர் மற்றும் லட்சத்தீவு தீவில் முஸ்லிம்கள் பெரும்பான்மையாக உள்ளனர். 110 சிறுபான்மை செறிவுள்ள மாவட்டங்களில், மக்கள்தொகையில் குறைந்தது ஐந்தில் ஒரு பகுதியினர் முஸ்லிம் மக்களாக உள்ளனர்.

அதிக கருவுறுதல் வீதம்

இந்தியாவில் உள்ள முஸ்லிம்கள் நாட்டின் பிற மத சமூகங்களுடன் ஒப்பிடும்போது மிக அதிகமான மொத்த கருவுறுதல் வீதத்தைகொண்டுள்ளனர். அதிக பிறப்பு விகிதம் இருப்பதால், இந்தியாவில் முஸ்லிம்களின் சதவீதம் 1951 இல் சுமார் 10% ஆக இருந்தது, 2013 க்குள் 14.4% ஆக உயர்ந்துள்ளது.

தலைவர்கள்

சுதந்திர இந்தியாவை ஆண்ட 14 ஜனாதிபதிகளில் மூன்று பேர் முஸ்லீம்கள் ஆவர். அவர்கள் மூன்று பேர் முஸ்லிம்கள் - ஜாகிர் உசேன், ஃபக்ருதீன் அலி அகமது மற்றும் நம் அனைவருக்கும் பிடித்த டாக்டர். ஏ.பி.ஜே. அப்துல் கலாம்.மேலும் இஸ்லாமிய சகோதரர்கள் அரசின் பல உயர் பதவிகளில் இருந்துள்ளனர்.

நாட்டின் பிரதிநிதித்துவம்

இந்திய ஆயுதப் படைகளில் முஸ்லிம்கள் அதிக பிரதிநிதித்துவதை பெற்றுள்ளனர், , பல இந்திய இராணுவ முஸ்லீம் பணியாளர்கள் தேசத்திற்கு துணிச்சலான சேவைக்காக பல விருதுகளையும் உயர் பதவிகளையும் பெற்றுள்ளனர். 1971 ஆம் ஆண்டு இந்திய-பாகிஸ்தான் போரின்போது விமானத் தளபதி மார்ஷல் இத்ரிஸ் ஹசன் லத்தீப் விமானப் பணியாளர்களின் துணைத் தலைவராக இருந்தார், பின்னர் 1973 முதல் 1976 வரை இந்திய விமானப்படையின் விமான ஊழியர்களின் தலைவராக பணியாற்றினார்.

மத பிரதிநிதித்துவம்

ஜார்ஜ்டவுன் பல்கலைக்கழகத்தின் மிகவும் செல்வாக்கு மிக்க முஸ்லிம்களின் பட்டியலில் அஹ்லே சுன்னத் சூஃபி தலைவர் ஹஸ்ரத் சையத் முஹம்மது, அமீன் மியான் கவுத்ரி மற்றும் அபூபாக்கர் அஹ்மத் முஸ்லியார் ஆகியோர் சேர்க்கப்பட்டுள்ளனர். தெற்காசியாவில் பயங்கரவாதத்திற்கு எதிரான இயக்கத்தை ஆரம்பித்ததற்காக ஜாமியத் உலமா-இ-ஹிந்தின் தலைவரும் எம்.பி.யுமான மஹ்மூத் மதானி 36 வது இடத்தைப் பிடித்தார். இந்த பட்டியலில் சையத் அமீன் மியான் 44 வது இடத்தில் உள்ளார்.

இந்தியாவிற்கு வெளியே

இஸ்லாமிய மாநாட்டின் அமைப்பின் (OIC) உறுப்பு நாடுகளுக்கு வெளியே முஸ்லிம்களின் மிகப்பெரிய எண்ணிக்கை இந்தியாவில் உள்ளது மற்றும் இது உலகின் இரண்டாவது பெரிய விகிதமாகும். முதல் இடத்தில் இந்தோனேசியா உள்ளது.

இந்திய மாநிலங்கள்

இந்திய மாநிலங்களின் மக்கள்தொகையை பொறுத்தவரை அசாமில் 34 சதவீதமும், இலட்சத்தீவில் 96 சதவீதமும், மேற்கு வங்கத்தில் 27 சதவீதமும், கேரளாவில் 27 சதவீதமும் முஸ்லீம் மக்கள் மக்கள் வசிக்கின்றனர்.

அதிக எண்ணிக்கையிலான மசூதிகள்

இந்தியாவில் 300,000 மசூதிகள் உள்ளன. இது ஒரு மதிப்பீட்டின்படி, பாகிஸ்தானை விட இரண்டு மடங்கு அதிகம். ஐக்கிய அரபு எமிரேட்ஸ் 1418 மற்றும் பங்களாதேஷ் 6,000 க்கு அருகில் உள்ளது.