Ganesh Chaturthi 2022: விநாயகர் எடுத்த 8 அவதாரங்கள் பற்றி தெரியுமா?

வக்ரதுண்டா

விநாயகரின் முதல் அவதாரம் தான் வக்ரதுண்டா. விநாயக பெருமான் மட்சரா என்ற அரக்கனை அழிக்கவும், மூன்று உலகங்கள் மற்றும் தேவர்கள் இழந்த ராஜ்யங்களை மீட்டெடுப்பதற்கும் இந்த அவதாரத்தை எடுத்துள்ளார். இந்த அவதாரத்தில் விநாயகர் சிங்கத்தின் மேல் அமர்ந்திருப்பார்.

ஏகதந்த

விநாயகரின் இரண்டாவது அவதாரம் தான் ஏகதந்த. இந்த இரண்டாவது அவதாரம் மிக உயர்ந்த உண்மையை வெளிப்படுத்துகிறது. இந்து புராணங்களின் படி, சிவனை சந்திக்க விடாமல் பரசுராமரை தடுத்ததால், பரசுராமர் கோபம் கொண்டு விநாயகரின் ஒரு தந்தத்தை உடைத்ததாக கூறப்படுகிறது.

கஜானன்

விநாயக பெருமான் 'கஜானன்' என்றும் அழைக்கப்படுவார். கஜானன் என்றால் யானைத் தலை என்று பொருள். இந்து புராணங்களின் படி, கஜ் என்றால் யானை மற்றும் அனன் என்றால் தலை என்று பொருள். விநாயகர் உலகில் பேராசையை எதிர்த்துப் போராட இந்த அவதாரத்தை எடுத்ததாக கூறப்படுகிறது.

லம்போதரா

க்ரோதசுரனை எதிர்த்துப் போராட விநாயகர் இந்த அவதாரத்தை எடுத்துள்ளார். க்ரோதசுரன் கோபத்தின் அரக்கன் ஆவார். விநாயகர் இந்த அரக்கன் மற்றும் அவரது கோபத்தில் இருந்து உலகை மீட்டெடுக்க இந்த அவதாரத்தை எடுத்ததாக கூறப்படுகிறது.

விக்னராஜ்

இது விநாயகரின் மிகவும் பிரபலமான அவதாரங்களில் ஒன்றாகும். காலரூபன் என்ற அரக்கனை கொல்வதற்காக இந்த அவதாரத்தில் பிறந்தார். விக்ன என்றால் தடைகள் என்று பொருள். விநாயகர் இந்த அவதாரத்தில் தான் தடைகளில் இருந்து பாதுகாத்து வெற்றியின் பாதைக்கு நம்மை அழைத்துச் செல்கிறார்.

மயூரேசர்

விநாயகரின் மற்றொரு அவதாரம் தான் மயூரேசர். இந்த அவதாரத்தில் விநாயகர் பிரம்மாவிடம் இருந்த வேதங்களை, கமலாசுரன் என்ற அசுரன் திருடிச் சென்ற போது, மயில் வாகனத்தில் சென்று, அவனை வென்று வேதங்களை மீட்டெடுத்தார்.

கணேசர்

விநாயகரின் மிகவும் பிரபலமான ஓர் அவதாரம் தான் கணேசர். இந்த அவதாரத்தில் பலி என்ற அசுரன் தேவர்களை துன்புறுத்திய போது, 5 முகத்துடன் தோன்றி அவனை அழித்தார்.

சிந்தாமணி

ஒருமுறை கபிலர் என்ற முனிவரிடம் இருந்த சிந்தாமணி என்ற அற்புதப் பொருளை, கனகராஜன் என்பவன் திருடிச் சென்றான். இந்த சிந்தாமணி உயிரைக் காக்கக்கூடியது. இந்த சிந்தாமணியை மீட்டு கொண்டு வந்ததால், சிந்தாமணி என்ற பெயரைப் பெற்றார்.