2023 சனிப்பெயர்ச்சி: 2025 வரை இந்த 4 ராசிக்கு அதிர்ஷ்டமானதா இருக்கும்.. உங்க ராசி இதுல இருக்கா?

தனுசு

2023 சனிப்பெயர்ச்சியால் தனுசு ராசிக்காரர்கள் ஏழரை சனியில் இருந்து விடுபடுகிறார்கள். சனி தனுசு ராசியின் 3 ஆவது வீட்டிற்கு செல்கிறார். இது செல்வத்தின் வீடாகும். எனவே இக்காலத்தில் வெளிநாட்டுடன் தொடர்புடைய வணிகம் செய்பவர்கள் அல்லது வெளிநாடு சென்று சம்பாதிக்க விரும்புவோருக்கு நற்பலன்கள் கிடைக்கும். வேலை செய்பவர்களுக்கு இந்த சனிப்பெயர்ச்சிக்கு பின் அற்புதமானதாக இருக்கும். உங்களின் தன்னம்பிக்கை மற்றும் தைரியம் அதிகரிக்கும்.

மகரம்

மகர ராசியின் 2 ஆவது வீட்டிற்கு சனி செல்கிறார். இதனால் இந்த ராசிக்காரர்களுக்கு ஏழரை சனியின் மூன்றாவது அல்லது கடைசி கட்டம் தொடங்குகிறது. கடைசி கட்டம் என்பதால், மகர ராசிக்காரர்களுக்கு சனி பகவான் நற்பலன்களை வாரி வழங்குவார். குறிப்பாக நிதி ரீதியாக வலுவாக இருப்பீர்கள். ஆனால் குடும்பத்தில் கருத்து வேறுபாடுகள் வர வாய்ப்புள்ளது. திருமணமாகாதவர்களுக்கு திருமணம் நடக்க வாய்ப்புள்ளது. வேலை தேடிக் கொண்டிருப்பவர்களுக்கு நல்ல வேலை வாய்ப்புகள் கிடைக்கும்.

கும்பம்

கும்ப ராசியின் முதல் வீட்டிற்கு சனி செல்கிறார். இதனால் கும்ப ராசிக்காரர்களுக்கு ஏழரை சனியின் 2 ஆவது கட்டம் தொடங்குகிறது. முக்கியமாக கும்ப ராசி சனி பகவானுக்கு மிகவும் பிடித்த ராசியாகும். எனவே சனி பகவான் கும்ப ராசிக்காரர்களுக்கு நற்பலன்களை வழங்குவார். இந்த பெயர்ச்சியின் போது சச ராஜயோகம் உருவாவதால், கும்ப ராசிக்காரர்களின் மரியாதை சமூகத்தில் அதிகரிக்கும். எடுத்த காரியங்களில் வெற்றி கிடைக்கும். அரசியலில் இருப்பவர்கள் தேர்தலில் நின்றால் வெற்றி பெறுவார்கள்.

மிதுனம்

மிதுன ராசியின் 9 ஆவது வீட்டிற்கு சனி செல்கிறார். இதனால் மிதுன ராசிக்காரர்கள் அஷ்டம சனியில் இருந்து விடுபடுகிறார்கள். இதுவரை படாதபாடு பட்ட மிதுன ராசிக்காரர்களுக்கு இனி வரும் காலம் பொற்காலமாக இருக்கும். அதிர்ஷ்டத்தின் ஆதரவு கிடைக்கும். வேலையில் வெற்றி கிடைக்கும். ஆன்மீகத்தில் ஆர்வம் அதிகரிக்கும். வீட்டில் யாரேனும் உடல்நலக் குறைவால் மோசமான நிலையில் இருந்தால், அவர்கள் இனி நன்றாக இருப்பார்கள். உங்களின் ஆரோக்கியம் மேம்படும். உங்கள் தந்தையுடனான உறவு வலுவாக இருக்கும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)