மீன ராசிக்காரர்களுக்கு இந்த ஜூன் மாதம் எப்படி இருக்கப்போகிறது?

By Suganthi Rajalingam

Published: Thursday, May 31, 2018, 19:00 [IST]

2018ம் ஆண்டு தொடங்கி ஐந்து மாதங்கள் முடிந்து விட்டது. ஆம். இந்த ஆண்டினுடைய 6 ம் மாதத்தின் தொடக்கத்தில் இன்று நாம் இருக்கிறோம். இந்த மாதத்தை எப்படி நல்ல முறையில் தொடங்கலாம்? இந்த மாதம் வரவிருக்கும் நிகழ்வுகளுக்கு நம்மை தயார் படுத்திக் கொள்ளலாம். இந்த பதிவில், அனைத்து ராசிகளுக்குமான இந்த மாத பலன்கள் நம் ஜோதிட வல்லுநரால் கணித்துத் தரப்பட்டுள்ளது.

இந்த பலன்களை அறிந்து கொள்வதன் மூலம், உங்களுடைய அதிர்ஷ்ட நேரம் மற்றும் கெட்ட நேரத்தை அறிந்து அதற்கேற்ற முறையில் உங்கள் வாழ்க்கையை மாற்றிக் கொள்ளலாம். இம்மாத ராசிபலன்களை அறிந்து கொள்வோம் வாருங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

ஜூன் மாத மீன ராசி பலன்கள்

அமைதியாகவும் நட்பாகவும் பழகும் நல்ல உள்ளம் கொண்ட மீன ராசி அன்பர்களே

இயற்கையாகவே நட்பு உங்கள் இயல்பாக இருக்கும். உங்கள் ஊக்குவிக்கும் கருத்துகளைக் கொண்டே பிறரை எளிதில் கவர்ந்து விடுவீர்கள். தங்கள் வழியில் வரும் தடைகளை எளிதில் கையாளக் கூடிய நபர்கள் நீங்கள். உங்களிடம் மென்மையான குணமும் பிறரை மன்னிக்கும் மனப்பான்மையும் எல்லையில்லாமல் இருக்கும். சூரியனை அடையாளமாகக் கொண்ட நீங்கள் உங்கள் காதலையும் உணர்வுகளையும் தவறாமல் வெளிப்படுத்துவீர்கள். ஒரு கண்ணாடி மாதிரி பிரதிபலிக்கும் நபர்கள் நீங்கள்.

இந்த ஜூன் மாதம் 2018 ஆம் ஆண்டு மீன ராசிபலன்படி பார்த்தால் மோதல்கள் மற்றும் சோதனைகள் நிறைந்திருக்கும்.உங்கள் புத்திசாலித்தனத்தையும், நுண்ணறிவையும் பயன்படுத்த வேண்டிய காலம் கட்டம் இது. உங்கள் ஜாதக கட்டம் 60 % சாதகமான சூழ்நிலையில் அமைகிறது. உங்கள் தொழில், பொருளாதாரம், உடல் நலம் மற்றும் காதல் வாழ்க்கை இவற்றை பற்றிய எதிர்கால கணிப்புகளை அறிந்து செயல்பட நாங்கள் உங்களுக்கு உதவப் போகிறோம்.

உடல் நலம்

இந்த மாதம் ஆரோக்கியத்திற்கு சாதகமாக அமையப் போவதில்லை. இந்த மாதம் 21 ஆம் தேதி வரை ஓய்வெடுக்க வேண்டிய சூழ்நிலை நிலவும். ஆரோக்கியமான உணவு முறை மற்றும் உடற்பயிற்சி உங்கள் உடலை பேணிக் காக்க உதவும்.

உங்களுடைய மனவலிமை உங்களை சில உடல் உபாதைகளிலிருந்து மீட்கும்.

முன்னெச்சரிக்கையாக சில மருந்துகளை எடுத்து கொண்டு மன அழுத்தத்தை முற்றிலும் கைவிடுவது உடல் நலத்தை மேம்படுத்தும். துரித உணவுகளை தவிர்த்து சந்தோஷமாக இருந்தாலே போதும் உங்கள் உடல் நலம் மேம்படும்.

தொழில்

இந்த மாத தொடக்கத்திலயே உங்கள் கடின உழைப்பை காட்டி வெற்றிக் கனிகளை பறிக்க போகிறீர்கள். உங்கள் கடின உழைப்பிற்கு மேலிடத்தில் இருந்து பாராட்டுகளையும் பரிசுகளையும் குவிப்பீர்கள். பணியிடங்களில் உங்கள் மரியாதை உயர்ந்து காணப்படும். உங்கள் சக ஊழியர்களும் உங்களை மதிப்பார்கள். பதவி உயர்வு போன்ற பேச்சுகள் சாதகமாக அமையும். அதிகமான மன அழுத்தம், அதிகமான வேலைப்பளு உடல் நல குறைவை ஏற்படுத்தலாம். எனவே ரிலாக்ஸ் ஆக செயல்படுங்கள்.

பொருளாதாரம்

புதிய தொழில் தொடங்குவதற்கும் பெரிய முதலீட்டிற்கும் இது சரியான மாதமாகும். பொருளாதார ரீதியாக இது உங்களுக்கு சரியான அணுகூலமான மாதமாகும். அரசாங்க ஒப்பந்தம் அல்லது புதிய வியாபார தொடக்கம் உங்களுக்கு அதிக லாபத்தை ஈட்டித் தரும். இருப்பினும் தனிப்பட்ட பண விஷயங்கள் மற்றும் நட்பு வட்டார பழக்கம் இவற்றில் கவனத்துடன் செயல்படுவது நல்லது. ஒட்டுமொத்தமாக பார்த்தால் பொருளாதார வளர்ச்சி மேம்படும்.

காதல் வாழ்க்கை

இந்த மாதம் காதல் வாழ்க்கைக்கு சாதகமாக அமையப் போவதில்லை. ஸ்பெஷலான உணர்வுப் பூர்வமான சில தருணங்களை இழந்து தவிப்பீர்கள். உங்கள் காதல் உணர்வுகள் அதிகரிக்கும்.அதே நேரத்தில் உங்கள் துணையின் காதல் உணர்வு மாற்றமடையாததை நினைத்து வருந்துவீர்கள். இதனால் உங்கள் துணையுடனான நெருக்கம் பின் வாங்கும். இதற்கு பொறுமையாகவும் துணிச்சலாகவும் நீங்கள் செயல்பட்டாலே போதும் உங்களுக்கும் உங்கள் துணைக்கும் இடையே காதல் மேலோங்கும். குழந்தை பெற்றுக் கொள்ள நினைத்தால் சரியாக திட்டமிட்டு செயல்படுங்கள். குடும்பத்தில் சில அவசர நிலைகள் நிலவலாம். துணையுடனான நிலுவை விவகாரங்கள் எல்லாம் சரியாகும். எனவே இந்த மாதம் உங்கள் காதலை பொறுமையுடன் வெளிப்படுத்துங்கள். காதல் இனிக்கும்.