Shani Asta 2022: சனி அஸ்தமனத்தால் 33 நாட்கள் இந்த 4 ராசிக்காரங்க அதிகமா கஷ்டப்பட போறாங்க.. உஷார்...

கடகம்

சனி அஸ்தமனத்தால் கடக ராசிக்காரர்கள் சில சிரமங்களை சந்திக்க நேரிடும். வேலை செய்பவர்கள் மிகுந்த மன அழுத்தத்திற்கு ஆளாவார்கள். பணியிடத்தில் உயர் அதிகாரிகளுடன் ஏற்பட்ட மனக்கசப்பால், உங்களால் வேலை செய்ய முடியாது. இந்த காலத்தில் பண இழப்பிற்கான வாய்ப்புக்களும் உள்ளன. மேலும் கவனக் குறைவால் சில கடுமையான விளைவுகளையும் காணலாம்.

மிதுனம்

சனி அஸ்தமனம் மிதுன ராசிக்காரர்களுக்கு மிகுந்த வேதனையை தரும். இக்காலத்தில் உங்கள் வேலையில் ஏற்படும் தொடர்ச்சியான தோல்வியால் மிகுந்த மனம் வருத்தத்துடன் இருப்பீர்கள். ஏற்கனவே மிதுன ராசிக்காரர்கள் சனியின் தாக்கத்தை எதிர்கொண்டு வருகிறார்கள். எனவே இக்காலத்தில் ஆரோக்கிய பிரச்சனைகளை சந்திப்பார்கள். அதிகமாக பணத்தை செலவழிப்பதால் வாழ்க்கைத் துணையுடன் சண்டை ஏற்படலாம். இக்காலத்தில் கடன் கொடுப்பது அவஸ்தைப்பட வைக்கும். உத்தியோகத்தில் பிரச்சனை ஏற்படலாம். வியாபாரிகளுக்கு இந்த 33 நாட்கள் சிறப்பாக இருக்காது.

கன்னி

33 நாட்கள் சனி அஸ்தமனமாவதால், கன்னி ராசிக்காரர்களுக்கு இது மிகவும் மோசமான காலமாக இருக்கும். இக்காலத்தில் எந்த வேலையையும் செய்ய மனம் வராது. ஆரோக்கியத்தில் பிரச்சனை ஏற்படும். சிறு வெற்றியை காணவும் கடினமாக உழைக்க வேண்டியிருக்கும். தந்தையுடனான தகராறு காரணமாக வீட்டுச் சூழல் மோசமாக இருக்கும். அதோடு உங்களால் எந்த வேலையையும் முழு மனதுடன் செய்ய முடியாமல் அவதிப்படுவீர்கள்.

துலாம்

சனி அஸ்தமனம் துலாம் ராசிக்காரர்களுக்கும் மோசமான பலன்களைத் தரும். இக்காலத்தில் குடும்பம் மற்றும் தொழிலில், விவாதங்கள் அதிகரிப்பதால் மனதில் கவலைகள் அதிகரிக்கும். சட்ட சிக்கல்களில் சிக்கிக் கொள்ள வாய்ப்புள்ளது. இதன் காரணமாக பல மனநல பிரச்சனைகளையும் சந்திக்க நேரிடும். பணியிடத்தில் உயர் அதிகாரிகளுடன் கருத்து வேறுபாடுகள் ஏற்பட வாய்ப்புள்ளது. அதனால் கொஞ்சம் கவனமாக இருங்கள். உங்களுக்கு உடல்நலக் குறைபாடுகள் ஏற்படுவதற்கான வாய்ப்புகளும் அதிகம்.