யாரை கொரோனா வைரஸ் பாதிக்கும் - எட்டாம் வீடு சொல்லும் ரகசியம்!

எந்த கிரகத்திற்கு எந்த நோய்

சந்திரன் ஒருவரின் ஜாதகத்தில் பாதகமான நிலையை பெற்றிருந்தால் ரத்த அழுத்தம், காச நோய், ரத்த சோகை, சளி, கபம், நீரிழிவு, குடல் புண் ஏற்படும். குரு ஒருவரின் ஜாதகத்தில் பாதகமான நிலையை பெற்றிருந்தால் தொண்டை சம்பந்தமான நோய்கள், தைராய்டு, பக்க வாதம், கீழ் வாதம், நீரிழிவு தாக்கும். சுக்கிரன் ஒருவரின் ஜாதகத்தில் பாதகமான நிலையை பெற்றிருந்தால் கண், காது, மூக்கு நோய்கள். நுரையீரல் நோய், இருமல், பாலியல் தொடர்பான நோய்கள் ஏற்படும். சனி ஒருவரின் ஜாதகத்தில் பாதகமான நிலையை பெற்றிருந்தால் மனநோய், கை கால் வலிப்பு, மூளை பாதிப்பு, தோல் நோய் ஏற்படும்.

விடாமல் விரட்டும் நோய்கள்

மேஷ லக்னத்திற்கு செவ்வாய் லக்னாதிபதியாகவும், எட்டாம் இட அதிபதியாகவும் உள்ளார். எனவே செவ்வாய் நீச்சம் பெற்றால் உடல் ஆரோக்கியம் கெடும். மனக் கஷ்டம் இருக்கும். எந்நேரமும் நோய் இருந்து கொண்டே இருக்கும். துலாம் லக்னத்திற்கு, சுக்ரன் தான் லக்னாதிபதியாகவும், எட்டாம் இட அதிபதியாகவும் இருக்கிறார். இவர் உச்சம் பெறுவது ஆறாம் இடம் என்பதால் நோய் தாக்கம் அதிகரிக்கும். ரிஷபம் மற்றும் சிம்ம லக்னத்திற்கு குரு தான் எட்டாம் இடத்தின் அதிபதி. இந்த ஜாதகர்களைப் பொறுத்தவரை குரு நீச்சம் பெறாமல் இருப்பது நல்லது. உச்சம் பெறாமலும் இருக்க வேண்டும். குரு நீச்சம், உச்சம் பெற்றிருந்தால் சிறுவயது முதல் நோய்கள் வந்து கொண்டே இருக்கும்.

சனி பகவான் தரும் நோய்கள்

மிதுன லக்னத்திற்கும், கடக லக்னத்திற்கும் சனியே எட்டாம் இடத்தின் அதிபதி. இவர் நீச்சம் பெறாமல் இருக்க வேண்டும். அப்படி நீச்சம் பெற்றால் அந்த ஜாதகரின் மனம் ஒரு நிலையில் இருக்காது. தவிர மூட்டு வலி, வயிற்றுக் கோளாறு, மூல நோய் வரக்கூடும். விருச்சிகம், கும்பம் லக்னத்திற்கு புதன் எட்டாம் இடத்தின் அதிபதி. எனவே புதன் ஆட்சி, உச்சம் பெற்றால் ஜாதகருக்கு யோகம். அதுவே நீச்சம் பெற்றால், ஜாதகரின் ஆயுள் பலம் குறையும். குடல் புண், ரத்த அழுத்தம் வரும், நோய் எதிர்ப்பு சக்தி குறையும்.

நீரிழிவு நோய் பாதிப்பு

கன்னி லக்னத்திற்கு செவ்வாய் எட்டாம் இட அதிபதியாக இருக்கிறார். இவர் மகரத்தில் உச்சம் பெறுவது நல்ல யோக பலன் தரும். நீண்ட ஆயுள் இருக்கும். மாறாக நீச்சம் பெற்றால் ஜாதகருக்கு ரத்த அழுத்தம், சர்க்கரை நோய், எலும்பு தேய்மானம், மூட்டு வலிகள் தொல்லை தரும். தனுசு லக்னத்திற்கு எட்டாம் பாவாதிபதி சந்திரன். அவர் 6ஆம் பாவத்தில் உச்சம் பெறுவது யோகம் என்றாலும் ஜாதகர் மனநோயாளி போல் சில சமயம் நடந்து கொள்வார். சந்திரன் நீச்சம் பெற்றால் ஜாதகருக்கு முடக்குவாதம் போன்ற நோய்கள் தாக்கும்.

சூரியன் தரும் நோய்கள்

மகர லக்னத்திற்கு சூரியனே எட்டாம் இடத்தின் அதிபதி. சூரியன் நான்காம் இடமான மேஷ ராசியில் உச்சம் பெறுவது சிறப்பு. சூரியன் 10ஆம் இடமான துலாம் ராசியில் நீச்சம் பெற்று விடக்கூடாது. அவ்வாறு நீச்சம் பெற்றால் ஜாதகருக்கு தலைவலி, ரத்த ஓட்டம் சீராக இல்லாமல் போவது, உடல் சோர்வு, நரம்பு தளர்வு, சரியான உறக்கம் இல்லாமை போன்றவற்றால் தவிப்பார்கள்.

சளி தொந்தரவு

மீன லக்னத்திற்கு 8 ஆம் இடத்தின் அதிபதி சுக்ரன். இவர் 7ஆம் இடமான கன்னியில் நீச்சம் பெறுவது நன்மையை வழங்கும். மாறாக உச்சம் பெற்றால் அந்த ஜாதகருக்கு சிறுவயது முதல் நெஞ்சில் சளித் தொல்லை இருக்கும். இளம் வயதில் சர்க்கரை நோய், உடல் பருமன், தசைப்பிடிப்பு, தொற்று நோய்கள் பாதிக்கும்.