ஏப்ரல் மாதத்தில் 9 கிரகங்கள் ராசியை மாற்றுவதால் இந்த 7 ராசிக்காரங்க ரொம்ப கவனமா இருக்கணும் தெரியுமா?

செவ்வாய் பெயர்ச்சி 2022

கிரகங்களின் தளபதியாக கருதப்படும் செவ்வாய் ஏப்ரல் மாதத்தில் முதன்முதலாக ராசியை மாற்றவுள்ளார். ஏற்கனவே மகர ராசியில் பயணித்து வரும் செவ்வாய், 2022 ஏப்ரல் 07 ஆம் தேதி சனி பகவான் ஆளும் கும்ப ராசிக்கு செல்கிறார். இப்பெயர்ச்சியால் மேஷம் மற்றும் விருச்சிக ரசிக்காரர்கள் சற்று சிறப்பு கவனம் செலுத்த வேண்டும்.

புதன் பெயர்ச்சி 2022

புத்தி மற்றும் பேச்சின் கடவுளாக கருதப்படுபவர் புதன். இதுவரை மீன ராசியில் பயணித்து வரும் புதன் மேஷ ராசிக்கு 2022 ஏப்ரல் 08 ஆம் தேதி இடம் பெயரள்ளார். புதன் மிதுனம் மற்றும் கன்னி ராசியின் அதிபதியாவார். ஆகவே இந்த இரண்டு ராசிக்காரர்களும் பணம் மற்றும் ஆரோக்கிய விஷயத்தில் சற்று கவனமாக இருக்க வேண்டும்.

ராகு பெயர்ச்சி 2022

நிழல் கிரகமான ராகு 2022 ஏப்ரல் 12 ஆம் தேதி ரிஷப ராசியில் இருந்து மேஷ ராசிக்கு இடம் மாறுகிறார். சுமார் 18 1/2 ஆண்டுகளுக்கு பிறகு ராகு மேஷ ராசிக்கு வருகிறார். தீய கிரகமாக கருதப்படும் ராகு, இந்த மேஷ ராசியில் சுமார் 1 1/2 ஆண்டுகள் இருப்பார்.

கேது பெயர்ச்சி 2022

மற்றொரு நிழல் கிரகமான கேது 2022 ஏப்ரல் 12 ஆம் தேதி ராசியை மாற்றவுள்ளார். தற்போது கேது விருச்சிக ராசியில் பயணித்து வருகிறார். இவர் ஏப்ரல் 12 ஆம் தேதி துலாம் ராசிக்கு இடம் மாறுகிறார். நிழல் கிரகமான கேது ஒரு மர்மமான கிரகமாக கருதப்படுகிறது.

குரு பெயர்ச்சி 2022

நவகிரகங்களில் மங்களகரமான கிரகமாக கருதப்படும் குரு பகவான் தற்போது கும்ப ராசியில் பயணித்து வருகிறார். இவர் 2022 ஏப்ரல் 13 ஆம் தேதி கும்ப ராசியில் இருந்து மீன ராசிக்கு இடம் மாறுகிறார். இப்பெயர்ச்சியின் ஒரு சிறப்பு என்னவென்றால் குரு பகவான் தான் ஆளும் மீன ராசிக்கு செல்வது தான். இந்த குரு பெயர்ச்சியால் தனுசு மற்றும் மீன ராசிக்காரரகள் சிறப்பான பலன்களைப் பெறுவார்கள்.

சூரிய பெயர்ச்சி 2022

இதுவரை மீன ராசியில் பயணித்து வரும் சூரியன் 2022 ஏப்ரல் 14 ஆம் தேதி செவ்வாய் ஆளும் மேஷ ராசிக்கு செல்கிறார். இந்த சூரிய பெயர்ச்சி சிறப்பு வாய்ந்ததாக கருதப்படுகிறது. ஏனெனில் ஜோதிட சாஸ்திரத்தில் சூரியன் கிரகங்களின் ராஜாவாகவும், செவ்வாய் கிரகங்களின் தளபதியாகவும் கருதப்படுகிறது. இந்த சூரிய பெயர்ச்சி காலத்தில் சிம்ம ராசிக்காரர்கள் சற்று கவனமாக இருக்க வேண்டும்.

புதன் பெயர்ச்சி 2022

2022 ஏப்ரல் 25 ஆம் தேதி புதன் சுக்கிரன் ஆளும் ரிஷப ராசிக்கு இடம் மாறுகிறார். இதனால் இப்பெயர்ச்சி காலத்தில் ரிஷபம் மற்றும் துலாம் ராசிக்காரர்கள் கல்வி, வேலை மற்றும் வியாபாரம் போன்றவற்றில் வெற்றி பெற கடினமாக உழைக்க வேண்டியிருக்கும்.

சுக்கிர பெயர்ச்சி 2022

ஆடம்பர வாழ்க்கையின் காரணியான சுக்கிரன் 2022 ஏப்ரல் 27 ஆம் தேதி கும்ப ராசியில் இருந்து குரு ஆளும் மீன ராசிக்கு செல்கிறார். இப்பெயர்ச்சியால் மிதுனம், கன்னி மற்றும் தனுசு ராசிக்காரர்கள் பண விஷயத்தில் கவனமாக இருக்க வேண்டும்.

சனி பெயர்ச்சி 2022

நவகிரகங்களில் நீதிமான் என்று அழைக்கப்படும் சனி பகவான் 2022 ஏப்ரல் 29 அம் தேதி கும்ப ராசிக்கு இடம் மாறுகிறார். கும்ப ராசி சனி பகவானின் சொந்த ராசி. ஆகவே இப்பெயர்ச்சியால் மிதுனம், துலாம் மற்றும் தனுசு ராசிக்காரர்கள் சிறப்பான பலன்களைப் பெறுவார்கள்.