பிள்ளையார்பட்டி விநாயகர் மட்டும் தனித்துவமாக இருப்பது ஏன்???

துதிக்கை வலம்சுழித்ததாக இருக்கும்

கற்பக விநாயக பெருமானின் துதிக்கை வலம் சுழித்ததாக அமைந்திருப்பது தனி சிறப்பாக திகழ்கிறது.

இரண்டு கரங்கள்

பொதுவாக மற்ற வழிபாட்டு ஸ்தலங்களில் இருப்பதைப் போல நான்கு கைகள் இன்றி இரண்டு கரங்களை கொண்டு விளங்குகிறார்.

அங்குச பாசங்கள் இல்லாமல் விளங்குவது.

பிள்ளையார்பட்டி கற்பக விநாயகர் மற்ற கோவில் விநாயகரை போன்று இல்லாமல், அங்குச பாசங்கள் இல்லாமல் விளங்குகிறார்.

"அர்த்தபத்ம" ஆசனம்

வயிறு, ஆசனத்தில் படியாமல் "அர்த்தபத்ம" ஆசனம், போன்று கால்கள் மடித்திருக்க அமர்ந்தருள்கிறார் பிள்ளையார்பட்டி கற்பக விநாயகர்.

பெருமித கோலம்

இடக்கரத்தை கடிஹஸ்தமாக இடையில் நாட்டிப் பெருமிதமானக் கோலத்தில் காட்சியளிப்பது.

வலக்கரத்தில் மோதகம் தாங்கியருள்வது

பிள்ளையார்பட்டி கற்பக விநாயகர் வலக்கரத்தில் மோதகம் தாங்கி அருள்பாலிக்கிறார்.

தந்ததின் வேறுபாடு

ஆண், பெண் இணைப்பை புலப்படுத்தும் வகையில், வலத்தந்தம் நீண்டும், இடத்தந்தம் குருகியும் காணப்படுகிறது பிள்ளையார்பட்டி கற்பக விநாயகரின் தோற்றத்தில்.