குரு பெயர்ச்சி 2019-20 : 12 ராசிக்காரர்களுக்கும் பலன்கள்..!

குரு பகவான் நவ கிரகங்களின் முழு சுப கிரகம். வாக்கிய பஞ்சாங்கப்படி தனுசு ராசிக்கு பெயர்ச்சியாகி விட்டார். திருக்கணித பஞ்சாங்கப்படி ஐப்பசி மாதம் 18ம் தேதி அதிகாலை 5.17 க்கு விருட்சிக ராசியில் இருந்து தனது சொந்த ராசியான தனுசு ராசிக்கு செல்ல இருக்கிறார். இந்த குரு பெயர்ச்சியால் நாட்டில் என்னென்ன நடக்கும் என்று ஜோதிடர் லட்சுமி நாராயண ஐயர் கணித்துள்ளார் படியுங்கள்.

குரு பெயர்ச்சி பலன்கள் மட்டுமே ஒருவரின் வாழ்க்கையை தீர்மானிப்பது கிடையாது. காரணம் ஜாதகத்தில் உள்ளது தசா புத்திகளும், கிரகங்களும் தான் 70% வரை பலன்களைத் தீர்மானிக்கும். குரு பெயர்ச்சி,சனிப் பெயர்ச்சி ,ராகு பெயர்ச்சி இதெல்லாம் 30% வரை பலனை தீர்மானிக்கும். ஜாதகத்தில் தசா புத்திகளில் இருக்கும் நன்மை தீமைகளை கூட்டி,குறைத்து வழங்குவதுதான் இந்தப் பெயர்ச்சிகளின் தன்மையாகும். தங்கள் சுய ஜாதகத்தை ஆராய்ந்து மற்ற முடிவுகளை எடுங்கள்.

MOST READ: 10 பயங்கரமான உணவு வகைகள்.. சாப்ட்டீங்க.. செத்துருவீங்க!

அனைவருக்கும் பொதுவாக உள்ள பலன்களை இங்கே நான் குறிப்பிடப் போவதில்லை. ஆதிபத்யங்களை மையமாக வைத்துத்தான் பலன்களை கூறப் போகிறோம். ராசிக்கு மட்டும் பலன்களை எடுக்காமல் லக்கினத்திற்கும் எடுக்க வேண்டும். பொதுவாக குரு 2,5,7,9,11ல் குரு வந்தால் நன்மையை செய்யும் என்று ஏமாற வேண்டாம். உங்க சொந்த ஜாதகத்தில் தசாபுத்தி எப்படி இருக்கிறதோ அதன்படியே நடக்கும்.