சாணக்கிய நீதியின் படி உங்களின் உண்மையான நண்பனை எப்படி அடையாளம் தெரிஞ்சிக்கலாம் தெரியுமா?

தேவைப்படும் போது உதவியாக இருப்பவர்கள்

தேவைப்படும் போது உதவி செய்பவனே நல்ல நண்பன் என்று சாணக்கியர் கூறியுள்ளார். உங்கள் வாழ்க்கையில் ஏதேனும் தவறு நடந்தால், உங்களின் மோசமான நேரத்திலும் ஒரு நல்ல நண்பர் உங்களை ஆதரிக்க வேண்டும். ஆனால் நண்பனாகிவிட்ட எதிரியிடம் தற்செயலாகக் கூட உதவி கேட்கக் கூடாது என்றும் சாணக்கியர் கூறியுள்ளார். இது உங்களுக்கு மேலும் சிக்கல்களை ஏற்படுத்தும்.

ஆபத்தில் உதவி செய்பவர்கள்

ஆபததில் உதவுபவனே சிறந்த நண்பன் என்று சாணக்கியர் கூறியுள்ளார். உங்களுக்கோ அல்லது உங்கள் குடும்பத்தினருக்கோ ஏதேனும் நெருக்கடி ஏற்பட்டால், உங்களின் உண்மையான நண்பர்கள் உங்களுக்கு உடனடியாக உதவுவார்கள்.

பஞ்சத்தின் போது உதவுபவர்கள்

வீட்டில் பஞ்சம் அல்லது உணவு பற்றாக்குறை ஏற்பட்டால் உங்களுக்கு உதவுபவர்கள் உண்மையில் உங்கள் நண்பர்கள் என்று சாணக்கிய நீதியில் எழுதப்பட்டுள்ளது. பஞ்ச காலத்தில் உதவி செய்பவனே உண்மையான நண்பன். பஞ்ச காலத்தில் நமக்கு உதவி செய்பவர் யாராவது இருந்தால் அவர் சிறந்த நண்பர் என்கிறார் சாணக்கியர்.

நெருக்கடிகளில் துணை நிற்பவர்கள்

சண்டை போன்ற சூழ்நிலைகள் அல்லது வாழ்க்கையில் நெருக்கடிகள் ஏற்பட்டால் அவருக்கு துணை நிற்பவனே உண்மையான நண்பன் என்று சாணக்கியர் கூறுகிறார். ஒரு உண்மையான நண்பன் என்பவன் பிரச்சனையின் போது ஒருவருக்கு ஆதரவாக இருப்பவன்.

உடல்நல பிரச்சினையின் போது உடனிருப்பவர்கள்

ஒருவருக்கு ஏதேனும் கடுமையான நோய் இருந்தால், அந்த நேரத்தில் உங்களுக்கு உதவுபவர்களை உங்கள் உண்மையான நண்பரகளாகக் கருதலாம் என்று சாணககியர் கூறுகிறார்.

வேலையில் உதவுபவர்கள்

உங்களின் எந்தவொரு முக்கிய பணியிலும் உங்களுக்கு ஆதரவளிப்பவர் உங்கள் உண்மையான நண்பர். மரணத்திற்குப் பிறகு ஒருவரை தகன மேடைக்கு அழைத்துச் செல்வது வரை ஒத்துழைப்பவனே உண்மையான நண்பன் என்று சாணக்கியர் கூறுகிறார். அப்படிப்பட்டவர்களுடன் நட்பு கொள்ளுங்கள் என்றும் சாணக்கியர் கூறுகிறார்.

யாருடன் நட்பு கொள்ளக்கூடாது?

ஒருவர் எப்போதும் தங்களுக்கு சமமானவர்களுடன் நட்பு கொள்ள வேண்டும். இல்லையெனில் அத்தகைய உறவுகள் விரைவில் முறிந்து விடும் என்று சாணக்கியர் கூறுகிறார். பணக்காரர்களுடன் நட்பு வைத்துக் கொள்பவர்கள் நிச்சயமாக அவர்களுக்குப் பின்னால் சில சுயநல ஆர்வங்கள் இருக்கும். அவர்கள் தங்கள் நண்பரின் பணத்தை சாதகமாக்க முயற்சி செய்யலாம். அத்தகைய நபர்களிடம் எச்சரிக்கையாக இருக்க

வேண்டும்.

எதிரெதிர் குணமுடையவர்கள்

சாணக்கிய நீதியின்படி, எதிர் இயல்புடைய ஒருவருடன் நட்பு கொள்ளக் கூடாது. ஏனென்றால், பாம்பு, ஆடு, புலி ஆகியவை ஒன்றுக்கொன்று நட்பாக இருக்கவே முடியாது. மேலும் எந்த ஒரு நண்பரையும் கண்மூடித்தனமாக நம்பி தனிப்பட்ட ரகசியங்களைப் பகிர்ந்து கொள்ளக் கூடாது என்கிறார் சாணக்கியர். ஏனென்றால், உறவு மோசமடைந்தால், அவர்கள் உங்கள் ரகசியங்களை மற்றவர்களுக்குப் பகிரங்கப்படுத்தலாம். உங்கள் முகத்தைப் பார்த்து உங்களைப் புகழ்பவர்களிடம் எச்சரிக்கையாக இருங்கள் என்றும் சாணக்கியர் கூறுகிறார்.